سەرەتا / به‌شێن مالپه‌ری / ساخلەمی / ب ڤێ ڤه‌خارنێ په‌نجه‌شێرێ دویربێخه‌ و زه‌ڤله‌كان بهێز بێخه‌.

ب ڤێ ڤه‌خارنێ په‌نجه‌شێرێ دویربێخه‌ و زه‌ڤله‌كان بهێز بێخه‌.

ب ڤێ ڤه‌خارنێ په‌نجه‌شێرێ دویربێخه‌ و زه‌ڤله‌كان بهێز بێخه‌.
مالپه‌رێ خابیر / زاخۆ
زێده‌كرنا نیڤ كه‌ڤچكێ كركمێ بۆ گلاسه‌كا شیری هاریكارییا ب ده‌ستڤه‌ئینانا ڤه‌خارنا زێرین دكت، كو مفایێن ب كومی بۆ له‌شی په‌یدادكت، وه‌كی پاقژكرنا مێلاكێ و بهێزكرنا كوئه‌ندامێ به‌رگریێ و دویركه‌تن ژ چه‌ندین نه‌خوه‌شیێن مه‌ترسیدار.
د راپورته‌كێ دا مالپه‌رێ “ئێف بی ری” یێ روسی مفایێن ساخله‌می كر یێن ژ ڤه‌خارنا شیرێ ب كركم په‌یدادبن دیاركرن، و ئه‌و ژی:
1- پاقژكرنا مێلاكێ: ئه‌ڤ شله‌یه‌ د ڤی ئه‌ندامێ گرنگ دا رێگریێ ژ سه‌رئێككه‌تنا ترشێن دوهنی دكت، زێده‌باری باشتركرنا شیانان لسه‌ر چاره‌سه‌ركرنا خارن و كه‌ره‌سته‌یێن كیمیایی.
2- سنورداركرنا ئیلتیهابان: مادده‌یا كركمین -پێكهاته‌یا سه‌ره‌كی یا كركمێ- تایبه‌تمه‌ندیێن مه‌زن ب خوه‌ڤه‌ دگرت د هاریكاریكرنا له‌شی دا د رزگار بین ژ ئیلتیهاباتان، هه‌روه‌سا نه‌خوه‌شیێن مه‌ترسیدار ژی، وه‌كی ئیلتیهابا رویڤیكان و گه‌هان و په‌نكریاسێ.
3- رێگریكرنا به‌كتریایان: ڤه‌خارنا شیرێ ب كركم هاریكارییا كه‌تنه‌سه‌رئێكا رێژه‌یه‌كا مه‌زن یا دژه‌به‌كتریایان د له‌شی دا دكت، و هوسا ڤایروس و به‌كتریایان دكوژت، و چاره‌سه‌رییه‌كا باشه‌ بۆ تایێن سار و ئیلتیهابا گه‌وریێ و په‌رسیڤێ.
4- هاریكارییا كێمكرنا له‌شی دكت: كركم هاریكارییا هه‌رسكرنا دوهنیاتان دكت ب شێوه‌یه‌كێ له‌زتر، و رێگریێ ژ سه‌رئێككه‌تنا دوهنییاتان دكت د له‌شی دا.
5- باشتركرنا سیسته‌مێ دلی و مولوله‌یێن خوینێ: كركم چاره‌سه‌رییه‌كا كارایه‌ د سنورداركرنا ده‌ردانا سیتوكیناتێ، كو مادده‌یه‌كا گرێداییه‌ ب ب پرۆسه‌یێن ئیلتیهابی و نه‌خوه‌شیێن دلی و مولوله‌یێن خوینێ ڤه‌ د له‌شی دا.
6- باشتركرنا ساخله‌مییا مێشكی: ڤه‌خارنا به‌رده‌وام یا شیرێ ب كركم هاریكارییا زێده‌كرنا ئاستێ خارنا ده‌ماری دكت د مێشكی دا و هوسا گه‌ینكه‌یێن ده‌ماری د مێشكی دا پتر لێ دهێن و مه‌ترسیێن تووشبینا ب نه‌خوه‌شیێن وه‌كی ئه‌لزه‌هایمه‌رێ كێم دبن.
7- بهێزكرنا كوئه‌ندامێ به‌رگریێ: مادده‌یا كركین یا دناڤ كركمێ دا هه‌یی هاریكارییا چالاككرنا وان كه‌ره‌سته‌یێن كیمیایی دكت یێن به‌رپرسیار ژ بهێ.كرنا به‌رگرییا له‌شی، كو پرۆسه‌یا به‌رهه‌مئینانا خانه‌یێن لیمفی یێن بائی و تائی باشتر و چالاكتر دكت.
8- بهێزكرنا زه‌ڤله‌كان: ڤه‌خارنا شیرێ ب كركم ژ رێكێن بهێزكرنا زه‌ڤله‌كانه‌و و هاریكارییا له‌شی دكت لسه‌ر تووشنه‌بینا ب نه‌خوه‌شییان، كو شیر زه‌نگینه‌ ب كالسیوم و ڤیتامین “دی” كو ریشالێن هه‌ستییان بهێ.تر دكت.
9- رزگاربین ژ ئاریشه‌یێن هه‌رسێ: كركم هاریكارییا نه‌رمكرنا پرۆسه‌یا هه‌رسێ دكت و رزگاربین ژ به‌رسوشكێ، هه‌روه‌سا هاریكارییا ده‌ردانا زه‌ردێنه‌یێ دكت، كو هاریكارییا هه‌رسكرنا دوهنیاتان و نه‌خوه‌شیێن گه‌دده‌یی و رویڤیكان چاره‌سه‌ردكت.

Check Also

مه‌زنترین دوژمنێ جوانییا پیستی چگاره‌كێشانه‌.

مه‌زنترین دوژمنێ جوانییا پیستی چگاره‌كێشانه‌. مالپه‌رێ خابیر / زاخۆ گوڤارا “بریگێت” یا ئه‌لمانی دیاركر كو …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *