سەرەتا / به‌شێن مالپه‌ری / ڤه‌كولین / ڤه‌كولین: كورونا حه‌ز ژ ڤی جورێ خوینێ دكت

ڤه‌كولین: كورونا حه‌ز ژ ڤی جورێ خوینێ دكت

ڤه‌كولین: كورونا حه‌ز ژ ڤی جورێ خوینێ دكت
مالپه‌رێ خابیر / زاخۆ
ڤه‌كوله‌ران ل چینێ دیاركرن كو جورێ خوینێ ژی روله‌كێ د تووشبینا خودانێ خوه‌ ب كورونایێ دا دگێرت.
ڤه‌كولینا ل باژێرێ ووهان ل ناڤه‌راستا چینێ و لاندكا ئێكێ یا ڤایروسێ كوژه‌ك هاتیه‌ ئه‌نجامدان ئاشكراكر كو ئه‌و كه‌سێن خوینا وان ژ جورێ A پتر دبه‌رهه‌ڤن تووشی ڤایروسێ كورونایێ ببن، ب هه‌ڤبه‌ركرن لگه‌ل جورێن دی یێن خوینێ.
ڤه‌كوله‌رێن چینی گوتن خودانێن خوینا A پتر به‌رهه‌ڤن تووشی گیان ژده‌ستدانێ ببن ل ده‌مێ تووشبینا وان ب ڤایروسێ به‌رنیاس ب “كوڤید 19″، هه‌روه‌كی رۆژنامه‌یا “ده‌یلی مه‌یل” یا بریتانی به‌لاڤكری.
ب شێوه‌یه‌كێ گشتی خوینا O ل سه‌رانسه‌ری جیهانێ به‌لاڤترینه‌ كو 34% ژ خوینا مرۆڤان لسه‌ر ئه‌ردێ پێكدئینت، ل به‌رانبه‌ر دا خوینا A بتنێ 23% پێكدئینت، به‌لێ بۆ قوربانیێن كورونایێ ئه‌ڤ چه‌نده‌ یا جودا بی.
رێژه‌یا تووشبینا خودانێن خوینا ژ جورێ A ل ووهان 41% بی، ژ جورێ O كێمتر بی و 25% بی.
و هه‌مان رێژه‌ بۆ حاله‌تێن مرنێ ژی هه‌بین كو كو خودانێن خوینا A 41% ژ حاله‌تێن مرنێ پێكدئینان، و جورێ دی بتنێ 25% ژ سه‌رجه‌مێ حاله‌تێن مرنێ ب ڤایروسێ كورونا ل ووهان پێكدئینان، هه‌رچه‌نده‌ رێژه‌یا خودانێن خوینا O ل ووهان 32% ژ سه‌رجه‌مێ ئاكنجییان پێكدئینن.
ڤه‌كوله‌ران پشكنین بۆ 2173 تووشبوویێن كورونایێ كر، و دناڤ وان دا 206 حاله‌تێن مرنێ ب ڤایروسی، و داتایێن وان لگه‌ل 3694 كه‌سێن ساخله‌م ل باژێری هاتنه‌ هه‌ڤبه‌ركرن.
به‌لێ زانایان نه‌شیان شلوڤه‌یه‌كا زانستی یا ڤان رێژه‌یان پێشكێش بكن.

Check Also

ڤه‌كولین: هێلانا چگاره‌یان ب ئێك جارى باشتره‌ ژ هێلانا هێدی هێدی

ڤه‌كولینه‌كا نوی ئاشكراكر كو ئه‌و كه‌سێن ب ئێك جارێ ژ كێشانا چگاره‌یان رادوه‌ستن، د ده‌مێ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *