سەرەتا / به‌شێن مالپه‌ری / نوچه‌ / دیارده‌یه‌كا ده‌گمه‌نا گه‌ردوونى روويـدده‌ت .. سيبه‌را كه‌عبێ نامينيت

دیارده‌یه‌كا ده‌گمه‌نا گه‌ردوونى روويـدده‌ت .. سيبه‌را كه‌عبێ نامينيت

مالپه‌رێ خابیر / زاخۆ

ئه‌ڤرو پێنج شه‌مبی (11-7-2019) كۆمه‌ڵه‌یا گه‌ردوونى ل باژێرێ جه‌دده‌یا سعودیه‌ راگه‌هاند ، بۆ جارا دووێ و داویێ ل ده‌مێ ئه‌ڤساڵه‌دا رۆژ ب شێوه‌یه‌كێ ستونى لسه‌ر كه‌عبه‌یێ ڕادوه‌ستیت ، ئه‌ڤ بوویه‌را ده‌گمه‌ن یا گه‌ردوونی دێ ل رۆژا سێ شه‌مبیا داهاتی دووباره‌ بیت .

ساڵانه ژی تیشكا ڕۆژێ دوو جاران ب شێوه‌ىێ ستونى دكه‌ڤیته‌ سه‌ر ئه‌ردی ، ل وی ده‌می ل مه‌ها ئه‌یارێ ڕۆژ ل خوڵگه‌یا دناڤبه‌را گیسك و قڕژاڵ دا لڤینێ دكه‌ت ، ئه‌مساڵه‌ ژی دیارده‌ ل داوییا هه‌یڤا ئه‌یارا رابووری روویدا ، جاره‌كا دیتر ژی ل هه‌یڤا ئه‌یارا 2020ێ دێ روویده‌ت.

ماجد ئه‌بو زاهیره‌ى سه‌رۆكێ كۆمه‌ڵه‌یا گه‌ردوونى ل جه‌دده‌ راگه‌هاند :” ئاسمانێ باژێرێ مه‌ككه‌یا پیرۆز ل رۆژا سێ شه‌مبیا داهاتی (16)ی ته‌مموزێ بۆ دووه‌م جار ل ساڵا 2019ێ تیشكا ڕۆژێ ب شێوه‌ىێ ستونى دكه‌ڤیته‌ سه‌ر و ، ب ڤی جوری ژی سیبه‌را كه‌عبه‌یێ ل وی ده‌می نامینیت” .

گوت ژی :” ئه‌ڤ دیارده‌یه‌ روویدده‌ت ، ل وی ده‌مێ ڕۆژ ل خوڵگه‌یا قڕژاڵه‌ به‌ره‌ڤ باشووری دچیت بۆ هێلا كه‌مه‌ری و دكه‌ڤیته‌ ناڤه‌ڕاستا هێلا (زه‌وال ) ، دگه‌ل كه‌عبێ ژی لسه‌ر ئێك هێل دن ، ل ده‌مێ بانگێ نیڤرۆ رۆژا سێ شه‌مبی (16)ی ته‌مموزێ ده‌مژمێر (12:27) خوله‌ك سیبه‌را كه‌عبێ نامینیت ” .

ئه‌ڤ دیارده‌یا گه‌ردوونی ب رێكه‌كا كه‌ڤن دهێته‌دان بۆ دیاریكرنا ئاراسته‌یێ  قیبلێ ب شێوه‌یه‌كێ ساده‌ و كاریگه‌ر په‌نا بۆ دبر ، مفایێ ڤێ دیاردێ ژی چ كێمتر نینه‌ ژ ئه‌پڵیكه‌یشنێن مۆبایلێن هۆشمه‌ندێن ڤی سه‌رده‌م .

ل ده‌مێ لڤینا ڕۆژێ ژی ل وه‌رزێن هاڤین و زڤستانێ ، ئه‌م دیارده‌یا گه‌ردوونی بتنێ دوو جاران دووباره‌ دبیت ، ل ده‌مێ ڕۆژ دناڤبه‌را كه‌لووىا گیسك و قڕژاڵ دا دبیت ، بڤی جوری ژی تیشكا ڕۆژێ ب شێوه‌ىێ ستونى دكه‌ڤیته‌ سه‌ر چه‌ند باژێراندا كو ل ده‌مێ ساڵه‌كێ ، دوو جاران دكه‌ڤیته‌ سه‌ر ڤان دوو هێلان .

دەربارە ف.ع

Check Also

په‌رله‌مانتارێن توركیا: ره‌وشا ساخله‌میا ده‌میرتاشى زوور یا باشه‌ و د نها دا ساخله‌میا وى یا جێگیره‌

مالپه‌رێ خابیر / زاخۆ پشتى تێكچوونا ره‌وشا ساخله‌میا وى دناڤ زیندانێ دا، شانده‌كێ جه‌هه‌په‌ سه‌ره‌دانا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *