سەرەتا / به‌شێن مالپه‌ری / ساخلەمی / پشتی هێلانا چگاره‌یان ب چه‌ند سالان له‌ش وه‌كی به‌رێ دزڤرت ڤه‌؟

پشتی هێلانا چگاره‌یان ب چه‌ند سالان له‌ش وه‌كی به‌رێ دزڤرت ڤه‌؟

پشتی هێلانا چگاره‌یان ب چه‌ند سالان له‌ش وه‌كی به‌رێ دزڤرت ڤه‌؟
مالپه‌رێ خابیر / زاخۆ
سالانه‌ ب ملیونه‌ها خه‌لك ب ئه‌گه‌رێ چگاره‌یان دمرن، ل ئه‌لمانیا بتنێ نێزیكی 110 هزار كه‌س سالانه‌ دمرن، به‌لێ یا جهێ دلخوه‌شیێ له‌ش دشێت ساخله‌مییا خوه‌ ب تمامی ڤه‌گه‌رینت ڤه‌ پشتی ده‌ست ژ چگاره‌یان بهێته‌ به‌ردان، ئه‌گه‌ر خوه‌ چگاره‌ ب ده‌هان سالان هاتبنه‌ كێشان.
1- پشتی ب دویماهیئینانا چگاره‌یێ ب 20 خوله‌كان فشارا خوینێ ڤه‌دگه‌رت سه‌ر سرۆشتێ خوه‌.
2- پشتی هه‌شت ده‌مژمێران تێكرایێ ئێكه‌م ئوكسیدێ كاربون د خوینێ دا پاشڤه‌دزڤرت.
3- پشتی 24 ده‌مژمێران مه‌ترسیێن تووشبینا ب سه‌كتا مێشكی پاشڤه‌دزڤرت.
4- پشتی بورینا دوو رۆژان لسه‌ر كێشانا چگاره‌یێ هه‌ستا بهێنكرن و تامكرنێ وه‌كی به‌رێ دزڤرت، و هوسا تامه‌كا خوه‌شتر بۆ خارنێ و بێهنه‌كا خوه‌شتر بۆ گولان په‌یدادبت.
5- پشتی بورینا دوو حه‌فتییان مرۆڤ دشێت پتر هه‌وایی ب هه‌لكێشت.
6- پشتی دوو بۆ سێ هه‌یڤان سیهـ خوه‌ ژ شینوارێن چگاره‌كێشانێ پاقژ دكن.
7- پشتی بورینا 8 هه‌یڤان ژ كێشانا دویماهی چگاره‌ كوئه‌ندامێ به‌رگریێ بهێزتر لێ دهێت.
8- ل ده‌مێ 5 سال بسه‌ر ده‌ستبه‌ردانا چگاره‌یان ڤه‌ دچن مه‌ترسیێن تووشبینا ب جه‌لتا مێشكی ب رێژه‌یا 50% كێم دبن.
9- پشتی 10 سال بسه‌ر نه‌كێشانا چگاره‌یان ڤه‌ دچن، ده‌رفه‌تێن توشبینا ب په‌نجه‌شێرا سیهان ب رێژه‌یا 50% كێم دبن، هه‌روه‌سا مه‌ترسیێن تووشبینا ب په‌نجه‌شێرا گولچیسك و زراڤ و بوریێن هه‌وایی و ده‌ڤه‌را ده‌ڤی ژی.
10- رزگاربینا ب ئێكجاری ژ كارتێكرنێن چگاره‌یان، هه‌روه‌كی ڤه‌كوله‌رێن ده‌سته‌یا ئه‌مریكی بۆ ڤه‌كولینێن په‌نجه‌شێرێ دیاركرین پشتی 15 سالان رویددت، و له‌ش هه‌روه‌كی جاران چگاره‌ نه‌كێشاین لێ دهێت.

Check Also

ئه‌رێ بكارئینانا مه‌عجینا ددانان وه‌ك بهێزكه‌را سكسی دورسته‌؟

ئه‌رێ بكارئینانا مه‌عجینا ددانان وه‌ك بهێزكه‌را سكسی دورسته‌؟ مالپه‌رێ خابیر / زاخۆ شه‌هره‌زایێن ساخله‌می ده‌رباره‌یی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *