سەرەتا / به‌شێن مالپه‌ری / نوچه‌ / فراكسیۆنا یه‌كگرتوو: ده‌سته‌و تاقمه‌كێ مافیایی و پیسخۆر رێكێ ل بازرگانیا خه‌لكی دگرن

فراكسیۆنا یه‌كگرتوو: ده‌سته‌و تاقمه‌كێ مافیایی و پیسخۆر رێكێ ل بازرگانیا خه‌لكی دگرن

مالپه‌رێ خابیر / زاخۆ

سه‌رۆكێ فراكسیۆنا یه‌كگرتوو رادگه‌هینیت: ده‌سته‌ و تاقمه‌كێ مافیایی و پیسخۆر دروستبووینه‌ كو  ب ده‌ستهه‌لاتن و هێز ژی ل پشته‌، ئه‌و رێكێ ل بازرگانیا خه‌لكی دگرن، هؤشداریێ دده‌ت و رادگه‌هینیت: به‌رده‌وامبوونا ئه‌ڤێ به‌ره‌ڤ مه‌ترسیێ دچیت، هه‌تا دگه‌هیته‌ ئاستێ ری ب ریبوونێ.

د.شێركۆ جه‌وده‌ت سه‌رۆكێ فراكسیۆنا یه‌كگرتوو ل په‌رله‌مانێ كوردستانێ د كڤانێ به‌رنامه‌یێ لدویڤچوونێ كه‌ناڵێ سپێده‌ دا راگه‌هاند: مشه‌ختبوونا گه‌نجان كاردانه‌كێ واقعییه‌ هه‌مبه‌ر ئه‌وێ ده‌ستهه‌لاتا نه‌شیایی نان و ژیار و ئومێده‌كێ بهێڵیت لده‌ڤ گه‌نجان، گه‌نجه‌كی هه‌می رێكێن مه‌ترسیدار بگریته‌به‌ر و ئاماده‌ نینه‌ د ڤێ وه‌لاتێدا خۆ بمینیت ئەڤه‌ پەوپەڕێ نه‌ئومێدییه‌ هه‌مبه‌ر ده‌ستهه‌لاتداران.

ئاماژه‌ ب وێ یه‌كێ ژی كر: هه‌رێما كوردستانێ خودایێ مه‌زن هنده‌ نیعمه‌ت و ژێده‌رێن زیندی بوون و گه‌شه‌كرنێ پێ به‌خشینه‌، ئه‌وێن كو ئنیه‌تا ئیداره‌یا دروست و حه‌كیم و نه‌بوونا سه‌ركردایه‌تیا دڵسۆز و ده‌ستپاك و ئه‌مینه‌.

د.شێركۆ جه‌وده‌ت گوت ژی: ئه‌وا نها روودده‌ت ده‌سته‌و تاقمه‌كێ مافیایی و پیسخۆر دروستبووینه‌ كو  ب ده‌ستهه‌لاتن و هێز ژی ل پشته‌، ئه‌و رێكێ ل بازرگانیا خه‌لكی دگرن،  و داخوازا پشكێ ژ سه‌رمایه‌گوزاریێن خه‌لكی دكه‌ن، ده‌رئه‌نجام ئه‌وانه‌ وه‌كو وه‌ره‌مه‌كێ لێهاتینه‌ دناڤ له‌شێ هه‌رێما كوردستانێ.

ئه‌و یه‌ك ژی گوت: قۆرخكرنا ئابوورى و بازاڕ و كۆمپانیان وه‌كرییه‌ ، ئه‌وێ بهێت نه‌بیت ده‌لیڤه‌یێن كاری و بزنسێ ب ده‌ست ناكه‌ڤیت و بكه‌ڤیته‌ بن ژ ڕكابه‌ریاندا ژبه‌ر ڤێ یه‌كی ئه‌و خۆدان ده‌ستهه‌لاته‌ د ماوه‌یه‌كێ كێمدا لسه‌ر حسابا خه‌لكێ هه‌ژار دبنه‌ ملیۆنێر.

سه‌رۆكێ فراكسیۆنا یه‌كگرتوو ئه‌و یه‌ك ژی گوت: بۆ نموونه‌ ل كۆمپانیێن نه‌فتی چ كه‌سه‌ك بیی ته‌زكیا ئاسایشێ هه‌ردوو زۆن وه‌رناگریت، ئه‌ڤێ وه‌كرییه‌ نه‌ك خه‌لكێ ئاسایی به‌ڵكو كه‌سانێن پسپۆڕو شاره‌زایان ئه‌و ده‌لیڤه‌یه‌ ب دادپه‌روه‌رانه‌ ده‌ست نه‌كه‌ڤیت، به‌رده‌وامبوونا ئه‌ڤێ به‌ره‌ڤ مه‌ترسیێ دبه‌ت، هه‌تا دگه‌هیته‌ ئاستێ ری ب ریبوونێ، چونكی ده‌مێ تاك برسى و نه‌ئومێد بوون یان ئه‌وه‌ مشه‌خت بن یان ری ب ری بن و خۆنیشاندانان ئه‌نجام بده‌ت كو ره‌نگه‌ توندوتیژى ژێ په‌یدابیت بۆ به‌ده‌ستڤه‌ئینانا مافێ خۆ.

د داویێ دا ئه‌و ژی ئێخستییه‌ به‌رچاڤ: ئه‌م نها ئۆپۆزسیۆنین مه‌ هه‌می رێكارێن پێدڤی گرتینه‌به‌ر بۆ فشارا سه‌ر ده‌ستهه‌ڵاتداران، بۆ په‌یداكرنا ده‌لیڤه‌یێن كار و دامه‌زراندنا ده‌رچوویێن زانكۆ و په‌یمانگه‌هان،ئه‌ڤه‌ ئه‌گه‌ر ئه‌م د ده‌ستهه‌ڵاتێدا باینه‌ مه‌ دزانی چه‌وا چاكسازی دهێته‌كرن ، كو ژ زیندیكرنا به‌هاو قیه‌مان ده‌ستپێدكه‌ڤن، هه‌تا دگه‌هیته‌ په‌یداكرنا پرۆژه‌یێن بچووك و په‌یداكرنا ده‌لیڤه‌یێن كاری یێ یه‌كسان هه‌تا هه‌می بشێن ب دادپه‌روه‌رى كار ده‌ست بكه‌ڤیت.

دەربارە ف.ع

Check Also

ڤەکۆلینەکێ بهێزترین نیشانێن کۆرۆنایێ ئاشکراکرن

پسپۆرێن بیاڤێ نۆژداری ل لەندەن ڕاگەهاندنە، ژ دەستدانا هەستێ تامکرن و بهێنکرنێ ، بهێزترین ئەو …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *