سەرەتا / به‌شێن مالپه‌ری / هه‌مه‌ره‌نگ / ب ڤان شیره‌تا جه‌ژنه‌كا قوربانی یا ساخله‌م ببورینه‌:

ب ڤان شیره‌تا جه‌ژنه‌كا قوربانی یا ساخله‌م ببورینه‌:

ب ڤان شیره‌تا جه‌ژنه‌كا قوربانی یا ساخله‌م ببورینه‌:
مالپه‌رێ خابیر / زاخۆ
جه‌ژنا قوربانی یا پیرۆز ب چه‌ندین نه‌ریتێن راهاتی ڤه‌ دهێته‌ گرێدان، بگره‌ ژ خارنا جورێن گوشتی و شریناهییان، هه‌تا ڤه‌خارنێن گازی، به‌لێ لێبورینڤه‌ چه‌ندین نه‌ریتێن خه‌له‌ت دهێنه‌ بكارئینان و ب ڤێ چه‌ندێ ئاریشه‌یێن ساخله‌می بۆ وان په‌یدا دبت.
بۆ خوه‌پاراستن ژ ئاریشه‌یێن ساخله‌می یێن نه‌چاڤه‌رێكری د جه‌ژنێ دا، ڤان شیره‌تان لبه‌رچاڤ وه‌ربگره‌:

1- شیره‌ت دهێنه‌ كرن د خارنا گوشتی د رۆژێ دا بتنێ ئێك جار و ئێك دانێ خارنێ دا، و باشتره‌ ددانێ فراڤینێ دا بت لگه‌ل هه‌بینا كه‌سكاتیێ ب تایبه‌ت به‌قده‌نوس و له‌یمون.
2- ل ده‌مێ خارنا گوشتی شیره‌ت دهێنه‌ كرن ب نه‌ڤه‌خارنا ئاڤێ پشتی خارنا گوشتی ب ده‌مژمێره‌كێ، داكو به‌ربه‌ست بۆ پرۆسه‌یا هه‌رسێ په‌یدانه‌بن، یان ژی ئه‌گه‌ر نه‌چار بی نابت ژ نیڤ گلاسێ ببورت.
3- باشتره‌ گوشتێ ره‌هنی بهێته‌ خارن، چونكی كێمترین رێژه‌یا دوهنیاتان یێ تێدا.
4- باشتره‌ گوشت بهێته‌ براژتن یان ژی گه‌لاندن، نابت بهێته‌ قه‌لاندن، و ل ده‌مێ براژتنێ نابت بگه‌هته‌ پله‌یا سوتنێ.
5- نابت گوشت بتنێ بهێته‌ خارن به‌لكی دڤێت لگه‌ل هنده‌ك خارنێن دی ژی بت، وه‌كی برنج یان پتات.
6- تایبه‌تمه‌ند شیره‌تان دكن ب زێده‌خارنا كه‌سكاتیێ وه‌كی سپێناخ و به‌لگێن تری و باجانره‌شك و كولندی.
7- نابت زه‌لاته‌ بهێنه‌ ژبیركرن د جه‌ژنێ دا چونكی پرۆسه‌یا هه‌رسێ ب وان باشتر دبت و تووشبینا ب قه‌بزبینێ و زكچوونێ كێمتر دبت، و لڤینا رویڤیكان باشتر دبت.
8- فێقی ژی تایبه‌تمه‌ندییه‌كا دی یا هه‌ی د جه‌ژنێ دا و شیره‌ت دهێنه‌ كرن فێقی ب جورێن خوه‌ڤه‌ ب زێده‌هی بهێنه‌ خارن.
9- ده‌رباره‌ی ڤه‌خارنان ژی شیره‌ت دهێنه‌ كرن شه‌ربه‌تێن سرۆشتی بهێنه‌ ڤه‌خارن، و خوه‌ دویربێخن ژ ڤه‌خارنێن گازی.
10- ل دانێ شیڤێ شیره‌ت دهێنه‌ كرن ب خارنا سپییاتییان، داكو هاریكارییا پرۆسه‌یا هه‌رسێ دهێته‌ كرن و ب ده‌ستڤه‌ئینانا نڤستنه‌كا خوه‌ش.

Check Also

دێ چاوا زانی زه‌به‌ش شرینه‌؟

دێ چاوا زانی زه‌به‌ش شرینه‌؟ مالپه‌رێ خابیر /زاخۆ جیهان د سێی هه‌یڤا هه‌شت دا ب …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *