سەرەتا / ئەگەرێن هەودانا مێلاکێ چنە!

ئەگەرێن هەودانا مێلاکێ چنە!

مالپه‌رێ خابیر / زاخۆ

مێلاک ئێک ژ رژێنەرێن گرنگێن لاشێ مروڤی یە، ل پشت مەعیدێ یە،نزیکی ۱۰ــ۱٥سم یا درێژە، ۷٥ــ۱۲۰گرامە، ڤێ رژێنێ دوکارێن سەرەکی هەنە، ئێک دەرکرنا هورمونا ئنسولینێ بۆ کنترولکرنا شەکرێ ناڤ خوینێ دا و هندەک کارێن دی یێن لاشی.
دووەم کارێ مێلاکێ دەرکرنا چەند ئەنزیمەکانە بۆ ناڤ رێخۆلا دوازدە گرێ دا، ئەڤ ئەنزیمە بۆ تەمامکرنا هەرسکرنا خوارنێ ب تایبەتی خوارنێن دوهن تێدا، هەروەسا مێلاک ژی وەکی هەمو ئەندامێن دی یێن لاشی توشی نەخۆشیا دبیت،ئێک ژ وان نەخۆشیان هەوکرنا بلەزە، نەخۆش هەست ب ئازارەکا دەملدەست یا توند یا زکی و پشتا زکی دکەت، ژبەر توندیا ئێشانێ نەخۆشی ئێکسەر دگەهینە نەخۆشخانێ.

هۆکارێن هەوکرنا مێلاکێ
ــ چێبوونا بەرێ زراڤێ
ــ مەی ڤەخوارن
ــ جگارە کێشان
ــ نازورا بوریا زراقێ
ــ هندەک دەرمان
ــنەخۆشیێن زکماکی
ــ بەرزبوونا دوهنی کالسیۆما خوینێ

هەورکرنا پەنکریاسێ دوو جورن
جورێ سادە کو نەخۆش بێ گیروگرفت دێ چێبیت، یا دی جورێ گران کو گیروگرفتێن گەورە ل سەر لاشێ نەخۆشی دروست دکەت،رەنگە ببیتە ئەگەرێ ژکارکەفتنا گولچیسکا و سیهی ومەترسیێ ل سەر ژیانا نەخۆشی پەیدا دکەت.
بۆ چارەسەرکرنا نەخۆشیا هەودانا مێلاکێ دڤێت نەخۆش ل نەخۆشخانێ بمینیت،ل دویڤ ئاسایبوونا بارێ ساخلەمیا نەحۆشی، دڤێت هەودانا مێلاکێ بهێتە چارەسەرکرن و بەرێ زراڤێ بهێنەدەر ب رێکا نشتەرگەریێ و ل جگارێ و مەی ڤەخوارنێ بینیت و وان دەرمانا نەخۆت کوبووینە ئەگەرێ هەودانا مێلاکێ و دوهنێ دناڤ خوینێ دا کێم بکەت.

ن.ن

دەربارە ف.ع

Check Also

ڤيديو: كه‌سێن بۆ ئێكه‌م جار ده‌نگان د بهيسن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *