سەرەتا / به‌شێن مالپه‌ری / زانست و تەکنولوژیا / مزگه‌فته‌كا غازێ به‌رهه‌م دئینت و ئاڤێ نوی دكت ل ئه‌ندونیسیا دهێته‌ ڤه‌كرن

مزگه‌فته‌كا غازێ به‌رهه‌م دئینت و ئاڤێ نوی دكت ل ئه‌ندونیسیا دهێته‌ ڤه‌كرن

مزگه‌فته‌كا غازێ به‌رهه‌م دئینت و ئاڤێ نوی دكت ل ئه‌ندونیسیا دهێته‌ ڤه‌كرن
مالپه‌رێ خابیر / زاخۆ
مزگه‌فتا “الذكرى” ل گزیرتا جاوه‌ یا ئه‌ندونیسی نمونه‌یه‌كا دیار یا مزگه‌فتێن هه‌ڤالێن ژینگه‌هێ یه‌ و ئارمانج ژێ پێگه‌هاندنا جڤاكی یه‌ لسه‌ر گرنگییا ئابوریكرنێ د ژێده‌رێن سرۆشتی دا و پاراستنا ژینگه‌هێ دا.
مزگه‌فتا د كه‌فته‌ باژێرێ بوغور ل ده‌ڤه‌را سێنتول دچارچوڤه‌یێ پرۆژه‌یه‌كێ مه‌زنتر یێ ئاڤاكرنا مزگه‌فتێن وه‌كی وێ لسه‌رانسه‌ری وه‌لاتی، ل ژێر چاڤدێرییا جڤاتا زانایێن ئه‌ندونیسی دایه‌ ب پشتگیرییا حكومه‌تا جاكارتا.
مزگه‌فتا ل سالا 2016 هاتیه‌ ئاڤاكرن ئاڤێ و به‌رمایكان دووباره‌ نوی دكت و بكاردئینت، ل ده‌وروبه‌رێن وێ كه‌سكاتییه‌كا به‌رفره‌هـ هه‌یه‌، و سیسته‌مێ پاقژكرتا ئاڤا بارانێ بكاردئینت داكو بۆ ده‌ستنڤێژ و لێنانا خارنێ و مه‌ره‌مێن دی بهێته‌ بكارئینان، زێده‌باری سیسته‌مه‌كێ دی یێ به‌رهه‌مئینانا غازێ ژ به‌رمایكێن ئه‌ندامی.
سه‌رۆكێ وه‌قفا مزگه‌فتێ “خه‌تیب خه‌لیل”ـی گوت مزگه‌فت دهێته‌ هژمارتن هه‌ڤال بۆ ژینگه‌هێ و هه‌می رێسا و بنه‌مایێن پاراستنا ژینگه‌هێ بجهدئینت، و ل وه‌رزێ باران بارینێ نێزیكی 41 هزار لێترێن ئاڤێ به‌رهه‌م دئینت.
و ئه‌و چه‌نده‌ ژی رۆهنكر كو هه‌تا نوكه‌ 26 مزگه‌فتێن ب ڤی شێوه‌یی ل سه‌ر ئاستێ ئه‌ندونیسیا هه‌نه‌، و سه‌رپه‌رشتێن وان لبه‌ره‌ لسه‌ر 850 مزگه‌فتێن دی بجهـ بینن.

Check Also

پيسبينا رۆناهيێ چيه‌؟ و دێ چاوا زانى جهێ تو لێ يێ پيسه‌:

پيسبينا رۆناهيێ چيه‌؟ و دێ چاوا زانى جهێ تو لێ يێ پيسه‌: مالپه‌رێ خابیر / …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *