سەرەتا / به‌شێن مالپه‌ری / ئاینى / ئه‌ڤرۆ هه‌مى حه‌جى ل عه‌ره‌فێ نه‌.

ئه‌ڤرۆ هه‌مى حه‌جى ل عه‌ره‌فێ نه‌.

ئه‌ڤرۆ هه‌مى حه‌جى ل عه‌ره‌فێ نه‌.

مالپه‌رێ خابیر / زاخۆ

ئه‌ڤرۆ رۆژا شه‌مبيێ (9ی زی الحجە) كو بەرامبەرە ب 10 ئوغوستوسا 2019ـێ حه‌جیێن سەرتاسەری جیهان، كو ژمارا وان ژ دوو ملیونا ده‌ربازبییه‌، ئێك ژ مه‌زنترین روكن و بوهایێن فه‌رزا حەجێ دێ جێبەجێ كن، ئەو ژى، راوەستانە ل سەر چیایێ عەرەفێ و ده‌وروبه‌ر.

چیایێ ره‌حمه‌ ئانكو چیایێ عه‌ره‌فێ كو حه‌جى لێ دراوه‌ستن، دكەڤیتە نێڤبه‌را مەككەهـ و تائیفێ دا،و نێزیكی 22 كیلۆمەترا ژ مەككەهێ و 10 كیلۆمەترا ژ مینایێ و 6 كیلۆمەتران ژى، ژ موزدەلیفێ دویرە.

روكنێن فه‌رزا حه‌جێ چوارن،یا ئێكێ ل به‌ركرنا ئیحراما (كو دوو پارچێن قوماشێ سپینه‌ بۆ زه‌لامان)ده‌ستپێ دكت، و دڤێت هه‌ر حه‌جیه‌ك هەر چوار روكنا بجهـ بینت و ئه‌گه‌ر نه‌، حه‌جا وى نه‌یا دروسته‌ و مه‌زنترین روكن ژى ئه‌ڤرۆكه‌ دێ هێته‌ بجهكرن، ئه‌وژى راوه‌ستانه‌ ل چیایێ عه‌ره‌فێ.

یا دووێ، پشتى ل به‌ركرنا ئیحرامان ،راوەستانە ل سەر چیایێ ره‌حمه‌ ئانكو عه‌ره‌فێ، كو محمد پێغه‌مبه‌رى(سلاڤێت خودێ لێ بن) دووپاتى لڤى روكنى كریه‌، و د فەرمودەیەكێ دا هاتییه‌ (الحج عرفة)، ئانكو حەج هه‌مى عه‌ره‌فه‌یه‌ و وه‌كى زانا شرۆڤه‌ دكن (حه‌جا راستەقینە ئەو حەجەیە هەركەسه‌ك ژبه‌رى رۆژ ئاڤا ببیت، بگه‌هته‌ عه‌ره‌فێ ل وى ده‌مى حه‌جا وى، یا دروسته‌،و دێ هێته‌ قه‌بولكر).
روكنێ سیێ ژ فه‌رزا حه‌جێ،پێكدهێت ژ ته‌وافا (ئیفازێ) واتە تەواف كرن ل حه‌ره‌ما موباره‌ك و به‌رێ ره‌ش، یا چوارێ و دووماهى روكن پێك دهێت ژ چون وغاركرن، دناڤبه‌را سەفا و مەروایێ دا.

دیسان ل دور فه‌رزا حه‌جێ ل ده‌مێ حه‌جاج ئه‌ڤان هه‌ر چوار روكنا ب جهـ دئینن ل سه‌ر وان هه‌یه‌ چه‌ند ئه‌رك و كاره‌كێن دى ژى جێبه‌جێ بكن، ژوانا، مانا وان ل ناوچه‌یا (موزدەلیفێ) ل شەڤا جەژنا قوربانى تاكو نیڤا شه‌ڤێ دوه‌رگێرت، جاردى مانا وان ل مینایێ ل شەڤێن تەشریقێ دا، هەروەسا، هاڤێتنا بەران ئانكو (ره‌جما شه‌یتانى)ل جەمەراتان، و سەرتراشینا حه‌جیێن زه‌لام یان ژى برینا هنده‌ك ژ پرچا وان،ل دووماهیێ ژى ل سه‌ر وان هه‌یه‌ تەوافا ماڵئاڤایێ بكن، ئه‌وژى خاترخاستنا حه‌جى یایه‌ ژ مالا خودێ یا مه‌زن و موباره‌ك و وان وارێن پیرۆز، و زڤرینا وانایه‌ به‌ره‌ف ملله‌ت و كه‌س و كارێن وان.

Check Also

گرنگیا مشه‌ختبوونا پێغه‌مبه‌رى (سلاڤ لێ بن):

گرنگیا مشه‌ختبوونا پێغه‌مبه‌رى (سلاڤ لێ بن): مالپه‌رێ خابیر/ زاخۆ سعد محمد لرۆژا دووشه‌مبێ رێكه‌فتى (8 …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *