مالپه‌رێ خابير مالپه‌ره‌كێ سه‌ربه‌خو یێ هه‌مه‌ره‌نگه
Related Articles
ڤه‌كولین: ده‌یندارییا بابێ كارتێكرنێ ل ساخله‌مییا زارۆكی دكت
مالپه‌رێ خابیر / زاخۆ
ڤه‌كولینه‌كا ئه‌مریكی یا نوی دیاركر كو هنده‌ك جورێن ده‌ینان وه‌كی ده‌ینێ خانی و یێن په‌روه‌رده‌یی گرێداینه ب ساخله‌مییا باشتر یا زارۆكی ڤه، به‌لێ ده‌ینێن نوژدارى و ئاریشه‌یان د سلوكێ زارۆكی دا په‌یدادكن.
ڤه‌كوله‌ر” لورانس ئێم بێرگه‌ر” ژ په‌یمانگه‌ها ڤه‌كولینێ هه‌ژاریێ یا سه‌ر ب زانینگه‌ها “وێسكسون مادیسون”ڤه گوت ” دبت ده‌ین ب شێوه‌یه‌كێ ئه‌رێنی یان نه‌رێنی كارتێكرنا خوه بكن، و ئه‌ڤ چه‌نده پێگریێ دده‌ینت سه‌ر لایه‌نێن مه‌زاختنا وان یان ژی تێچوونا ده‌ینكرنا وان وه‌كی بهایێ سوو و وێنه‌یان و …هتد”.
ڤه‌كوله‌ران د ڤه‌كولینێ دا فوكس ده‌ینان سه‌ر 9011 زارۆك و ده‌یكان و ب درێژاهییا دوو سالان چاڤپێكه‌فتن لگه‌ل ده‌یكان دكر بۆ ئاخفتنێ لسه‌ر ئاریشه‌یێن سلوكی ل ده‌ڤ زارۆكان.
د ڤه‌كولینێ دا ده‌ین ب شێوه‌یه‌كێ گشتى بۆ سه‌ر چار جوران هاتنه دابه‌شكرن، و ئه‌و ژی ده‌ینێن ئاكنجی بینێ و فێركرنێ و ترۆمبێلێ و ده‌ینێن نه ئێمن وه‌كی یێن وان ده‌ینێن ژ به‌نكان یان كه‌سان دهێته كرن.
ڤه‌كوله‌ران د گوڤارا “پێدیاتریكس” یا نوژدارى دا به‌لاڤركن كو ب شێوه‌یه‌كێ گشتى زێده‌بینا ده‌ینان ب شێوه‌یه‌كێ گشتى ئاریشه‌یێن سلوكی ل ده‌ڤ زارۆكی زێده دكت، به‌لێ جورێ ده‌ینی ژی كارتێكرنێ دكت وه‌كی ده‌ینێن ئاكنجیبینێ و یێن فێركرنێ ب شێوه‌یه‌كێ كێمتر ئاریشه‌یێن سلوكی ل ده‌ڤ زارۆكان زێده دكن، به‌لێ ئه‌گه‌ر جورێن دی یێن ده‌ینان یێن بابێ زێده‌بین دێ ب شێوه‌یه‌كێ زێده‌تر ئاریشه‌یێن سلوكی ل ده‌ڤ زارۆكی زێده بن.
ڤه‌كوله‌ر ژ زانینگه‌ها “ئه‌لاباما” ل بێرمنگاهم “پاتریشیا درنتی” دیاركر كو ژبه‌ر ڤێ چه‌ندا د ڤه‌كولینێ دا هاتیه ئاشكراكرن لسه‌ر ده‌یك و بابان پێدڤیه به‌حسی ئاریشه‌یێن دارایی ل ده‌ڤ زارۆكان نه‌كن.
