سەرەتا / به‌شێن مالپه‌ری / ئاینى / دێ چاوا ژ گونه‌هان دویركه‌ڤی؟

دێ چاوا ژ گونه‌هان دویركه‌ڤی؟

دێ چاوا ژ گونه‌هان دویركه‌ڤی؟

مالپه‌رێ خابیر / زاخۆ
گونه‌هـ ئه‌گه‌رێن توره‌بینا خودێ نه‌ ژ به‌نده‌یی و دویرئێخستنا وی نه‌ ژ ره‌حما خودێ، له‌وما خودانێ مێشكێ ساخله‌م دێ هه‌می هه‌ولا مه‌زێخت ژ گونه‌هان دویر بكه‌ڤت، و لسه‌ر مرۆڤی ژى پێدڤیه‌ ژ ره‌حما خودێ بێهیڤی نه‌بت، دبت ب ئێكجارى كه‌س نه‌بت ب ئێكجارى گونه‌هان ئه‌نجام نه‌دت پێغه‌مبه‌ر (سلاڤێن خودێ لسه‌ر هه‌مییان بت) نه‌بن كو ب ئیرادا خودێ ئه‌و ژ ئه‌نجامدانا گونه‌هان یێن هاتینه‌ دویرئێسختن، هه‌روه‌كی پێغه‌مبه‌ر (سلاڤ لێ بن) د فه‌رموده‌یه‌كا پیرۆز دا دیاركری كو هه‌می مرۆڤ گونه‌هـ و خه‌له‌تییان دكن به‌لێ یێ باشتر ئه‌وه‌ ته‌وبه‌ بكت.
ئه‌ڤ رێكێن ل خارێ دێ هاریكارییا ته‌ كن لسه‌ر هێلانا گونه‌هان و دویركه‌تنا ژ وان:
1-    كرنا دوعایان: نهێنییا رزگاربینێ یه‌ ژ هه‌می به‌لا و ئافاتێن دنیایێ له‌وما تو ژى ب به‌رده‌وامی دوعا ژ خودێ بكه‌ كو ته‌ ژ گونه‌هان دویر بێخت.
2-    مه‌زاختنا شیانان: هه‌می ده‌ما هه‌می هه‌ولێن خوه‌ ب مه‌زێخه‌ ژ گونه‌هان دویر بكه‌ڤی و هه‌رده‌م بلا هزرا ئه‌نجامنه‌دانا گونه‌هێ د سه‌رێ ته‌ دا بت ب تایبه‌ت ده‌مێ شه‌یتان وه‌سواسا ئه‌نجامدانا گونه‌هێ ل ده‌ڤ ته‌ په‌یدادكت.
3-    ترس ژ سزایێ گونه‌هان: ئه‌گه‌ر ب به‌رده‌وامی ترسا ژ سزایێ گونه‌هان د هزرا ته‌ دا بت، هێدی هێدی دێ گونه‌هـ  ل پێش چاڤێن ته‌ ره‌ش بن، و هزر نه‌كه‌ سزا بتنێ ل رۆژا دویماهیێ یێ هه‌یی، به‌لكی ب ئه‌گه‌رێ گونه‌هان گه‌له‌ك جاران خودایێ مه‌زن مرۆڤی د دنیایێ دا سزا ددت ، ژبه‌رى رۆژا دویماهیێ.
4-    خوه‌ ژ هانده‌رێن گونه‌هان دویر بێخه‌: ئه‌و چه‌ندا دبت ئه‌گه‌ر بۆ ئه‌نجامدانا گونه‌هێ یان ژى دبت هانده‌ر حه‌زا مرۆڤی بۆ گونه‌هێ زێده‌تر لێ بهێت و گونه‌هـ لبه‌ر مرۆڤی شرینتر ببت ژ خوه‌ دویر بێخه‌.
5-    مرنا لسه‌ر گونه‌هێ ل بیرا خوه‌ بینه‌: هزر كه‌ ئه‌گه‌ر ته‌ لسه‌ر گونه‌هێ گیانێ خوه‌ ژ ده‌ستدا دێ حالێ ته‌ چ بت و دێ چ بسه‌رێ ته‌ هێت و خه‌لك دێ چاوا به‌حس ل ته‌ كن و ب چ روی و ناڤچاڤ چییه‌ ده‌ڤ خودایێ مه‌زن.
6-    مرن بلا ل بیرا ته‌ بت:  چ جاران مرنێ ژ سه‌ر هزرا خوه‌ نه‌به‌ و حاله‌تێ مرنێ ده‌مێ مریشوو دهێت ته‌ بشویت و مرۆڤێن ته‌ ل ده‌وروبه‌رێ ته‌ یێ هه‌ول ددن زوی ته‌ ببن گورستانێ و ب ڤه‌شێرن هه‌رده‌م ل بیرا ته‌ بت.
7-    ل دویماهیێ حه‌ز و ئیراده‌یه‌كا هێز نهێنییا سه‌ركه‌فتنێ یه‌ دهه‌ر كاره‌كێ دا ، و تو ژى بریاره‌كا ژ دل بده‌ و ب ئیراده‌یه‌كا بهێز و هاریكارى ژى ژ ده‌ڤ خودێ دێ بۆ ته‌ هێت.

Check Also

به‌ری تو گونه‌هێ بكه‌ی یان هزرێ تیدا بكه‌ی هشیار به‌ ژئه‌ڤان خالا:

به‌ری تو گونه‌هێ بكه‌ی یان هزرێ تیدا بكه‌ی هشیار به‌ ژئه‌ڤان خالا: مالپه‌رێ خابير / …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *