سەرەتا / به‌شێن مالپه‌ری / ساخلەمی / 10 پێنگاڤ ژبوی بێهن خوشكرنا هه‌ناسێ

10 پێنگاڤ ژبوی بێهن خوشكرنا هه‌ناسێ

10 پێنگاڤ ژبوی بێهن خوشكرنا هه‌ناسێ
مالپه‌رێ خابير L زاخۆ

د. عه‌دنان عه‌قراوى
ئه‌رێ ته‌ دڤێت بێهنا ژ ده‌ڤێ ته‌ ده‌ردكه‌ڤیت یا خۆش بیت وبێزاركرنێ ل جه‌م ده‌وروبه‌را درۆست نه‌كه‌ی؟ ئه‌ڤه‌ چه‌ند پێنگاڤه‌كن بۆ بێهن خوشیا هه‌ناسێ:
1. گه‌له‌ك ئاڤێ ڤه‌خۆ: چونكی كاردكه‌ت وه‌ك پاقژكه‌ر بۆ ده‌ڤی وبه‌كتیریا دویردكه‌ت ژ گه‌ریێ وده‌ڤی، به‌ڵام باش بزانه‌ كۆ هنده‌ك ڤه‌خارنێن بوتڵا بتایبه‌تی ڤه‌خارنێن گازی وڤه‌خارنێن هێزێ وقودیكێن چایا ته‌زی ماددێ تڕشیا سیتریك تێدایه‌ ئه‌ڤا دبیته‌ ئه‌گه‌رێ نه‌خۆشكرنا بێهنا ده‌ڤی ودڤێت خۆ ژ ڤان ڤه‌خارنا بپارێزی.
2. خارنێن باش بخۆ: بتایبه‌تی كێمكرنا چه‌وریێ وزێده‌ خارنا سه‌وزه‌واتی وفێقیێ تازه‌ وبتایبه‌تی سێڤ ،گێزه‌ر، پتات وبروكولی. هه‌روه‌سا بكارئینانا پینگی (نعناع) زێده‌ یا مفاداره‌ بۆ بێهن خوشیا ده‌ڤی.
3. كێمكرنا كافاینێ (قه‌هوه‌، نسكافه‌، چایا ڕه‌ش) ئه‌ڤا ڕێژا تڕشیا تێدا زوره‌ وئه‌گه‌رێ نه‌خۆشكرنا بێهنێ یه‌، وهه‌وڵبده‌ زیاتر ڤه‌خارنێن كه‌سكاتیێ ل چیاتی بكاربینی وه‌ك چایا كه‌سك، بابونج، یانسون،..هتد چونكێ ڕێژه‌كا كێم یا تڕشیا تێدایه‌.
4. شویشتنا ڕۆژانه‌ یا ده‌ڤ وددانا وبتایبه‌تی فڕچه‌كرنا لایێ ژور یێ ددانا
5. پیته‌دان ب پاقژكرنا ئه‌زمانی بتایبه‌تی فڕچه‌كرنا ئه‌زمانی ئه‌ڤا به‌رپرس ژ 80-90% ژ بێهن نه‌خوشیێ چهونكی به‌كتیریا ب پشتا ئه‌زمانی ڤه‌ دنیسیێن ودبنه‌ هۆكارێ بێهنا پیس.
6. غه‌رغه‌ره‌كرنا گه‌ریێ وده‌ڤی ب وان ده‌رمانێن كۆ ماددێ زنك تێدابیت وماددێن كحولێ تێدا نه‌بیت.
7. به‌نیشته‌كێ بجی كۆ یێ بێ شه‌كربیت وماددێ زیلیتول (xylitol) تێدا بیت چونكی به‌نیشت كاردكه‌ت ژبوی به‌رده‌وام ته‌ڕكرنا ده‌ڤی وشولكرنا ڕژێنێن تفێ، ئه‌ڤه‌ ژی ڕێژا به‌كتیۆیایێن ناڤ ده‌ڤی ئێكجار كێمدكه‌ت.
8. بكارئینانا جێلیێن بێهن خوشكرنا ده‌ڤی ئه‌ڤێن لسه‌ر ئه‌زمانی دادنێن یان ژی به‌خاخێن خۆشكرنا بێهنا هه‌ناسێ، كۆ دڤێت ئه‌ڤ مادده‌ تێدابن :زیلیتول، زینك، ڤیتامین سی.
9. جگاره‌كێشانێ ڕاگره‌ چونكی جگاره‌ ژبلی بێهن نه‌خۆشیا نیكوتینێ دبیته‌ ئه‌گه‌رێ هشكبوونا ده‌ڤی وته‌سكرنا بوریێن وێ یێن خوینێ ولدیف دا نه‌كاركرنا ڕژینێن تفێ.
10. سه‌ره‌دانا نوژدارێ ددانا بشێوه‌كێ زوی ب زوی ژبوی پشكنینا زیاتر یا ده‌ڤ وددانا.

ژێده‌ر: یێ ساخله‌م به‌

Check Also

ئه‌رێ بكارئینانا مه‌عجینا ددانان وه‌ك بهێزكه‌را سكسی دورسته‌؟

ئه‌رێ بكارئینانا مه‌عجینا ددانان وه‌ك بهێزكه‌را سكسی دورسته‌؟ مالپه‌رێ خابیر / زاخۆ شه‌هره‌زایێن ساخله‌می ده‌رباره‌یی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *