مالپه‌رێ خابير مالپه‌ره‌كێ سه‌ربه‌خو یێ هه‌مه‌ره‌نگه
Related Articles
ڤه‌كولین: قورئانا پیرۆز دناڤ په‌رتوكێن ئه‌سمانی دا كێمترین به‌حسێ توندوتیژیێ يێ كری
مالپه‌رێ خابیر / زاخۆ
گوڤارا “ئێندیپێندێنت” یا بریتانی به‌لاڤكر كو كێمترین به‌حسێ توندوتیژیێ یێ د قورئانا پیرۆز دا هاتى ب هه‌ڤبه‌ركرنا وێ دگه‌ل په‌رتوكێن دی یێ، ئه‌سمانی ، و تێكستێن ئنجیلێ پتر به‌حس و بانگه‌وازیێ بۆ توندوتیژیێ دكن و ته‌ورات ژی په‌رتوكا جوهییان ل رێز ئێكێ هات بۆ به‌حسكرن و داخازكرنا ئه‌نجامدانا توندوتیژیێ و ئه‌ڤ چه‌نده ل دویڤ ئه‌نجامێن ڤه‌كولینه‌كا ژ لایێ ئه‌ندازیاره‌كێ پرۆگرامساز ڤه هاتیه ئه‌نجامدان.
ئاماژه ب وێ چه‌ندێ ژی هاته كرن كو ڤه‌كوله‌ره‌كێ رۆژئاڤایی ب ئه‌نجامدانا ڤه‌كولینه‌كێ لسه‌ر هه‌ر سێ په‌رتوكێن ئه‌سمانی – قورئان، ئنجیل و ته‌ورات – رابی داكو بزانت قورئان ژ هه‌مییان ب توندوتیژ تر، به‌لێ ئه‌وی دیت كو په‌یڤێن “القتل” و”التدمیر” پتر د په‌رتوكێن فلله‌هـ و جوهییان دا یێن هاتین.
ئه‌ندازیارێ پرۆگرامساز “توم ئه‌ندرسون” گه‌هشته ڤان ئه‌نجامان پشتى ڤه‌كولینه‌ا ب تێروته‌سه‌ل لسه‌ر هه‌ر سێ په‌رتوكێ، ئه‌سمانی ئه‌نجامدایی وب هه‌ڤبه‌ركرنا هه‌رسێیان دیار بی كو قورئانێ ژ ئنجیل و ته‌وراتێ كێمتر په‌یڤێن توندوتیژ یێن بكارئیناین.
ناڤهاتى لسه‌ر بلوگێ خوه یێ به‌لاڤكر كو ب ئه‌گه‌رێ ڤێ بگروڤه‌كێشا د جیهانێ دا دهێته رویدان ئه‌ڤ هزره بۆ وی په‌یدابی، ئه‌رێ راسته ئه‌ڤ تیرورا نوكه ل جیهانێ هه‌یی وێنه‌دانه‌وه‌یه بۆ ئاینێ ئیسلامێ یان ژی نه‌خێر.
ئه‌ندرسونی د ڤه‌كولینه‌كا خوه دا پرۆگرامه‌كێ تایبه‌ت ب ناڤێ(Odin Text) كو وی ب خوه پێشئێخستبی بكارئینا بۆ شلوڤه‌كرنا تێكستێن هه‌ر سێ په‌رتوكان یێن سوزا كه‌ڤن ژ ته‌وراتێ و سوزا نوی ژ ئنجیلێ و هه‌ڤبه‌ركرنا وان دگه‌ل قورئانا پیرۆز كوپییا سالا 1957 یا كو په‌یڤێن ئینگلێزی.
و په‌یڤێن توندوتیژیێ لسه‌ر هه‌شت هه‌ستان دابه‌شكر و ئه‌و ژی (الفرح والترقب والغضب والاشمئزاز والحزن والدهشة والخوف والقلق والثقة) و پشتى شلوڤه‌كرنێ دیار بی كو ئنجیل و ته‌ورات ژ چه‌ند جاران ژ قورئانێ پتر په‌یڤێن توندوتیژیێ یێن بكارئیناین وه‌كی “الغچب ،الخوف “.
هه‌روه‌سا ڤه‌كولینێ دیاركر كو په‌رتوكێن فلله‌هـ و جوهییان چه‌دین جاران پتر ژ قورئانا پیرۆز هه‌ر دوو په‌یڤێن”القتل” يان “التدمير” یێن بكارئیناین.
ڤه‌كوله‌رێ ل دویماهیێ دیاركر كو ” من دڤێت روهن بكم كو من په‌سه‌ند یان دووپات نه‌كر كو ئیسلام ژ ئاینێن دی توندوتیژ تره، به‌لكی په‌رتوكێن دی یێن ئه‌سمانی پتر هاندان بۆ توندوتیژیێ یێن كرین”.
