سەرەتا / به‌شێن مالپه‌ری / گەشەپێدانا مرۆڤی / خاتینا هێژا: ژبه‌رى شوى كه‌ى ڤان تشتان بزانه‌:

خاتینا هێژا: ژبه‌رى شوى كه‌ى ڤان تشتان بزانه‌:

خاتینا هێژا: ژبه‌رى شوى كه‌ى ڤان تشتان بزانه‌:

مالپه‌رێ خابیر / زاخۆ
گه‌له‌ك ژ حه‌ژێكه‌ران د ده‌مێ هه‌ڤنیاسینێ و خاستنێ دا به‌رچاڤكه‌كا پیڤازى لبه‌ر چاڤێ، خوه‌ دكن كو رێگریێ ل وان دت ب شێوه‌یه‌كێ دورست هزرا خوه‌ د ژیانا داهاتی یا پشتى پێكئینانا هه‌ڤژینیێ ده‌سپێدكت بكن  ، پتریا جاران ئه‌ڤ چه‌نده‌ دبته‌ ئه‌گه‌رێ سه‌رهلدانا ئاریشه‌یان دناڤبه‌را هه‌ڤژینان دا  .

داكو ئه‌رده‌كێ هه‌ڤپشك دناڤبه‌را هه‌ر دوو خاستییان دا (كور و كچ) په‌یدا ببت ، شه‌هره‌زایێن تایبه‌تمه‌ند شیره‌تان ل وان كچێن هاتینه‌ خاستن دكن ب كرنا ڤان پسیاران ئه‌ڤجا چ ب شێوه‌یه‌كێ ئێكسه‌ر یان نه‌ ئێكسه‌ر بت ژ هه‌ڤكویڤێ ژیانا خوه‌ د داهاتی دا :

1-    ئه‌رێ تو دێ ل من بوری ئه‌گه‌ر من خه‌له‌تییه‌ك كر یان ژی خه‌مسارییه‌ك  د ژیانا رۆژانه‌ دا من كر ؟ لسه‌ر ته‌ پێدڤیه‌ تو یا پشتراست بی لسه‌ر شیانێن هه‌ڤژینێ خوه‌ یێ پاشه‌رۆژێ لسه‌ر لێبورینێ .
2-    ئه‌رێ دێ حه‌ژێكرنا ته‌ بۆ من هێته‌ گوهورین پشتی گوڕیێن  هه‌ست و سوزێن ژبه‌رى هه‌ڤژینیێ په‌یدابین ب دویماهی دهێن ؟ دژوارییا هه‌ست و سوزان ژبه‌رى هه‌ڤژینیێ دیارده‌یه‌كا سرۆشتى یه‌ و ب بورینا ده‌می ئه‌ڤ دژوارییه‌ نامینت و یا گرنگ ئه‌وه‌ حه‌ژێكرنا دورست و هه‌ڤسه‌نگ به‌رده‌وام بت ، له‌وما لسه‌ر ته‌ پێدڤیه‌ تو ژێ پشت راست بی .
3-    ئه‌رێ دێ شێم باوه‌رییه‌كا تمام ب ته‌ ئینم ؟ چه‌ندین رویدانێن ژبه‌رى هه‌ڤژینیێ تێرا هه‌نه‌ ببن به‌رسڤ بۆ ڤێ پسیارێ .
4-    ئه‌رێ ئه‌م دێ شێین لسه‌ر هه‌می تشتان بێ په‌رده‌ ئاخڤین (صه‌راحه‌ت) ؟ هنده‌ك كه‌سان هه‌سته‌وه‌رى ده‌رباره‌ى هنده‌ك بابه‌تێن ده‌ستنیشانكری یێن هه‌ین و نه‌ڤێن هه‌می هویربینییا بۆ هه‌ڤكویفێ ژیانا خوه‌ بێژن ، له‌وما بۆ ته‌ یا گرنگه‌ تو سرۆشتێ هه‌ڤژینێ خوه‌ بزانی داكو تو وی نه‌ وه‌ستینی ب ڤان هویربینییان د سحبه‌تێن رۆژانه‌ دا .
5-    دێ چاوا ده‌مێن ته‌نگاڤی و نه‌خوه‌ش لگه‌ل من بورینی ؟ دژوارییا حه‌ژێكرنێ رێگریێ ل گه‌له‌ك كه‌سان دكت هزرا خوه‌ د ڤێ پسیارێ دا بكن  ، به‌لێ گه‌له‌ك یا گرنگه‌ تو بزانی ژیان هه‌رده‌م نه‌ یا ب سانه‌هییه‌ و دبت قه‌یرانێن دژوار بسه‌ر مرۆڤی دا بهێن .
6-    ئه‌رێ ته‌ دڤێت مالا خوه‌ ببیه‌ جهه‌كێ دی یان ژی مشه‌خت ببیه‌ وه‌لاته‌كێ دی ؟
7-    ئه‌رێ دێ هاریكارییا من كی د كارێن مالێ دا ؟ ئه‌گه‌ر ل ده‌سپێكێ تو بزانی كا هه‌ڤژینێ ته‌ یێ پاشه‌رۆژێ شیانێن هاریكاری كرنێ دكارێن مالێ دا هه‌نه‌ یان نه‌ ، دێ ته‌ ژ چه‌ندین ئاریشه‌یان دویرئێخت .
8-    پشتى 30 سالێن دی تو ژیانێ چاوا دبینی ؟ ئه‌ڤ پسیاره‌ یا گرنگه‌ داكو تو ئارمانج و هیڤیێن هه‌ڤژینێ خوه‌ یێ پاشه‌رۆژێ بزانی د ژیانا كارى دا .
9-    ئه‌رێ دێ به‌رپرسیاره‌تییا ئابورى یا خێزانێ ب تمامی وه‌رگری ؟ هنده‌ك خاتین چ ئاریشه‌یان نابینن ئه‌گه‌ر دگه‌ل هه‌ڤژینێ خوه‌ موچه‌یێ خوه‌ دابه‌ش بكن و ل خێزانێ ب مه‌زێخن به‌لێ هنده‌كێن ئه‌ڤ چه‌نده‌ نه‌ڤێن و بۆ وان دبت ئاریشه‌ .

Check Also

هونه‌رێ خوه‌هاژێنه‌كرنێ (فن التغافل):

هونه‌رێ خوه‌هاژێنه‌كرنێ (فن التغافل): مالپه‌رێ خابیر / زاخۆ ئا:سعد محمد حسن   ” خذ العفو …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *