سەرەتا / به‌شێن مالپه‌ری / ساخلەمی / نه‌ينوكێن مرييان ل ده‌ڤ ژنان د زڤستانێ دا

نه‌ينوكێن مرييان ل ده‌ڤ ژنان د زڤستانێ دا

نه‌ينوكێن مرييان ل ده‌ڤ ژنان د زڤستانێ دا

مالپه‌رێ خابیر / زاخۆ
تایبه‌تمه‌ندێ مولولێن خوینێ یێ ئه‌لمانی “كلیمنس فاریش”  گوت “نه‌ینوكێن مرییان” یا كو د نوژداریێ دا به‌رنیاس ب “دیارده‌یا رینود” دزڤستانێ دا هێرشێ دكته‌ سه‌ر ژنان و نێزیكی 90% ژ ژنان د زڤستانێ دا تووشی ڤێ دیارده‌یێ دبن.
فاریشی دیاركر كو تبل ژ نشكه‌كێ ڤه‌  د ته‌زن و ژ خوینێ ڤالا دبن هه‌روه‌كی د په‌نج كری دهێن، ب دورستاهی وه‌كی تبلێن مرییان، ناڤهاتى زێده‌تر روهنكر  و دیاركر كو ئه‌ڤ دیارده‌یه‌ ب دورستاهی نه‌یا ئاشكرایه‌ و پتریا جاران ب ئه‌گه‌رێ ته‌زیاتیێ د زڤستانێ دا یان ژی ئاڤا گه‌له‌ك ته‌زی یا حه‌نه‌فیێ یان ژی ده‌مێ پله‌یێن گه‌رمیێ دگه‌هنه‌ دبن سفرێ دا  په‌یدا دبت.

ته‌زیاتی دبته‌ ئه‌گه‌رێ دائێخستنا مولولێن خوینێ یێن تبلان  –د كێم حاله‌تان دا تبلێن پییان ب خوه‌ڤه‌ دگرت–  و پاشى راوه‌ستیانا هه‌ركینا خوینێ و پشتى په‌یدابینا ئێشێ د مولولێن خوینێ دا كو بۆ چه‌ند خوله‌كان ڤه‌دكێشت و هنده‌ك جاران دبت ب ده‌مژمێران ڤه‌كێشت.

‫ل ده‌سپێكێ تبل د ته‌زینه‌ و وه‌كی نیڤ په‌نجه‌كێ یان ژی په‌نجه‌كا ب دورستاهی دگرن و ل ده‌مێ خوین بۆ ڤه‌دگه‌رت ڤه‌ كه‌سێ تووشبووی هه‌ست ب خوه‌ریانێ و سوتنێ و ئێشانێ دكت.

دگه‌ل ته‌زیاتیێ ئه‌گه‌رێن ڤێ دیارده‌یێ ڤه‌دگه‌رن بۆ نه‌رحه‌تییا مێشكێ و ده‌ماران و هنده‌ك جورێن ده‌رمانان و كێمبینا فشارا خوینێ.

تایبه‌تمه‌ندێ ئه‌لمانی دیاركر كو گه‌رمییا تهێنشیر باشترین چه‌كه‌ ل دژى دیارده‌یا رینود  و بۆ ڤێ چه‌ندێ باشترین تشت تو بكی ئه‌وه‌ تو ده‌ستگوركان بكیه‌ به‌رخوه.

‫و ل ده‌مێ ده‌ستشویشتنێ یان ژی ده‌ستنڤێژگرتنێ ئاڤا تهێنشیر بكاربینه‌  ، به‌لێ هشیار به‌ بلا ئاڤ نه‌ یا گه‌له‌ك گه‌رم بت داكو خوه‌ ژ سوتنێ ب پارێزی، چونكی تبلێن ڤالا ژ خوینێ شیانێن خوه‌لبه‌ر گرتنا گه‌رمییا زێده‌ نینن ، هه‌روه‌كی تبلێن تژى خوین ئه‌و شیانه‌ ب شێوه‌یه‌كێ رێژه‌یی هه‌ین.

Check Also

مفايێن ساخله‌مى يێن كتكێن هێژيران:

مفايێن ساخله‌مى يێن كتكێن هێژيران: مالپه‌رێ خابیر / زاخۆ 1-    هاریكارییا كوئه‌ندامێ به‌رگریێ دكت لسه‌ر …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *