سەرەتا / به‌شێن مالپه‌ری / هه‌مه‌ره‌نگ / نوژداره‌ك میزا نه‌خوه‌شه‌كێ دمێژت

نوژداره‌ك میزا نه‌خوه‌شه‌كێ دمێژت

نوژداره‌ك میزا نه‌خوه‌شه‌كێ دمێژت
مالپه‌رێ خابیر / زاخۆ
حاله‌ته‌كێ هه‌واركی ب نه‌خوه‌شییه‌كا سه‌یر و ژ نشكه‌كێڤه‌ رویدا، كو بی گه‌فه‌كا مه‌زن لسه‌ر ژیانا وی، ده‌مێ نه‌فه‌ره‌كێ فرۆكه‌یه‌كا چینی یا به‌ره‌ڤ نیویورك دچت تووشی ته‌نگاڤیێ بی د میزتنێ دا، كو مه‌سانا وی ب ئێكجاری هاتبی دائێخستن و ژ ئێشانێ نالا و نێزیكی بی مه‌سانا وی ل بلنداهییا هزاره‌ها مه‌تران ب په‌قت.
كاپتنێ فرۆكه‌یێ ب رێكا بلندگوهێ داخازا هه‌وارهاتنێ كر ئه‌گه‌ر نوژداره‌ك دناڤ نه‌فه‌ران دا هه‌بت، پێشوازیكه‌رێن فرۆكه‌یێ ژی ب هه‌واركی به‌زین داكو لێبگه‌رن، كو ژ هه‌بینا شانسێ نه‌خوه‌شی دوو نوژدارێن نه‌شته‌رگه‌ر د مولوله‌یێن خوینێ دا هه‌بین، له‌وا هه‌ر دوو بله‌ز به‌ره‌ڤ چوون، و نوژدارێ ب ناڤێ “زانگ هونگ” بورییه‌كا پلاستیكی یا بتلێ ئوكسجینێ كره‌ د مه‌سانا نه‌خوه‌شێ 70 سالی دا، به‌لێ ب ئه‌گه‌رێ نه‌بینا فشارێ میز نه‌ده‌ركه‌ت، له‌وا نوژداری بۆ ده‌مێ 37 خوله‌كان ب ده‌ڤی میزا نه‌خوه‌شی مێژا و د ئاڤێته‌ دئامانه‌كێ دا، نێزیكی لێتره‌كا میزا ئاسێ مایی ژ مه‌سانا نه‌خوه‌شی هاته‌ ده‌رئێخستن، كو ئاژانسێن راگه‌هاندنێ ب سه‌یرترین رویدانا مرۆڤایه‌تی دناڤ پرۆسه‌یێن رزگاركرنا ئه‌سمانی دا پێناسه‌كرن.
پشتی فرۆكه‌ گه‌هشتییه‌ فرۆكخانه‌یا جون كینیدی ل ئه‌مریكا، پێرابوویێن پێدڤی بۆ نه‌خوه‌شی هاتنه‌ ئه‌نجامدان، و نوژداری د ڤی ده‌رباره‌یی دا گوت “ب راستی مه‌ چ چاره‌سه‌ریێن دی د وی ده‌می دا نه‌بین، بتنێ من دڤیا هاریكارییا وی بكم د ده‌ردانا میزا وی دا، و رزگاركرنا مرۆڤان كارێ فه‌ر یێ سه‌ره‌كی یێ نوژداری یى”.

Check Also

حه‌فت پێزانینێن سه‌یر ده‌رباره‌یی نڤستنێ:

حه‌فت پێزانینێن سه‌یر ده‌رباره‌یی نڤستنێ: مالپه‌رێ خابیر / زاخۆ دگه‌ل ڤان پێزانینان چه‌ندین پێزانینێن ته‌ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *