سەرەتا / به‌شێن مالپه‌ری / ساخلەمی / ب ڤان شیره‌تان كونترولا ترسا ژ كورونایێ بكه‌:

ب ڤان شیره‌تان كونترولا ترسا ژ كورونایێ بكه‌:

ده‌روونناسان گوتن مرۆڤ نه‌شێن خوه‌ لبه‌ر دوودلیێ و نه‌پشتراستیێ بگرن، و ب ڤێ چه‌ندێ و لگله‌ هاتنا ڤایروسێ نوی كوڤید 18 توشی ئاستێن مه‌زن یێن دوودلیێ دبین (قلق).
ده‌روونناسێ فره‌نسی “فرانسیس گودهارت” دیاركر كو له‌ش یێ هاتیه‌ به‌رهه‌ڤكرن بۆ ئه‌نجامدانا هه‌ر تشته‌كێ پێدڤی داكو بمینت ساخ، و كوئه‌ندامێ ده‌ماری ب به‌رده‌وامی هورمونێن دوودلیێ ده‌رددت، دناڤ وان دا ئه‌درینالین و كورتیزول، و هوسا هه‌ستا ب دوودلی و نه‌پشتراستیێ زێده‌دبت.
و دا ڤێ چه‌ندێ و وه‌ستیانا ژێ په‌یدادبت كێم بكه‌ی، پێگریێ ب ڤان شیره‌تان بكه‌:
– پێگریێ ب رۆتینا رۆژانه‌ یا خوه‌ بكه‌، وه‌كی ژخه‌ورابین و نڤستن و سه‌رشویشتن و لبه‌ركرنا جلكان و خارنێ.
– نوچه‌یێن تو ته‌ماشه‌ دكی، فیلته‌ر بكه‌ و نه‌هێله‌ ژ هه‌می ژێده‌ران و هه‌می ده‌مان نوچه‌ بۆ ته‌ بهێن.
– دویڤچوونا رێنمایێن شویشتنا ده‌ستان و كه‌ره‌نتینه‌كرن و خوه‌پاراستنێ دشێن دوودلیێ كێم بكن.
– خوه‌شیێ ب ده‌مێ خوه‌ ببه‌، و دمال دا خوه‌ فێری تشته‌كێ نوی بكه‌، وه‌كی موزیكێ، زمانه‌كێ نوی، به‌هره‌یه‌كا نوی یان زانسته‌كێ نوی ……هتد.
– گرنگیێ ب په‌یوه‌ندیێن جڤاكی بده‌ ب رێكا تورێن جڤاكی و سحبه‌تێن كه‌نی و یاری بكن.
– تێر بنڤه‌ و تێر بخوه‌.
– چالاكیێن له‌شی ئه‌نجام بده‌ و ب كێمی بلا رۆژانه‌ ته‌ 15 خوله‌كێن وه‌رزشێ د مال دا هه‌بن.
– یێ ئه‌رێنی به‌.
– ب كویری هه‌ناسه‌یێ بده‌ و بستینه‌.
– هه‌كه‌ ته‌ بڤێت جار جار بگری ژی.

Check Also

سه‌رئێشان ورۆژیگرتن.. هۆكارو خۆپاراستن:

د.عدنان العقراوي سه‌رئێشان ل ده‌مێ رۆژیگرتنێ په‌یدادبیت ژ ئه‌نجامێ: • كێمبوونا رێژا شه‌كرێ‌ دخوینێ دا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *