سەرەتا / به‌شێن مالپه‌ری / نوچه‌ / وه‌زیرێ دارایى یێ عێراقێ : پڕۆژه‌یاسایا بودجه‌یا گشتی ل حه‌فتیا داهاتی دێ هێته‌ ئاماده‌كرن

وه‌زیرێ دارایى یێ عێراقێ : پڕۆژه‌یاسایا بودجه‌یا گشتی ل حه‌فتیا داهاتی دێ هێته‌ ئاماده‌كرن

مالپه‌رێ خابیر / زاخۆ

فواد حوسێنى وه‌زیرێ دارایى یێ عێراقێ ئاشكراكر ، ل حه‌فتیا داهاتی پڕۆژه‌یاسایا بودجه‌یا عێراقی دێ هێته‌ ئاماده‌كرن  ، پشتی وێ یه‌كێ هه‌ولێر و به‌غداد لسه‌ر دۆسیا نه‌فتێ گه‌هشتینه‌ رێككه‌فتنێ .

د كۆنگره‌یه‌كێ رۆژنامه‌ڤانیدا ، وه‌زیرێ دارایى یێ عێراقێ راگه‌هاند :” د ده‌مێ حه‌فتیا داهاتیدا ژ ئاماده‌كرنا پڕۆژه‌یاسایا بودجه‌یێ دێ ته‌مام بین ، پشتی وێ یه‌كێ هه‌ولێر و به‌غداد لسه‌ر راده‌ستكرنا 250 هزار به‌رمیلێن نه‌فتا رۆژانه‌ رێككه‌فتین ” .

دوهی دوو شه‌مبی حكومه‌تا هه‌رێما كوردستانێ و به‌غداد ، لسه‌ر دۆسیا بودجه‌یا گشتى یا عێراقێ بۆ ساڵا 2020ێ گه‌هشتینه‌ رێككه‌فتنێ ، لگوری رێككه‌فتنێ ژی حكومه‌تا هه‌رێمێ رۆژانه‌ دێ داهاتێ 250 هزار به‌رمیلێن نه‌فتێ راده‌ستى حكومه‌تا ئیتحادى كه‌ت و ئه‌و ژی ژئالیێ خۆڤه‌ دێ بودجه‌یا هه‌رێما كوردستانێ هنێریت .

هه‌ر دڤی چوارچووڤه‌یدا سامڕ غه‌زبانى وه‌زیرێ نه‌فتا عێراقێ ژی د كۆنگره‌یه‌كێ رۆژنامه‌ڤانیدا راگه‌هاند :” كۆمبوونه‌كا به‌رفره‌هـ دناڤبه‌را شاندێ هه‌رێما كوردستانێ و حكومه‌تا ئیتحادى بڕێڤه‌چوو.. هه‌ولێر ژی ل ده‌ستپێكا ساڵا نوی دێ 250 هزار به‌رمیلێن نه‌فتێ راده‌ستى به‌غدادێ كه‌ت ” .

دەربارە ف.ع

Check Also

ره‌وتێ سه‌در ته‌ڤایا ده‌زگه‌هێن خۆ ل عێراقێ دائێخستن

مالپه‌رێ خابیر / زاخۆ ره‌وتا سه‌در بریاردا ته‌ڤایا ده‌زگه‌هێن سه‌ر ب  وێ ره‌وتێ ل به‌غدا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *