سەرەتا / به‌شێن مالپه‌ری / ساخلەمی / چار ژ مه‌ترسیێن رێكنه‌ئێخستنا ده‌می:

چار ژ مه‌ترسیێن رێكنه‌ئێخستنا ده‌می:

چار ژ مه‌ترسیێن رێكنه‌ئێخستنا ده‌می:

مالپه‌رێ خابیر / زاخۆ
مفایێن رێكئێخستنا ده‌می هند گه‌له‌كن ب زه‌حمه‌ته‌ ب دورستاهی بهێنه‌ هژمارتن و هه‌می كه‌س دانپێدانێ ب ڤێ چه‌ندێ دكن، و هوسا گه‌له‌ك ژ خه‌لكێ هه‌ول ددن ده‌مێ خوه‌ ب باشی ب رێڤه‌ ببن  و گه‌له‌كان ژی های ژێ نینه‌ و دبه‌رزه‌نه‌، زیانێن ب مرۆڤی دكه‌ڤن ژ ئه‌نجامێ رێكنه‌ئێخستنا ده‌می گه‌له‌كن ، به‌لێ بتنێ دێ چار خالان دیاركین:

1-    بسه‌رئێككه‌تنا كاران:
ده‌مێ هونه‌رێ رێڤه‌برنا ده‌می د ژیانێ دا نه‌هێته‌ بكارئینان دێ ژیان هه‌می یا به‌ره‌لا بت و مرۆڤ نزانت چ بكت و چاوا ژیانا خوه‌ ب بورینت  كیژ كارى ئه‌نجامبدت یان ژی گه‌له‌ك پاشئێخستنا كاران و هوسا ل دویماهیێ د چ كاران دا نه‌شێت سه‌ركه‌فتنه‌كا ژ هه‌ژی بینت  و هوسا ده‌مێ كاره‌كێ ئه‌نجامبدت دێ پێدڤی ب ده‌مه‌كێ درێژ هه‌بت و دێ گه‌له‌ك پێڤه‌ وه‌ستت هه‌تا وی كارى ئه‌نجامبدت.

2-    خراببینا په‌یوه‌ندیێن كومه‌لایه‌تى:
ئێك  ژ مفایێن گرنگ یێن رێكئێخستنا ده‌می ئه‌وه‌ شیانا ددت مرۆڤی داكو بشێت هه‌ڤسه‌نگیێ دناڤبه‌را ژیانا كارى و ژیانا كومه‌لایه‌تى ئه‌نجامبدت و ئه‌گه‌ر ده‌مێ مرۆڤی یێ رێكنه‌ئێخستى بت دێ زیانێ ب په‌یوه‌ندیێن كومه‌لایه‌تى یێ، خوه‌ گه‌هینت چونكی دێ هنده‌ك كاران ل نه‌ د ده‌مێ وان دا ئه‌نجامدت، له‌وما دێ چه‌ندین په‌یوه‌ندیێن كومه‌لایه‌تی ژ ده‌ست دت ب ئه‌گه‌رێ به‌رزه‌بینا وی د ده‌مێ وی دا.

3-    وه‌ستیانا به‌رده‌وام:
ژ زیانێن ژ به‌ره‌لاییا ده‌می په‌یدادبن وه‌ستیانه‌كا به‌رده‌وامه‌ چونكی هه‌ر ده‌م و ب درێژاهییا رۆژێ دێ مرۆڤ هه‌ست ب به‌رپرسیاره‌تییان كت و دڤێت مرۆڤ بجهـبینت، له‌وما دێ مێشكێ مرۆڤی ئاماژه‌یان بۆ له‌شی رێك هه‌رده‌م خوه‌ بۆ ئه‌نجامدانا كارى به‌رهه‌ڤ بكت و هوسا دێ وه‌ستیان ب به‌رده‌وامی ل ده‌ڤ مرۆڤی هه‌بت.

4-    جودانه‌كرنا گرنگییا كاران:
زانینا كاران ل دویڤ گرنگییا وان ب شێوه‌یه‌كێ هویر و رێزكرنا وان بۆ ئه‌نجامدانێ بنه‌مایێ ژیانا شاد و سه‌ركه‌فتی یه‌ و ئه‌گه‌ر ده‌مێ مرۆڤی نه‌ رێكئێخستى بت دێ مرۆڤ هنده‌ك كاران ل ده‌مێ نه‌گونجایی ئه‌نجامدت و هنده‌ك كارێن گرنگ ژ ده‌ستدت ب ئه‌گه‌رێ نه‌زانینا گرنگییا وان.

Check Also

ل دووگیانیێ…. نابت ته‌مه‌تی دوو مرۆڤان خارنێ بخوی

ل دووگیانیێ…. نابت ته‌مه‌تی دوو مرۆڤان خارنێ بخوی مالپه‌رێ خابیر / زاخۆ ده‌سته‌یا ئه‌لمانی بۆ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *