سەرەتا / به‌شێن مالپه‌ری / نوچه‌ / سەقاناسی: پێلەکا دی یا بەفربارینێ دێ هەرێما کوردستانێ ڤەگریت

سەقاناسی: پێلەکا دی یا بەفربارینێ دێ هەرێما کوردستانێ ڤەگریت

سەقاناسیا هەریمێ ڕاگەهاند، ئەڤشەڤە دێ پێلەکا دی یا بەفربارینێ هەرێما کوردستانی ڤەگریت، دەستپێکێ ژی بەفر بارین دێ ل دەڤەرێن چیایێن سنوری یێن باکورێ ڕۆژئاڤایێ هەرێمێ دەستپێکەت.

ئەڤرۆ چارشەمبێ ١٢ێ سباتا ٢٠٢٠ێ، رێڤەبەریا گشتی یا سەقاناسی و عەردهەژا هەرێما کوردستانێ پێشبینیێن سەقای بەلاڤکرن و ڕاگەهاند، ئەڤرۆ دێ ئەسمان ساهی و کێم عەڤر بیت و ل هندەک دەڤەران نیڤ عەور دبیت، بەفر دێ ل دەڤەرێن چیایی و سەنتەرێ باژێران باریت،سۆبەهی ژی ئەسمان دێ عەڤر بیت و بەفریش دێ ل تەڤایا سەنتەرێن باژێڕان باریت، درەنگێ شەڤێ ژی دێ باندۆریا وێ کێم بیت.

ئاماژە ب وێ یەکێ ژی هاتیەکرن، ل ئێڤاریا ڕۆژا پێنجشەبێ باندۆریا ڤێ پێلێ تنێ دێ لسەر دەڤەرێن بلندێن چیایان مینیت و ل شەڤا پێنجشەمبێ ژی دێ باندۆریا وێ ب تەمامی لاوازبیت،ل دەما بەفربارین ژی دێ مەودایا بینینێ کێم بیت.

بەحسا وێ یەکێ ژی هاتیەکرن، ئاستێ بەفربارینا پێشبینی کری بۆ سەنتەرێ باژێران دێ ب ڤی ئاوای بیت، هەولێر ١٠-٥سم، سلێمانى ٦-١٢سم،  دهۆک ٢٠-٣٠ سم ، هەلەبجە ٧-١٥ سم و کەرکووک ژی ٢-٥ سم دەبیت.

ئەڤەژی د دەمەکێ دایە، لگۆڕەی پێشبینیێن سەقاناسیا هەرێمێ، ئەڤرۆ و سوبەهی بەفر دێ ل دەڤەرێن چیای و سەنتەرێ باژێران باریت و باندۆریا وێ ژی هەیا سوبەهی شەڤێ دێ بەردەوام بیت.

دەربارە ف.ع

Check Also

وێنه‌یێ سێ دووری .. پێنگاڤه‌ك بۆ به‌رهه‌مئینانا ده‌رمانه‌كی بۆ ڤایرۆسێ كۆڕۆنا دهێته‌ به‌ڵاڤكرن

مالپه‌رێ خابیر / زاخۆ زانایێن ئه‌مریكا وێنه‌یی سێ دوورى (3D) جینى یا ڤایرۆسێ كۆڕۆنا ل …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *