مالپه‌رێ خابير مالپه‌ره‌كێ سه‌ربه‌خو یێ هه‌مه‌ره‌نگه
Related Articles
ڤه‌كولین: رۆژی ناهێلت دل پیر ببت
مالپه‌رێ خابیر / زاخۆ
گوڤارا “مێدیكال ئێكسپرێس” ژ ده‌سته‌یا دلی یا ئه‌مریكی گوتنا وان ڤه‌گوهاست كو رۆژیگرتن ب شێوه‌یه‌كێ رێكخستی مه‌ترسیێن ژكاركه‌تنا دلی كێم دكت و ژیێ مرۆڤی درێژ دكت.
ده‌سته‌یا ئه‌مریكی تاقیكرن دوو هزار خوه‌به‌خشان كر كو تووشی نه‌شته‌رگه‌رییا قه‌سته‌رێ یا نه‌چاری ببین، و 389 كه‌س ژ وان ب شێوه‌یه‌كێ رێكخستی رۆژی دگرتن، كو پشكدارێن تاقیكرنێ بۆ ده‌مێ چار سال و نیڤان ل بن چاڤدێرییا نوژدارێن تایبه‌تمه‌ند دا بین، و د ئه‌نجامان دا دیار بی كو ژماره‌یا مرییان دناڤ گرۆپێ رۆژیگران دا ب رێژه‌یا 45% كێمتر بی ژ وان یێن رۆژی ب ئێكجاری نه‌دگرتن.
هه‌روه‌سا ئامارێن لێدانێن دلی (نوبات القلبیة) دیاركرن كو ئه‌و كه‌سێن رۆژیێ ب رێژه‌یه‌كێ رێكخستی دگرن ب رێژه‌یا 71% كێمتر دبه‌رهه‌ڤن تووشی لێدانێن دلی ببن.
زانایان لسه‌ر ئه‌نجامێن ڤه‌كولینێ دیاركرن كو تووشی شوكه‌كا مه‌زن بین، كو ئه‌گه‌ر هه‌یڤانه بتنێ د ئێك رۆژ دا رۆژی بهێته گرتن، دێ هنده‌ك ئه‌ندام و رێكێن د بارودوخێن ئاسایی دا نه‌هاتینه چالاككرن هێنه چالاككرن و كارپێهێته كرن.
