سەرەتا / به‌شێن مالپه‌ری / ھونەری / ب هاریكارییا كورونایێ كه‌ڤاله‌كێ ڤان گوخى دهێته‌ دزین

ب هاریكارییا كورونایێ كه‌ڤاله‌كێ ڤان گوخى دهێته‌ دزین

كه‌ڤاله‌كێ هونه‌رمه‌ندێ به‌رنیاس فنسنت ڤان گوخ ل سپێده‌هییا دووشه‌مبێ ژ موزه‌خانه‌یه‌كا هوله‌ندی یا دائێخستی ب ئه‌گه‌رێ كورونایێ هاته‌ دزین.
موزه‌خانا “سینگه‌ر لێرن” ل نێزیك ئه‌مستردام به‌لاڤكر كو كه‌ڤالێ “باخچێ بهارێ” یا هونه‌رمه‌ندێ هوله‌ندی ڤان گوخی د ده‌مژمێرێن ده‌سپێكێ ژ سپێده‌هییا دووشه‌مبێ 30 ئادارێ هاته‌ دزین.
ئاژانسێن راگه‌هاندنێ ل هوله‌ندی گوتن دزیكه‌ر د رێكا شویشه‌یی یا پێشیێ دا پشتی سێی سپێدێ به‌زاندن و ل كه‌ڤال ڤه‌ موزه‌خانه‌ ب جهـ هێلان.
موزه‌خانه‌ ل 12 ئادارێ لگه‌ل چه‌ندین موزه‌خانه‌یێن دی ل سه‌رانسه‌ری وه‌لاتی هاتنه‌ دائێخستن.
رێڤه‌به‌رێ موزه‌خانه‌یێ جان رودولف دی لورم، بۆ راگه‌هاندنێ دیاركر كو ب ئه‌گه‌رێ دزیێ “ئه‌و تووشی شوكه‌كا مه‌زن بی” و ئاماژه‌ ب وێ چه‌ندێ كر كو “گه‌له‌ك ب زه‌حمه‌ته‌، ب تایبه‌ت دڤی ده‌می دا”.
موزه‌خانا “سینگه‌ر لێرن” كه‌ڤالێ باخچێ بهارێ وه‌ك “اعاره‌” ژ موزه‌خانه‌یا “گرونینجه‌ر” وه‌رگرتبی، و رێڤه‌به‌رێ موزه‌خانا گرونینجه‌ر گوت “ڤێ دزیێ په‌یوه‌ندی یا ب مه‌ هه‌مییان هه‌ی”.
كه‌ڤالێ “باخچێ بهارێ” یا كو ژ لاییێ 1884 ژ لایێ كه‌ڤالكێشێ هوله‌ندی ل سالا 1884 ئاشكرا بی، كو باخچه‌یه‌ك ل نوینین وێنه‌كربی، كو د وی ده‌می دا ل وێرێ دژیا .
پولیسان ل سپێده‌هییا دویڤ دا ده‌ست ب لێكولینان كرن، ژبه‌ری ناسناما شاكارێ هونه‌ری یێ هاتیه‌ دزین بهێته‌ ئاشكراكرن.
و ب ئه‌گه‌رێ كورونایێ فه‌رمانبه‌رێن موزه‌خانه‌یێ كونگره‌یه‌كێ رۆژنامه‌ڤانی ب رێكا یوتیوبی گرێدان.

Check Also

ژڤانێ ئێكه‌م خه‌له‌كا كورێ ئه‌رتوغرولی عوسمانی هاته‌ دیاركرن

ژڤانێ ئێكه‌م خه‌له‌كا كورێ ئه‌رتوغرولی عوسمانی هاته‌ دیاركرن مالپه‌رێ خابیر / زاخۆ ریكلاما ئێكه‌م خه‌له‌كا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *