سەرەتا / به‌شێن مالپه‌ری / ساخلەمی / ئه‌گه‌رێن په‌یدابینا كابیسان بۆ زارۆكان چنه‌؟

ئه‌گه‌رێن په‌یدابینا كابیسان بۆ زارۆكان چنه‌؟

ئه‌گه‌رێن په‌يدابینا كابیسان بۆ زارۆكان چنه‌؟
مالپه‌رێ خابیر/ زاخۆ
زارۆكێ ته‌ یێ سێ سالی یێ راهاتی لسه‌ر نڤستنه‌كا رحه‌تو ب رحه‌تی ژ خه‌ورادبت، ژ نشكه‌كێڤه‌ هه‌رشه‌ڤ هشیاردبت و گازنده‌یا دیتنا “خرابان، درنده‌یان یان بیانییان…..هتد” د خه‌ونێن خوه‌ دا دكت، لگه‌ل پێله‌كا ترس و ڤه‌له‌رزینێ، و ب ڤێ چه‌ندێ دڤێـ شه‌ڤێ ژ ترسان دا ل ده‌ڤ ته‌ ببورینت، ئه‌رێ ئه‌ڤ چه‌نده‌ سرۆشتییه‌؟.
د گوتاره‌كێ دا ل مالپه‌رێ “شی نووز” نڤیسه‌ر ساره‌ برادلی گوت تایبه‌تمه‌ندا ده‌روونناسیێ لینیل شنیبرگ د دانوستانده‌كێ دا ئاماژه‌ ب وێ چه‌ندێ كر كو زارۆك د ژیێ سێ بۆ چار سالیێ دا ده‌ست ب دیتنا كابیسان دكن، هه‌تا دگه‌هنه‌ هه‌شت سالیێ و ئه‌ڤ چه‌نده‌ تشته‌كێ سرۆشتی یه‌.
ئه‌گه‌رێن كابیسان ل ده‌ڤ زارۆكان چنه‌؟
1- ته‌ماشه‌كرنا به‌رنامه‌یه‌كێ ب ترس لسه‌ر ته‌له‌ڤزیونێ
نوژدارێ زارۆكان گاری كرامری ئاماژه‌ ب وێ چه‌ندێ كر كو هه‌بینا دیمه‌نێن ترس لسه‌ر ته‌له‌ڤزیونێ یان ژی ئه‌و چه‌ندا دبته‌ ئه‌گه‌رێ ترسێ ژ پرۆگرام و به‌رنامه‌ و فلم و فلم كارتونان ل ده‌ڤ زارۆكان، دبته‌ ئه‌گه‌ر بۆ دیتنا كابیسان ب شه‌ڤێ، كو زارۆك نه‌شێن ئه‌و چه‌ندا خه‌یالی ژ ژیواری جودا بكن.
2- تووشبینا ب دلنه‌رحه‌تیێ ب رۆژێ
ده‌مێ خێزانا زارۆكی خانیێ خوه‌ دگوهورن یان زارۆك بۆ ئێكه‌م جار دچته‌ قوتابخانێ، ئه‌ڤجا ئه‌گه‌ر هه‌ڤالێن وی د توند بن یان ژی لسه‌ر تشت و رویدانێن توند ب ئاخڤن، دبنه‌ ئه‌گه‌ر زارۆك دلنه‌رحه‌ت ببت، و هوسا كابیسان ب شه‌ڤێ دبینن، و زارۆكێن بچویك پتریا جاران كابیسێن خه‌یالی دبینن، و زارۆكێن مه‌زنتر به‌ره‌ڤ كابیسێن نێزیكی ژیواری دبینن وه‌كی سوتنێ یان دزیكه‌ران.
3- زارۆك كێم خه‌و ببت
ده‌مێ زارۆك شه‌فته‌كێ دورست یێ نڤستنا كویر ب ده‌ستڤه‌نه‌ئینن و وه‌ستایی بن ژ ده‌ست كێم نڤستنێ، ئه‌ڤجا چ ب ئه‌گه‌رێ كێمییا ده‌می یان نه‌دویڤچوونا سیسته‌مه‌كێ خوه‌جهـ یێ نڤستنێ، ده‌رفه‌تێن دیتنا كابیسان پتر لێ دهێن.
4- یاریكرن ب ئایپادان ب شه‌ڤێ
په‌یوه‌ندییه‌كا بهێز دناڤبه‌را رۆناهییا شین یا ژ شاشه‌یان (وه‌كی ته‌له‌ڤزیون یان ته‌له‌فون یان تابلێت و ئایپاد) و به‌رهه‌مئینانا هورمونێ میلاتونین یێ روله‌كێ گرنگ د نڤستنێ دا دبینت یێ هه‌یی، له‌وا ده‌مێ زارۆك ژبه‌ری نڤستنێ ئایپادێ بكاربینت ده‌رفه‌تێن تووشبینا وی ب كابیسان پتر لێ دهێن.

Check Also

ئه‌رێ بكارئینانا مه‌عجینا ددانان وه‌ك بهێزكه‌را سكسی دورسته‌؟

ئه‌رێ بكارئینانا مه‌عجینا ددانان وه‌ك بهێزكه‌را سكسی دورسته‌؟ مالپه‌رێ خابیر / زاخۆ شه‌هره‌زایێن ساخله‌می ده‌رباره‌یی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *