سەرەتا / به‌شێن مالپه‌ری / ئاینى / به‌ری تو گونه‌هێ بكه‌ی یان هزرێ تیدا بكه‌ی هشیار به‌ ژئه‌ڤان خالا:

به‌ری تو گونه‌هێ بكه‌ی یان هزرێ تیدا بكه‌ی هشیار به‌ ژئه‌ڤان خالا:

به‌ری تو گونه‌هێ بكه‌ی یان هزرێ تیدا بكه‌ی هشیار به‌ ژئه‌ڤان خالا:

مالپه‌رێ خابير / زاخۆ

د.جه‌مال كوچه‌ر

هشیاربه‌:
خوانده‌ڤانێ خوشتڤی:
به‌ری تو گونه‌هێ بكه‌ی یان هزرێ تیدا بكه‌ی هشیار به‌ ژئه‌ڤان خالا:
1- غیره‌تا خودێ ته‌عالا:
یه‌زدانێ مه‌ گه‌له‌ك یێ ب غیره‌ته‌ و گه‌له‌ك توره‌ دبیت ده‌مێ كه‌سه‌ك گونه‌هێ دكه‌ت هه‌روه‌كی پێغه‌مبه‌رێ مه‌ (س) دبێژیت: (هوین عه‌جێب گرتی یێت غیره‌تا (سعدی) نه‌..والله ئه‌ز ژوی ب غیره‌ت ترم و خودێ ته‌عالا ژمن بغیره‌ت تره‌..غیره‌تا خودێ ته‌عالا ئه‌ڤه‌یه‌ ده‌مێ عه‌بده‌ك بێ ئه‌مری یا وی بكه‌ت..).

2-گونه‌هــ گونه‌هێ دكێشیت:
ده‌مێ كه‌سه‌ك گونه‌هێ دكه‌ت دێ ژخودێ ته‌عالا دویركه‌ڤیت و دێ نێزیكی شه‌یتانی بیت و هوسا دێ جاره‌كا دی توشی گونه‌هێ بیت و دێ شه‌یتان هه‌ول ده‌ت گونه‌هێ لبه‌ر شرین كه‌ت و رێكا بو بساناهی كه‌ت هه‌تا دویماهیێ ببیته‌ دیڤه‌لانكێ وی هه‌روه‌كی خودێ ته‌عالا دبێژیت:(( َجَزَاء سَيِّئَةٍ سَيِّئَةٌ مِّثْلُهَا))..
له‌وما (خوله‌یدێ عه‌ێری) هه‌رده‌م پشتی نڤێژا سپێدێ وهه‌تا روژ دهه‌لات زكرێ خودێ ته‌عالا دكر و پشتی دبو سپێده‌ دا ده‌رگه‌هێ مالا خو گریت و هه‌ست بهندێ دكر كو یێ ژشه‌یتانی هاتیه‌ پاراستن دا گازی كه‌ته‌ مه‌لایكه‌تا وبێژیت: مه‌لایكه‌تێت خودێ ته‌عالا بخێربێن وببنه‌ شاهد بو من لده‌ف خودێ من و دا ڤی زكری كه‌ت: (بِسْمِ اللهِ.. سُبْحَانَ اللهِ.. وَالحَمْدُ للهِ.. وَلاَ إِلهَ إِلاَّ الله.. وَاللهُ أَكْبَر) ودا یێ به‌رده‌وام بیت هه‌تا دنڤست..

3-هشیاری به‌رده‌وامی یا نیعمه‌تا به‌ وتو یێ دكونه‌هێ دا دژی:
ئه‌گه‌ر دگه‌ل به‌رده‌وامی یا ته‌ لسه‌ر گونه‌هێ نیعمه‌ت ژی دبه‌رده‌وام بون لوی ده‌می ژخو بترسه‌,گه‌له‌ك جارا ئه‌ڤ پرسیاره‌ دئێته‌ كرن,بوچی مروڤێت خراب هه‌رده‌م خودان هێزن ومروڤێت چاك دفه‌قیرن و دبێ هێزن؟ پێغه‌مبه‌رێ مه‌ (س) به‌رسڤا ڤێ پرسیارێ دده‌ت ده‌مێ دبێژیت: (ئه‌گه‌ر هه‌وه‌ دیت كو خودێ ته‌عالا به‌رده‌وام نیعمه‌ت برزقێ گونه‌هكاری كرن ئه‌و جه‌رباندنه‌,)ئانكو خودێ ته‌عالا دێ هه‌ر لێ زێده‌كه‌ت داكو ل روژا قیامه‌تێ وی كه‌سی چ هێجه‌ت نه‌مینن و دێ یێ ژدلوڤانی یا خودێ مه‌زن بێ به‌هر بیت.

4-بێ ئارامی ژگونه‌هێ:
هه‌كه‌ تو یێ بێهن ته‌نگ بی وژلایێ ده‌رونی ڤه‌ یێ لاواز بی بزانه‌ ته‌ خه‌له‌تی یه‌كا كری و زیكا لخو بزڤره‌..پێغه‌مبه‌ر (س) دبێژیت: (الإِثْمُ مَا حَاكَ في صَدْرِكَ وَكَرِهْتَ أَنْ يَطَّلِعَ عَلَيْهِ النَّاس), ئانكو (گونه‌هـ ئه‌وه‌ یا بێهنا ته‌ ته‌نگ دكه‌ت و ته‌ نه‌ڤێت كه‌سه‌ك ژخه‌لكی پێ بحه‌سیێت و ژێ بزانیت..).

5-دویركه‌فتنا ژچاكا:
هه‌كه‌ تو ژمروڤێت چاك دویركه‌تی و تو نێزیكی مروڤێت خراب بوی و یێ خوشتڤی بوی لده‌ف وان بزانه‌ تو یێ دگونه‌هێ دا دژی:
هه‌كه‌ ته‌ زانی هه‌ڤالێت ته‌ یێت باش روژ بو روژێ حه‌ژته‌ دكه‌ن ورێزێ لته‌ دگرن ئه‌و نیشانێ نزیكبونا ژخودێ ته‌عالا یه‌ وهه‌كه‌ هه‌ڤالێت ته‌ گازنده‌ ژته‌ كرن و تو لده‌ف وان كێم بها بوی بزانه‌ كو تو یێ دگونه‌هێ دا دژی ئه‌ڤجا زیكا لخو بزڤره‌ و توبه‌كه‌..پێغه‌مبه‌ر (س) دبێژیت: (هشیار بن دلێت بوسلمانا له‌عنه‌تا لهه‌وه‌ نه‌كه‌ن و هین پێ نه‌حه‌سیێن,,پاشی گوت:ئه‌رێ هین دزانن چه‌وا؟ده‌مێ عه‌بده‌ك ژعه‌بدێت خودێ گونه‌هه‌كێ دكه‌ت خودێ ته‌عالا دێ نه‌ڤیانا وی كه‌ته‌ ددلێ بوسلمانا دا و ئه‌و نزانیت.)..

6-ده‌مێ تو ته‌مبه‌ل بوی دكرنا عیباده‌تا دا بزانه‌ تو یێ دگونه‌هێ دا:
برایێ گونه‌هكار:ته‌ چه‌ند جارا سه‌حكریه‌ تشتێ حه‌رام و چاڤێت ته‌ ژباراندنا روندكا بو خودێ هشك بویه‌؟چه‌ند جارا ته‌ مالێ حه‌رام خاری یه‌ وبه‌ره‌كه‌تا خودێ ژمالێ ته‌ هاتیه‌ برین؟چه‌ند جارا خوشی یا گوهدانا سترانیت حه‌رام تو دویرئێخستی ژخواندنا قورئانا پیروز؟ چه‌ند جارا دنیایێ كونترول لسه‌ر دلێ ته‌ كری یه‌ وئاخره‌ت ژبیرا ته‌ بریه‌؟ ئه‌ڤجا ده‌مێ تو ته‌مبه‌ل دبی دكرنا عیباده‌تا دا بزانه‌ كو تو یێ به‌ره‌ف گونه‌هێ ڤه‌ دچی له‌وما زیكا لخو بزڤره‌…

7-حه‌رامی مروڤی حه‌رام دكه‌ت:
ئه‌ز دبێژم هه‌وه‌ یا گوهــ لپێغه‌مبه‌ری بوی (س) ده‌مێ دبێژیت: (هه‌كه‌ هه‌وه‌ دڤێت حه‌ریرێ به‌هه‌شتی بكه‌نه‌ به‌ر خو ,,خو ژحه‌ریرێ دونیایێ بده‌نه‌ پاش..)..گه‌لی برا: هه‌كه‌ هه‌وه‌ دڤێت مه‌ییا به‌هه‌شتێ ڤه‌خون خو ژیا دونیایێ بده‌نه‌ پاش و هه‌كه‌ هه‌وه‌ دڤێت دگه‌ل حوری یا بن لبه‌هه‌شتێ خو ژدیتنا حه‌رام بده‌نه‌ پاش..
8-هشیار به‌ ژ توره‌بونا خودێ ته‌عالا:
هشیاربه‌ خودێ ته‌عالا ژخو عاجز نه‌كه‌ هه‌روه‌كی (باب ئاده‌م) ژبه‌هه‌شتێ ده‌رئێخستی سه‌را پاریه‌كێ و هه‌روه‌كی ژنكه‌ك بریه‌ جه‌هنه‌مێ سه‌را كتكه‌كێ و له‌عنه‌ت ل شه‌یتانی كرین سه‌را سجده‌كێ….هتد
9-ژگونه‌هێت بچیك بترسه‌:
هشیار به‌ هه‌كه‌ ته‌ چ بها نه‌دا گونه‌ها بچیك دێ ئه‌ڤ كونه‌هه‌ ته‌ به‌ره‌ف كونه‌هێت مه‌زن ڤه‌ به‌ت هه‌روه‌كی أبن الجوزی دبێژیت: (ترانا بگونه‌ها بچیك نه‌كه‌ چونكی وه‌ریسێ ب هێز ژداڤێت نه‌رم دئێته‌ چێكرن دا حێشترا قه‌له‌و پێ بهێته‌ خه‌ندقاندن..). له‌وما نه‌ سه‌حكه‌ بچیكی یا گونه‌هێ به‌لكی سه‌حكه‌ مه‌زناهی یا تو بێ ئه‌مری یا وی دكه‌ی..

10-هشیار به‌ گونه‌هێت خو ئاشكرا نه‌كه‌:
ئه‌و كه‌سێ گونه‌هێت خو ئاشكرا دكه‌ت دێ خودێ ته‌عالا ژی توره‌ بیت و گونه‌هێت وی ژێ نابه‌ت هه‌روه‌كی پێغه‌مبه‌رێ مه‌ (س) دبێژیت: (گونه‌هێت هه‌می ئوممه‌تا من دێ ئێنه‌ غه‌فراندن بتنێ ئه‌و كه‌س تێ نه‌بن یێت گونه‌هێت خو ئاشكرا دكه‌ن)..
11-پشتی هه‌ر گونه‌هه‌كێ ته‌ شه‌ش سه‌عه‌تا ده‌رفه‌ت یا هه‌ی تو لخو بزڤری:
پێغه‌مبه‌ر (س) دبێژیت: (ده‌مێ كه‌سه‌ك گونه‌هه‌كێ دكه‌ت ئێكسه‌ر ئه‌ڤ كونه‌هه‌ نا ئێته‌ نڤێسین به‌لكو ئه‌و مه‌لایكه‌تێ گونه‌ها دنڤێسیت دێ خو گریت بو ماوێ شه‌ش سه‌عه‌تا هه‌كه‌ گونه‌هكار دڤی ماوه‌ی دا لخو زڤری وته‌وبه‌ كر دێ گونه‌ها وی ئێته‌ ژێبرن وهه‌كه‌ لخو نه‌زڤریت ژنیكا بتنێ دێ گونه‌هه‌ك بو وی ئێته‌ نڤێسین..)..بتنێ دێ بێژین یا ره‌بی دلوڤانی یا ته‌ عه‌ردو ئه‌سمان یێت تژی كرین..
و لدویماهیێ دێ بێژم:
هه‌ر كه‌سه‌كێ كه‌یف ب گونه‌هێ بهێت ئه‌وی گونه‌هــ كر..وهه‌ر كه‌سه‌كێ كه‌یف ب زوردارا هات دێ روی ره‌ش و شه‌رمزار بیت..و هه‌ر كه‌سه‌كێ كه‌یف ب مالێ دونیایی هات دێ یێ بێ باوه‌ر بیت….
خویشك وبرایێت خوشتڤی:
هه‌ر كه‌سێ حه‌ژ تشته‌كی نه‌كه‌ت دێ ژێ ره‌ڤیت و هه‌چیێ حه‌ژ كاره‌كی بكه‌ت دێ به‌رده‌وامیێ پێ ده‌ت له‌وما داخازێ ژهه‌وه‌ دكه‌م هوین چه‌ندین جارا ئه‌ڤێ په‌رتوكا بچیك بخوینن دا هونه‌رێ هێلانا گونه‌هان بزانن و پتر نێزیكی خودێ ته‌عالا ببن ئه‌وێ گونه‌ها دغه‌فرینیت…

Check Also

عاشورا رۆژییا گونه‌هێن ساله‌كێ ژێدبت.

عاشورا رۆژییا گونه‌هێن ساله‌كێ ژێدبت. مالپه‌رێ خابیر / زاخۆ پێغه‌مبه‌ری “سلاڤێن خودێ لسه‌ر بن” موسلمان …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *