سەرەتا / به‌شێن مالپه‌ری / زانست و تەکنولوژیا / ئامیره‌یه‌كێ نوی بۆ چاره‌سه‌رییا كه‌چه‌لیێ دهێته‌ داهێنان

ئامیره‌یه‌كێ نوی بۆ چاره‌سه‌رییا كه‌چه‌لیێ دهێته‌ داهێنان

ئامیره‌یه‌كێ نوی بۆ چاره‌سه‌رییا كه‌چه‌لیێ دهێته‌ داهێنان
مالپه‌رێ خابیر /زاخۆ
ئه‌ندازیاران ژ زانینگه‌ها وێسكنسون ل ویلایه‌تا مادیسون یا ئه‌مریكی ئامیره‌یه‌كێ نوی و ئه‌رزان داهێنان بۆ هاندانا گه‌شه‌یا پرچێ، كو دشیان دا هه‌یه‌ بهێته‌ ده‌ینان ل بن كولاڤی داكو چاره‌سه‌رییا كه‌چه‌لیێ بكت بێ كه‌سێن دی هه‌ست پێ بكن.
وه‌رینا پرچێ ئاریشه‌یه‌كا مه‌زن یا زه‌لامانه‌ و دسه‌ر هه‌بینا چه‌ندین رێكێن چاره‌سه‌ریێ را وه‌كی كه‌ره‌سته‌یێن نوژداری و نه‌شته‌رگه‌ری و ….هتد، و ئێك ژ وان رێكان هاندانا كاره‌بایی یه‌ كو هاریكارییا گه‌شه‌یا پرچێ دكت، به‌لێ پێدڤی ب ئامیره‌یێن مه‌زن پاتریێن بهێزن هه‌تا كارێ خوه‌ بكت.
كومه‌كا ئه‌ندازیاران ب سه‌رپه‌رشتییا پرۆفیسور “سودون وانگ” شیان ڤان به‌ربه‌ستان ب به‌زینن و ئامیره‌كێ لاسكلی یێ وزه‌یێ ژ لڤینا بكارهێنه‌ری وه‌ردگرت دابهێنن، كو پێدڤی ب پاتریێن مه‌زن ناكت و د هه‌مان ده‌م دا هاندانا گه‌شه‌یا پرچێ دكت ب رێكا لێدانێن كاره‌بایی یێن نزم، و هوسا هاریكارییا ڤه‌گه‌راندنا گه‌شه‌یا پرچێ دكت، و كارتێكرنا وی ژی ناگه‌هته‌ چینێن كویر یێن سه‌ری، له‌وا چ زیانێن لایه‌كی نینن.
ئه‌ندازیاران ئه‌ڤ ئامیره‌یه‌ لسه‌ر مشكێن تاقیگه‌هان یێن پیرتێ وان هاتیه‌ رویتكرن تاقیكرن، و گروپه‌كێ دی ژی به‌رهه‌مێ نوژداری پێ هاته‌ دان، و گروپێ سیێ شله‌كێ خوێكری پێ هاته‌ دان، د ئه‌نجام دا پیرتێ گروپێ ئێكێ ب شێوه‌یه‌كێ له‌زتر هات ب هه‌ڤبه‌ركرن لگه‌ل هه‌ر دوو گروپێن دی.
پشتی ڤێ تاقیكرنێ، تاقیكرنه‌كا دی لسه‌ر هنده‌ك مشكێن بێ پیرت یێن ئاریشه‌ د گه‌شه‌یا پیرتی دا هه‌ین هاته‌ ئه‌نجامدان، و د ئه‌نجام دا پیرتێ وان ب درێژاهییا 2 ملم گه‌شه‌كر بتنێ ب بورینا 9 رۆژان، كو د هه‌مان ده‌م دا پیرتێ وان مشكێن به‌رهه‌مێن نوژداری بكارئیناین بتنێ ئێك ملم هات.

Check Also

ئێكه‌م جار د مێژوویێ دا…. گوشتێ ده‌ستچێكه‌ر ل ئه‌سمانان دهێته‌ به‌رهه‌مئینان

ئێكه‌م جار د مێژوویێ دا…. گوشتێ ده‌ستچێكه‌ر ل ئه‌سمانان دهێته‌ به‌رهه‌مئینان مالپه‌رێ خابیر / زاخۆ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *