سەرەتا / به‌شێن مالپه‌ری / ڤه‌كولین / ڤه‌كولین: نڤستن كێمتر ژ شه‌ش ده‌مژمێرن یان پتر ژ نه‌هان مه‌ترسیێ لسه‌ر دلی په‌یدادكت

ڤه‌كولین: نڤستن كێمتر ژ شه‌ش ده‌مژمێرن یان پتر ژ نه‌هان مه‌ترسیێ لسه‌ر دلی په‌یدادكت

ڤه‌كولین: نڤستن كێمتر ژ شه‌ش ده‌مژمێرن یان پتر ژ نه‌هان مه‌ترسیێ لسه‌ر دلی په‌یدادكت
مالپه‌رێ خابیر / زاخۆ
چ گومان د گرنگییا نڤستنێ دا نینن لسه‌ر ساخله‌مییا مه‌، به‌لێ ننڤستنا پتر ژ نه‌هـ ده‌مژمێران مه‌ترسیێن خراب لسه‌ر ساخله‌میێ په‌یدادكت، كو تووشبینا مرۆڤی ب لێدانێن دلی (نوبه‌ قلبیه‌) ب رێژه‌یا 34% زێده‌ دكت د هه‌مان ده‌م دا كێم نڤستن ژی یا بێ مه‌ترسی نینه‌.
ڤه‌كولینه‌كا نوی یا د گوڤارا كولیژا ئه‌مریكی بۆ نه‌خوه‌شیێن دلی دا هاتیه‌ به‌لاڤكرن دیاركر كو نڤستنا درێژ نه‌ یا باشه‌ بۆ ساخله‌میێ، و ڤه‌كوله‌ران په‌یوه‌ندییا دنڤستنا “خه‌له‌ت” و زێده‌بینا مه‌ترسیێن نه‌خوه‌شیێن دلی دا ڤه‌دیتن.
ڤه‌كولینێ نێزیكی 461 هزار پشكدارێن ژیێ وان دناڤبه‌را 40 بۆ 60 سالیێ دا ب خوه‌ڤه‌گرتن، و چ جاران تووشی لێدانێن دلی نه‌ببین. و ڤه‌كولینێ بۆ ده‌مێ حه‌فت سالان ڤه‌كێشاو تێدا شلوڤه‌كرن و هه‌لسه‌نگاندن بۆ زانیاریێن وان یێن ویراسی و نه‌ریتێن نڤستنێ و تومارێن نوژداری هاته‌ كرن.
ئه‌نجام د سه‌رنجراكێش بی، كو دیتن ئه‌و پشكدارێن كێمتر ژ شه‌ش ده‌مژمێران دنڤستن ب رێژه‌یا 20% پتر د به‌رهه‌ڤ بین تووشی لێدانێن دلی ببن.
ل لایێ به‌رانبه‌ر ژی ئه‌و پشكدارێن پتر ژ نه‌هـ ده‌مژمێران دنڤستن ب رێژه‌یا 34% پتر دبه‌رهه‌ڤن تووشی ڤێ نه‌خوه‌شیێ ببن.
ده‌رباره‌یی وان كه‌سێن به‌رهه‌ڤییا ویراسی هه‌ین بۆ تووشبینا ب لێدانێن دلی، ڤه‌كولینێ ڤه‌دیت كو نڤستن ژ شه‌ش بۆ نه‌هـ ده‌مژمێران مه‌ترسیێن لێدانێن كوژه‌ك ب رێژه‌یا 18% كێم دكت.
ئیاس داگلاس -ئێك ژ پشكدارێن ڤه‌كولینێ- گوت “ژ نووچه‌یێن باشه‌ ئاشكراكبین كو نڤستن دشێت مه‌ترسیێن تووشبینا ب لێدانێن دلی كێم بكت، هه‌روه‌سا خارنا ساخله‌م و نه‌ریتێن دی یێن ساخله‌م”.

Check Also

ڤه‌كولین: گویز كارتێكرنێ ل ده‌روونێ گه‌نجان دكن

ڤه‌كولین: گویز كارتێكرنێ ل ده‌روونێ گه‌نجان دكن مالپه‌رێ خابیر / زاخۆ ڤه‌كولینه‌كا ئه‌مریكی یا نوی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *