سەرەتا / به‌شێن مالپه‌ری / جڤاكی / دانعه‌مره‌كێ دزیكه‌ر ب 400 هزار دولار ڤه‌ دهێته‌ ده‌سته‌سه‌ركرن.

دانعه‌مره‌كێ دزیكه‌ر ب 400 هزار دولار ڤه‌ دهێته‌ ده‌سته‌سه‌ركرن.

دانعه‌مره‌كێ دزیكه‌ر ب 400 هزار دولار ڤه‌ دهێته‌ ده‌سته‌سه‌ركرن.
مالپه‌رێ خابیر / زاخۆ
مالپه‌رێ رۆژنامه‌یا “لوپاریزیان” یێ فره‌نسی دیاركر كو پولیسێن ئه‌مریكی خانه‌نشیكه‌كێ 82 سالی ب تومه‌تا دزینا ده‌هان شوقه‌ ده‌سته‌سه‌ركرن، و خانه‌نشینێ هاتیه‌ ناڤكرن ب “دزیكه‌رێ بێكار” د بنیات دا شوقه‌یێن ب بها و زه‌نگین د كرنه‌ ئارمانج.
خانه‌نشین ژ ویلایه‌تا فلوریدایه‌ و ده‌مژمێر و گوستیركێن شه‌هیانان و گه‌وهه‌رێن ب بها د دزین، و گوڤارا “دێر شپیگل” یا ئه‌لمانی ئاشكراكر كو قیمه‌تێ ئه‌و تشتێن وی ژ چه‌ندین جهان ب ده‌ستڤه‌ئیناتین گه‌له‌ك بلند بی.
مالپه‌رێ ئه‌لمانی ئه‌و چه‌نده‌ ژی دیاركر كو چه‌ندین رێك بۆ دزییان بكاردئینان و دناڤ وان دا هێجه‌تا سه‌ره‌دانا هه‌ڤاله‌كێ دئینا یان سوحبه‌ت لگه‌ل ئاكنجییان دكر، و ئاسانسور بكاردئینا هه‌تا ژ شوقه‌یه‌كێ چووبایه‌ شوقه‌یه‌كا دی، و پترییا شوقه‌یێن توشی دزینێ بین لسه‌ر ده‌ستێ وی، خودانێن وان ل بهێنڤه‌دانێن دویر بین ژ جهێ ئاكنجیبینا وان، كو دزیكه‌ری ب رێكا هه‌بینا ژماره‌یه‌كا مه‌زن یا رۆژنامه‌ یان پوستان لبه‌ر ده‌رگه‌هێ مالێ دزانی، و سلوكێ بكه‌ری گه‌له‌ك یێ سرۆشتی و دویر بی ژ گومانان.
و پشتی چه‌ندین شوقه‌ توشی دزیێ بین، پولیسا ب هه‌می گرانییا خوه‌ڤه‌ كاركر بۆ ئاشكراكرنا وی، و ده‌رباره‌یی رێكا ئاشكراكرنا وی ژی دزیكه‌ر دوودل بی د دزینا شوقه‌یه‌كێ دا، و گوته‌ زێره‌ڤانێ ئاڤاهی ئه‌وی دڤێت سه‌ره‌دانا هه‌ڤاله‌كێ خوه‌ ب ناڤێ سوارێز بكت، به‌لێ زێره‌ڤانی گوته‌ خانه‌نشینی چ ئاكنجی ب ڤی ناڤی نینن، و داخاز ژ وی هاته‌ كرن لبه‌ر ده‌رگه‌هێ ئاڤاهی ب راوه‌ستت، ئێكسه‌ر پولیسان ده‌سته‌سه‌ركر كو چه‌نته‌یه‌كا ڤالا ژی لگه‌ل بی داكو تشتێن بهێنه‌ دزین بكته‌ تێدا.
مالپه‌رێ رۆژنامه‌یا “نیویورك تایمز” ژی دیاركر كو قیمه‌تێ دڤیێ دانعه‌مرێ 82 سالی پتر بی ژ 400 هزار دولارێن ئه‌مریكی، و د نوكه‌ دا دبت توشی زیندانیكرنێ ببت هه‌تا 15 سالان، و دزیكه‌ر هه‌تا ده‌مێ ده‌سته‌سه‌ركرنێ پتر ژ 14 پرۆسه‌یێن دزیێ ژ سالا 2014 وه‌ره‌ ئه‌نجامداینه‌، و میلازم بلیك ژ پولیسان گوت “تو چ جاران هزرناكه‌ی زه‌لامه‌كێ ل ڤی ژیی ب ڤێ چه‌ندێ (دزیكرن) رابت”.

Check Also

ب ئه‌گه‌رێ علكی سێ ته‌لاقێن هه‌ڤژینا خوه‌ هاڤێتن.

ب ئه‌گه‌رێ علكی سێ ته‌لاقێن هه‌ڤژینا خوه‌ هاڤێتن. مالپه‌رێ خابیر / زاخۆ باژێرێ لكهنو ل …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *