مالپه‌رێ خابير مالپه‌ره‌كێ سه‌ربه‌خو یێ هه‌مه‌ره‌نگه
Related Articles
دوو هاككه‌ر 60 هزار دولاران ب ده‌ستڤه‌دئینن.
مالپه‌رێ خابیر / زاخۆ
كێبركییا هاككرنا سالانه (Pwn2Own) خه‌لاتكرنا دوو ڤه‌كوله‌رێن ئێمناهیێ وه‌ك باشترین هاككه‌رێن سالێ ب خوه‌ڤه دیت، پشتی ب پێشكێشكرن و تاقیكرنا چه‌ندین پرۆسه‌یێن هاككرنێ رابین، و دناڤ وان دا هێرشكرنا ئامیره‌یێ هاریكارییا ناڤمالێ ژ ئه‌مه‌زون ئیكو.
ئه‌مات كاما و رێچارد چو كو تیما “فلورواسیته‌یت” پێكدئینن دیارییه‌كا ب مه‌بله‌غێ شێست هزار دولاری د چارچوڤێ پرۆگرامێ خه‌لاتكرنا درزان دا ب ده‌ستڤه‌ئینان، پشتی شیایین درزه‌ك د ڤێرژنێ نوی یێ ئامیره‌یێ ئیكو دا بكارئیناین، كو ئامیره‌یه‌كێ هاریكاره بۆ مالێ و كامیره یێ تێدا هه‌یی.
برایان جورنك رێڤه‌به‌ر ل ده‌ستپێشخه‌رییا “زیرو ده‌ی” گوت: ڤه‌كوله‌ران دیتن كو ئامیره ڤێرژنه‌كێ كه‌ڤن ژ كرومیوم بكاردئێنت كو لێگه‌ره‌كێ ژێده‌ر ڤه‌كرییه ژ گوگلی، و تێدا درزه‌كێ ده‌ستویری ب وان دا كونترولا ب تمامی لسه‌ر ئامیره‌یی بكن هه‌ر ده‌مێ په‌یوه‌ندیێ ب وایفایی بكت.
و پشتی په‌یوه‌ندی لگه‌ل ئه‌مه‌زون هاتینه كرن، گوتن “ئه‌م یێ دویڤچوونێ بۆ بابه‌تی دكن، و پێنگاڤێن گونجایی گرینه‌به‌ر بۆ پاراستنا ئامیره‌یێن مه ل دویڤ دویڤچوونا مه”، به‌لێ دیارنه‌كرن كا چ رێنمایان گرن به‌ر بۆ چاره‌سه‌ركرنا ڤێ درزێ و كه‌نگی.
