سەرەتا / به‌شێن مالپه‌ری / زانست و تەکنولوژیا / تیك توكی سه‌ر ژ ئێنستگرامی و فه‌یسبوكی ستاند

تیك توكی سه‌ر ژ ئێنستگرامی و فه‌یسبوكی ستاند

تیك توكی سه‌ر ژ ئێنستگرامی و فه‌یسبوكی ستاند
مالپه‌رێ خابیر/ زاخۆ
ئه‌پلیكه‌یشنێ ڤیدیویێن كورت “تیك توك” د سالا 2019 دا ژماره‌یێن مه‌زن توماركرن، و ژماره‌یا داونلودێن وێ گه‌هشته‌ پتر ژ 1.5 ملیار جاران د بازارێن ئه‌پل و گوگلی دا، هه‌روه‌كی مالپه‌رێ ئاماری “سینسور تاوه‌ر” ئاشكراكری.
ئه‌پلیكه‌یشنێ چینی دویر ژ جورێ یارییان ژ لایێ داونلودانڤه‌ شیا بهێته‌ پێشییا ئێنستگرامی و فه‌یسبوكی، و نه‌شیا پشتا ئه‌پلیكه‌یشنێن واتس ئاپ و مێسێنجه‌ری ل ئه‌ردێ بدت، و د ل رێزا سیێ هات.
راپورتێ سه‌ركه‌فتنا تیك توكێ بۆ پێنگاڤا مه‌زن یا ژماره‌یا بكارهێنه‌رێن وێ ل هندێ ڤه‌گه‌راند، كو 31% ژ بكارهێنه‌رێن تیك توكێ ل سه‌رانسه‌ری جیهانێ پێكدئینن، و ل دویڤ دا چین دئێت ب 11.5% و ل ئه‌مریكا ب 8.2%.
ژیێ تیك توكێ بتنێ سێ سالن، و د چارێكا سیێ ژ سالا 2019 پتر ژ 176 ملیون جاران د بازارێن “گوگل پله‌یی” و “ئه‌پ ستور” دا هاتیه‌ داونلودكرن، و ئه‌ڤ چه‌نده‌ ژبلی ژماره‌یا جارێن د بازارێن دی یێن ئه‌پلیكه‌یشنان دا هاتیه‌ داونلودكرن.
تیك توك مه‌ترسییه‌كا مه‌زن لسه‌ر فه‌یسبوكی په‌یدادكت، كو به‌لاڤبینه‌كا مه‌زن دناڤ چینا سنێله‌یان دا ب خوه‌ڤه‌ دبینت، كو هه‌مان چینه‌ یا فه‌یسبوك ب شێوه‌یه‌كێ مه‌زن دكت ئامانج، هه‌روه‌سا ئه‌پلیكه‌یشنێ ئێكانه‌یه‌ یێ نه‌ بسه‌ر فه‌یسبوكی ڤه‌ د گروپێ 5 ـێن مه‌زن دا كو (واتس ئاپ، مێسێنجه‌ر، تێك توك، ئێنستگرام و فه‌یسبوك)ـى ب خوه‌ڤه‌ دگرت.

Check Also

پيسبينا رۆناهيێ چيه‌؟ و دێ چاوا زانى جهێ تو لێ يێ پيسه‌:

پيسبينا رۆناهيێ چيه‌؟ و دێ چاوا زانى جهێ تو لێ يێ پيسه‌: مالپه‌رێ خابیر / …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *