سەرەتا / به‌شێن مالپه‌ری / ڤه‌كولین / ڤه‌كولین: كه‌یفخوه‌شى و نه‌كێشانا چگاره‌یان ئه‌گه‌رن بۆ درێژبینا ژیێ مرۆڤى.

ڤه‌كولین: كه‌یفخوه‌شى و نه‌كێشانا چگاره‌یان ئه‌گه‌رن بۆ درێژبینا ژیێ مرۆڤى.

ڤه‌كولین: كه‌یفخوه‌شى و نه‌كێشانا چگاره‌یان ئه‌گه‌رن بۆ درێژبینا ژیێ مرۆڤى.

مالپه‌رێ خابیر / زاخۆ
دڤه‌كولینه‌كا گرنگ دا ب درێژاهییا 50 سالان ده‌رباره‌ى په‌یوه‌ندى دناڤبه‌را شێوازێ ژیانێ و ژیێ مرۆڤى دا، ڤه‌كوله‌ران ل سوید ئاشكراكر كو هنده‌ك ڕویێن وه‌كئێك دناڤبه‌را عه‌ده‌ت و نه‌ریتێن زه‌لامێن ژیدرێژ دا یێت هه‌ین.
دڤه‌كولینێ دا دیاربى كو بتنێ 10 كه‌س ژ 855 كه‌سێن پشكدارى دڤه‌كولینێ دا كرین گه‌هشتنه‌ ژیێ سه‌دسالیێ و ئه‌و ده‌هـ زه‌لامه‌ دهه‌ڤپشك بین دنه‌كێشانا چگاره‌یان دا و پارێزى ل لیاقه‌ت و ساخله‌مییا خوه‌ دكرن و ده‌روونێت وان ژى تا رادده‌یه‌كێ باش یێ ساخله‌م بین و رێژا كولیستورولێ و فشارا خوینێ ژى لده‌ڤ وان كێم بى.
هه‌ر ده‌هـ كه‌سێن ژیێ وان گه‌هشتینه‌ سه‌دسالیێ هه‌تا ژیێ 50 سالیێ ب دورستى كارێ خوه‌ ئه‌نجام ددان و درۆژێ بتنێ چار كوپێن قه‌هوێ ڤه‌دخارن و دژیێ 50 سالیێ دا خانیێن خوه‌ یێن تایبه‌ت هه‌بین، و هه‌مى توشى ژ ده‌ستدانا هزر و بیران نه‌ببین.
ڤه‌كولینێ ڕاگه‌هاند كو 27% ژ پشكداران هه‌تا ژیێ 80 سالیێ ژیان، و 13% هه‌تا ژیێ 90 سالیێ و بتنێ 1% گه‌هشتنه‌ ژیێ سه‌دسالیێ.
ڤه‌كوله‌ران ل دویماهیێ دیاركرن كو دبت ئه‌نجامدانا هنده‌ك گوهورینێن سڤك دشێوازێ ژیانێ دا ببته‌ ئه‌گه‌ر بۆ درێژبینا ژیێ مرۆڤى، ژ وان گوهورینا رێڤه‌چوونه‌كا رێكئێخستى و كێمكرنا بكارئینانا شه‌كرێ و خوێ و دوهنیاتا و نه‌كێشانا چگاره‌یان و كه‌یفخوه‌شییا به‌رده‌وام.

Check Also

ڤه‌كولین: كه‌سێن قه‌له‌و د چاڤێن ده‌یكێن خوه‌ دا به‌ژن زراڤن

ڤه‌كولین: كه‌سێن قه‌له‌و د چاڤێن ده‌یكێن خوه‌ دا به‌ژن زراڤن مالپه‌رێ خابیر / زاخۆ گوتنه‌كا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *