سەرەتا / به‌شێن مالپه‌ری / ڤه‌كولین / ڤه‌كولین: ئه‌و فێقيێ خانمان ژ په‌نجه‌شێرا مه‌مكان د پارێزت

ڤه‌كولین: ئه‌و فێقيێ خانمان ژ په‌نجه‌شێرا مه‌مكان د پارێزت

ڤه‌كولین: ئه‌و فێقيێ خانمان ژ په‌نجه‌شێرا مه‌مكان د پارێزت

مالپه‌رێ خابیر/ زاخۆ
گه‌له‌ك جورێن نه‌خوه‌شییان یێن هه‌ین ژبه‌رى په‌یداببن د شیان دا هه‌یه‌ رێگری لێ بهێته‌ كرن و ئه‌ڤ چه‌نده‌ ب ئه‌نجامدانا رێكێن خوه‌ پاراستنێو ژ وان نه‌خوه‌شییان په‌نجه‌شێرا مه‌مكان ل ده‌ڤ خانمان  كو ڤه‌كولینه‌كا ئه‌مریكی دیاركریه‌ كو فێقی نه‌بتنێ ژێده‌رن بۆ ڤیتامین و كانزایان به‌لكی كارتێكرن لسه‌ر مه‌مكێ، وان ژى یێ هه‌یی.
ڤه‌كوله‌ران ژ نه‌خوه‌شخانه‌یا “ماساچوستس” یا گشتى و قوتابخانه‌یا زانینگه‌ها “هارڤارد” یا ساخله‌مییا گشتى گوتن كو خارنا فێقی ل ژیێ ده‌سپێكێ یێ گه‌نجینیێ دێ خانمان ژ مه‌ترسیێن تووشبینێ ب نه‌خوه‌شییا په‌نجه‌شێرا مه‌مكان پارێزت، و ڤه‌كولین د گوڤارا زانستی یا تایبه‌تمه‌ند “برێتێش مێدیكال جورنال” دا هاته‌ به‌لاڤكرن.
رۆژنامه‌یا “ئاوگسبورگه‌ ئه‌لگامینه‌” یا ئه‌لمانی ژی ژ لایێ خوه‌ڤه‌ دیاركر كو ڤه‌كولینێن ژبه‌رى نوكه‌ په‌سه‌ندی ل په‌یوه‌ندییا دناڤبه‌را شێوازێ خارنێ و تووشبینا په‌نجه‌شێرێ دا كرینه‌  و ڤه‌كولینه‌كا ل ڤێ دویماهیێ دیاركریه‌ كو كه‌سێن گیایی كێمتر تووشی په‌نجه‌شێرێ دبن ، به‌لێ ڤێ ڤه‌كولینا نوی یا ئه‌مریكی فوكس لسه‌ر شیوارێن خارنێ د قوناغا سنێله‌یێ دا كر، و ڤه‌كوله‌ران دیت كو هنده‌ك فێقی یێن هه‌ین مفایێن خوه‌پاراستنێ ژ په‌نجه‌شێرا مه‌مكان یێن هه‌ین و دناڤ وان دا “موز و سێڤ و تری” چونكی ئه‌لیاف رێگریێ ل په‌نجه‌شێرێ دكن و فلافونوید ژى رێگریێ ل زیانگه‌هاندنا خانه‌یان دكت و شیانێن جنسی ل ده‌ڤ زه‌لامان زێده‌تر لێ دكت و پرته‌قال و كه‌له‌می ژى رێگریێ ل ڤێ نه‌خوه‌شیێ دكن.

Check Also

وه‌رزش عاقلێ مرۆڤی زێده‌ دكت

وه‌رزش عاقلێ مرۆڤی زێده‌ دكت مالپه‌رێ خابیر/ زاخۆ زانایان ژ زانینگه‌ها زانست و ته‌كنولوژیایێ یا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *