سەرەتا / به‌شێن مالپه‌ری / ڤه‌كولین / ڤه‌كولین: چ جینوم نینن به‌رپرس بن ژ ره‌گه‌زبازیێ.

ڤه‌كولین: چ جینوم نینن به‌رپرس بن ژ ره‌گه‌زبازیێ.

ڤه‌كولین: چ جینوم نینن به‌رپرس بن ژ ره‌گه‌زبازیێ.
مالپه‌رێ خابیر / زاخۆ
ڤه‌كولینه‌كا زانستی یا گشتگیر ده‌رباره‌یی بنیاتێ بایولوجی بۆ سلوكێ سكسی دووپاتكر كو “چ جین نینن بۆ ره‌گه‌زبازیێ”.
ڤه‌كولینا داتایێن نێزیكی نیڤ ملیون مرۆڤان ژ لایێ ترشێ ناڤوكی و كریارێن سكسی ڤه‌ شلوڤه‌كرین دیاركر كو كارتێكرنا جیناتان لسه‌ر سلوكێ سكسی كێمتره‌ ژ ئێك ژ سه‌دێ، ئه‌ندریا جانا زانایێ زینده‌وه‌رێ ل فینله‌ندا و پشكدار د ڤه‌كولینێ دا گوت مه‌ پشكنین هه‌می جینێن مرۆڤی ب تمامی كرن و ئه‌و چه‌ندا كارتێكرن لسه‌ر سلوكێ ره‌گه‌زبازیێ هه‌یی كێمتر بی ژ 1%.
ڤه‌كوله‌ران رۆهنكر كو د ڤی حاله‌تی دا پتریا فاكته‌رێن كارتێكرنێ ل سلوكی سكسی دكن فاكته‌رێن نه‌ جینی نه‌ و جین ژێ د بێ گونه‌هن، وه‌كی بارودوخێن ده‌وروبه‌ر و جهێ رابینا مرۆڤی و كه‌سایه‌تی و په‌روه‌رده‌یا پێ هاتیه‌ په‌روه‌رده‌كرن، و كارتێكرنا ڤان گه‌له‌ك پتره‌ لسه‌ر سلوكێ سكسی، و كو پتریا سیفه‌تێن مرۆڤان یێن كه‌سی و سلوكی و ….هتد دكه‌ڤنه‌ د ڤی چارچوڤه‌یی دا.
ڤه‌كولینا مه‌زنترین ژ جورێ خو شلوڤه‌كرن بۆ داتایێن پتر ژ 470 هزار كه‌سێن سامپلێن ترشێ ناڤوكی و زانیاری ده‌رباره‌یی شێوازێ ژیانا خوه‌ پێشكێشی به‌نكا زینده‌ییا بریتانی و كومپانییا “23 ئه‌ند می” یا ئه‌مریكی بۆ پشكنینێن ویراسی كرین كرن.
ئه‌نجام ژی ل رۆژا پێنجشه‌مبێ ل د خولا “ساینس” دا هاتنه‌ به‌لاڤكرن و هاته‌ دیاركرن كو چ شێوازێن رۆهن دناڤبه‌را فاكته‌رێن ویراسی دا نه‌هاتنه‌ ڤه‌دیتن كو كارتێكرن لسه‌ر سلوكێ سكسی یێ مرۆڤی هه‌بت.
بنجامین نیل ژ په‌یمانگه‌ها برود یا سه‌ر ب په‌یمانگه‌ها ماساچوستس بۆ ته‌كنولوژیایێ و زانینگه‌ها هارڤارد، كو كار لگه‌ل جانا كریه‌ گوت: “مه‌ رۆهنكر كو چه‌ندین فاكته‌ر یێن هه‌ین…. و ئه‌ڤ چه‌نده‌ تێگه‌هشتنا مه‌ بۆ (ره‌گه‌زبازیێ) بۆ ده‌ڤه‌ره‌كا كویرتر و هویرتر دبت”.

Check Also

ڤه‌كولین: كه‌سێن قه‌له‌و د چاڤێن ده‌یكێن خوه‌ دا به‌ژن زراڤن

ڤه‌كولین: كه‌سێن قه‌له‌و د چاڤێن ده‌یكێن خوه‌ دا به‌ژن زراڤن مالپه‌رێ خابیر / زاخۆ گوتنه‌كا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *