سەرەتا / به‌شێن مالپه‌ری / ساخلەمی / 6 خه‌له‌تی… ل ده‌مێ لێنانا پتاتان ژێ هشیاربه‌

6 خه‌له‌تی… ل ده‌مێ لێنانا پتاتان ژێ هشیاربه‌

6 خه‌له‌تی… ل ده‌مێ لێنانا پتاتان ژێ هشیاربه‌
مالپه‌رێ خابیر / زاخۆ
د هزرا هه‌مییان دا، لێنانا پتاتان د ئاڤێ دا كاره‌كێ ب سانه‌هی یه‌، به‌لێ چه‌ندین خه‌له‌تی یێن هه‌ین پێدڤیه‌ مرۆڤ ژێ د هشیار بت، داكو خارنه‌كا خوه‌ش و ساخله‌م په‌یدا ببت.
كلیمان شیكار سه‌رۆكێ خارن لێنه‌ران ل خارنگه‌ها بویون بیگال ل پاریس د راپورته‌كێ دا د رۆژنامه‌یا لوفیگارو یا فره‌نسی دا هشیاری ژ 6 خه‌له‌تییان دان و ئه‌و ژی:
1- هشیاربه‌ پتاتا ب كولیل نه‌لێنه‌، چونكی كولیلكێن وێ رێژه‌یا بلند یا مادده‌یا سولانین یا زیانبه‌خش بۆ له‌شی دناڤ دا هه‌یه‌.
2- هه‌می جورێن پتاتان ب ئێك شێوه‌ ناهێنه‌ لێنان، پتاتا خودانا تیڤلێ بهێز و ستویر بۆ كه‌لانێ و لێنانا ب هلمێ باشه‌، و یا خودان تیڤله‌كێ نه‌رم پتر بۆ قه‌لاندن و په‌رچقاندنێ بكێر دهێت.
3- پێدڤیه‌ پتات ژبه‌ری بهێته‌ لێنان ب باشی بهێته‌ شویشتن، داكو هه‌می به‌رمیاكێن ئاخێ و ژناڤبه‌رێن مێشوموران ژێڤه‌ ببن و نه‌بنه‌ ئه‌گه‌رێ ژه‌هراویبینا مرۆڤی.
4- نابت ئاڤ ژبه‌ری پتاتێ بهێته‌ كه‌لاندن، چونكی دبته‌ ئه‌گه‌رێ تێكچوونا تیڤلێ و و شكه‌ستنا وی ژبه‌ری ناڤا وێ ب باشی چێببت، له‌وا پێدڤیه‌ پتات لگه‌ل ئاڤا ته‌زی بهێنه‌ كه‌لاندن.
5- پتاتا خاڤ سپی نه‌، به‌لكی بۆ ده‌مێ چه‌ند خوله‌كان بكه‌ د ئاڤا كه‌لاندی دا دێ ب خوه‌ تیڤلێ وێ ژێڤه‌ بت.
6- ئه‌و ئاڤا ته‌ پتات دناڤ دا كه‌لاندین نه‌رێژه‌، ئاڤه‌كا چالاكه‌ بۆ پاقژكرنا ئه‌ردێ، چونكی نشا دناڤ پتاتێ دا هه‌یه‌ و دشێت دوهنیاتان بمێژت.

Check Also

ئه‌رێ بكارئینانا مه‌عجینا ددانان وه‌ك بهێزكه‌را سكسی دورسته‌؟

ئه‌رێ بكارئینانا مه‌عجینا ددانان وه‌ك بهێزكه‌را سكسی دورسته‌؟ مالپه‌رێ خابیر / زاخۆ شه‌هره‌زایێن ساخله‌می ده‌رباره‌یی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *