مالپه‌رێ خابير مالپه‌ره‌كێ سه‌ربه‌خو یێ هه‌مه‌ره‌نگه
Related Articles
مالپه‌رێ خابیر / زاخۆ
مه‌حه‌ممه‌د تۆفیق ره‌حیم ئه‌ندامێ به‌رێ یێ خانه‌یا راپه‌ڕاندنا بزاڤا گۆڕان و كاندید بۆ پۆستێ جێگرێ سه‌رۆكێ هه‌رێما كوردستانێ راگه‌هاندییه ، من ئه‌زموونا سیاسى یا خۆ بۆ خزمه‌تا هه‌رێما كوردستانێ بكاربینم ، ئاماژه بۆ وێ یه‌كێ ژی كر تاكه كاندیده هه‌تا نها سیڤى پێشكێشكر بیت بۆ وه‌رگرتنا پۆستێ جێگرێ سه‌رۆكێ هه‌رێمێ .
د داخویانیه‌كێدا بۆ به‌شێ كوردى یێ ده‌نگا ئه‌مریكا محه‌ممه‌د تۆفیق ره‌حیم راگه‌هاند :” ده‌مێ دوو هه‌یڤانه من سیڤی پێشكێشكرییه بۆ وه‌رگرتنا پۆستێ جێگرێ سه‌رۆكێ هه‌رێمێ ” ، ئاماژه‌ى بۆ وێ یه‌كێ ژی كر ” چ كه‌سه‌كی داخواز ژێ نه‌كرییه خۆ ژ پۆستی ڤه‌كێشیت .
گوت ژی :” من خۆ کاندید کرییە بۆ پۆستێ جێگرێ سەرۆکێ هەرێمێ چونکی من دڤێت وان شیانێن من هه‌ین و ئەو ئەزمونا كو من د ژیانا سیاسیدا هەیه بكاربینم بۆ سەرخستنا هەرێما کوردستانێ ” .
وی كاندیدێ جێگرێ سه‌رۆكێ هه‌رێما كوردستانێ دووپاتكرییه :” گرفت لسه‌ر پۆستان هه‌یه و ئه‌ڤه ژی ئاساییه، بۆ پۆستێن دیتر ژبلی پۆستێ جێگرێ سه‌رۆكێ هه‌رێمێ زۆركه‌سان سیڤی پێشكێشكرییه ، لێ جڤاتا نشتیمانی دێ ڤێ یه‌كێ ئێكلایكه‌ت ” .
