سەرەتا / به‌شێن مالپه‌ری / ساخلەمی / وه‌رزش ده‌رفه‌تێن دووگیانبینێ زێده‌تر دكت.

وه‌رزش ده‌رفه‌تێن دووگیانبینێ زێده‌تر دكت.

وه‌رزش ده‌رفه‌تێن دووگیانبینێ زێده‌تر دكت.

مالپه‌رێ خابیر / زاخۆ
ل ده‌مێ دوو هه‌ڤژین زارۆكان نه‌بن هزر دشێوازێ ژیانا خوه‌ دا دكن داكو ل ئه‌گه‌رێن نه‌هێلانا دووگیانبینێ بگه‌رن، به‌لێ نوژدارێن تایبه‌تمه‌ند دبینن كو كێشا له‌شى و بوارێ چالاكییا مرۆڤى كارتێكرن لسه‌ر پیتاندنێ لده‌ڤ زه‌لام و ژنكان یا هه‌یی چونكى لیاقه‌تا له‌شى پیتاندنێ زێده‌دكت، و ئه‌نجامدانا وه‌رزشێ بشێوه‌یه‌كێ رێكئێخستى چه‌ندین مفایێن هه‌ین بۆ شیانێت دوو گیانبینێ.
دڤى بابه‌تى دا دێ چه‌ندین كارتێكرنێت لیاقا له‌شى و ئه‌نجامدانا وه‌رزشێ لسه‌ر ئاستێ پیتاندنێ لده‌ڤ زه‌لام و ژنان دیاركین، و دێ رۆناهیێ ئێخینه‌ سه‌ر وان تشتێن لسه‌ر زه‌لام و ژنكان پێدڤینه‌ ژێ ب ئاگه‌هـ بن ل ده‌مێ وه‌رزشێ ئه‌نجام ددن داكو پیتاندنه‌كا باشتر ل ده‌ڤ وان په‌یداببت:
– چالاكیێن وه‌رزشى پرۆسا پێدانا مادده‌یێن خوراكى ب خانه‌یان باشتر دكت و ئه‌ڤ چه‌نده‌ ده‌ردانا هورمونا (ئه‌نسولین) رێك دئێخت و هوسا هاریكارییا هورمونێن دبنه‌ ئه‌گه‌ر بۆ پیتاندنه‌كا باشتر دهێته‌ كرن.
– لڤین و چالاكى رێژا رۆنى و دوهنیاتا دناڤ له‌شى كێم دكت، و ڤێ چه‌ندێ مفایێن خوه‌ بۆ له‌شێ ژنكێ یێت هه‌ین كو له‌شێ وێ 30% ژ خانێن دوهنى ژ هورمونێ (ئیستروجین)یێ مێینه‌ بده‌ستڤه‌ دئنیت، و هوسا زێده‌هى دخانێن دوهنیات دا ده‌رفه‌تێن دووگیانبینێ كێم دكن ، ژبه‌ر ڤێ چه‌ندێ ئاستێ خانێن دوهنى دله‌شێ ژنكێ دا دژیانا ژنكێ یا ده‌مێ تێدا دشێن دوو گیان ببت یا گرنگه‌.
– چالاكیێن وه‌رزشى ل ده‌ڤ زه‌لامان ئاستێ ده‌ردانا هورمونێ (تستسترون)یێ نێره‌كى زێده‌ دكت و هوسا كوالێتیا گیانه‌وه‌روچكێن مه‌نه‌وى زێده‌ دبت.
– به‌لێ وه‌ك دیار هه‌ر تشته‌كێ ژ رادده‌ى هاته‌ ئه‌نجام دا دێ ل دژى مرۆڤى دراوه‌ستت، له‌ومان زێده‌هى دئه‌نجامدانا وه‌رزشێ دا كارتێكرن یا لسه‌ر دووگیانبینێ هه‌یی و ده‌رفه‌تێن دووگیانبینێ ل ده‌ڤ ژنكان كێم دبت.
گرنگترین تشت دئه‌نجامدانا وه‌رزشێ دا رێكئێخستنه‌ و بشێوه‌یه‌كێ لگه‌ل هێزا له‌شێ مرۆڤى بگونجت، له‌ومان دڤێت زێده‌هى دوه‌رزشێ دا نه‌هێته‌ كرن كا چاوا نابت ده‌ست ژ ئه‌نجامدانا وه‌رزشێ بهێنه‌ به‌ردان.

Check Also

ئه‌گه‌ر رۆژانه‌ كه‌له‌میێ بخوی دێ 7 تشت ب سه‌رێ ته‌هێن

ئه‌گه‌ر رۆژانه‌ كه‌له‌میێ بخوی دێ 7 تشت ب سه‌رێ ته‌هێن مالپه‌رێ خابیر / زاخۆ كه‌له‌می …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *