سەرەتا / به‌شێن مالپه‌ری / ساخلەمی / سیر و پرته‌قال و سپێناخ سیسته‌مه‌كێ خارنێ یێ ساخله‌م بۆ ژنێ پێكدئینن

سیر و پرته‌قال و سپێناخ سیسته‌مه‌كێ خارنێ یێ ساخله‌م بۆ ژنێ پێكدئینن

مالپه‌رێ ئه‌لكترونی یێ رۆژنامه‌یا “تایمز ئوف ئێندیا” یێ هندی روهنكر كو ژماره‌یه‌كا مه‌زن یا زارۆك و ژنان ژبه‌ر كێمییا ئاسنی و ڤیتامین “D” دنالن، و ئه‌ڤ چه‌نده‌ بۆ نه‌خارنا وان خارنێن ئه‌ڤ كه‌ره‌سته‌یێن پێدڤی دا ڤه‌دگه‌رت و ب تایبه‌ت ل ده‌مێ دووگیانیێ.

ل دویڤ وێ چه‌ندا دوكتور “ساندهیا گوگنانی” دیاركری كو گه‌له‌ك گرنگه‌ هه‌ڤسه‌نگییا خارنێ ل ده‌ڤ ژنان بهێته‌ پاراستن، چونكی ل ده‌مێ دووگیانیێ له‌شێ ژنێ د چه‌ندین گوهورینێن بایولوجی دا دبورت، له‌وما لسه‌ر وێ پێدڤیه‌ سیسته‌مێ خارنا رۆژانه‌ وه‌سا رێكبێخت بشێت كه‌ره‌سته‌ و كانزایێن پێدڤی بۆ له‌شی به‌رهه‌ڤ بكت.

و بۆ ڤێ چه‌ندێ دێ باشتر بت هه‌می ژن سیران بخون چونكی ڤیتامین “سی ، بی 60” و مه‌نگه‌نیز و سیلینیومێ بۆ له‌شی به‌رهه‌ڤ دكت و هاریكارییا نزمكرنا فشارا خوینێ یا بلند دكت و ئاستێ شه‌كرێ ژی دناڤ خوینێ دا دئینت خار و رێگریێ ل هنده‌ك جورێن په‌نجه‌شێرێ  دكت و پیربینا پێشده‌م پاشدئێخت.
و پرته‌قال ژی ژێده‌ره‌كێ زه‌نگینه‌ بۆ ڤیتامین “سی” و رێگریێ ل پیربینا پیستی و په‌نجه‌شێرێ دكت و زه‌نگینه‌ ب ئه‌لیافان ژی  و هاریكارییا كونترولكرنا نه‌خوه‌شییا شه‌كرێ دكت.
خارنا سیێ ژی سپێناخه‌ و چه‌دین جورێن ڤیتامین و كانزایان دناڤ خوه‌ دا هلدگرت ب تایبه‌ت ڤیتامین”ئه‌ی”.

Check Also

ب مفاترین وه‌رزش كیژكه‌؟

پروفیسورێ ئه‌لمانی “ئینگو فروبوزه‌” دیاركر كو راهێنانێن ئاڤی و ئه‌نجامدانا وه‌رزشێ دناڤ ئاڤێ دهێته‌ هژمارتن …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *