مالپه‌رێ خابير مالپه‌ره‌كێ سه‌ربه‌خو یێ هه‌مه‌ره‌نگه
Related Articles
گوڤارا ئابوری یا بریتانی دیاركر كو ڤه‌كوله‌رێن ئه‌مریكی گه‌هشتنه وان ئه‌نجامان كو ب درێژاهییا چه‌رخان خه‌لكێ ده‌ڤه‌رێ پشتی شیانێن مه‌زن و تێچوونێن بلند دان و دكاكێ خوه ب ده‌ستڤه‌دئینن، و لگه‌ل ڤێ چه‌ندێ هه‌تا نوكه ژی حه‌ز ژ كاری دكن، ئه‌گه‌ر خوه نه د بوارێ جوتیاریێ ژی دا بت.
شلوڤه‌كارێ سیاسی فاسیلیكی فوكا و ئابوریناس ئالین شلیپڤر، بارودوخێ نوكه لسه‌ر داتایێن ئه‌نجامێن رووپێڤییه‌كا جڤاكی یا ئه‌وروپی دناڤبه‌را سالێن 2002-2014 دا هاتیه ئه‌نجامدان هه‌لسه‌نگاندن.
ڤه‌كوله‌ران پێگری ده‌ینا سه‌ر سێ ئاماژه‌یان، ئاماژه‌یا ئێكێ ژماره‌یا ده‌مژمێرێن مرۆڤ دحه‌فتیێ دا ل كاری دبورینت، دوو ژماره‌یا ده‌مژمێرێن پێدڤی یێن كاركرنێ د حه‌فتیێ دا، سێ جوداهی دناڤبه‌را ده‌مژمێرێ ب دورستی مرۆڤ لسه‌ر كاری دبورینت لگه‌ل ده‌مژمێرێن كاری یێن پێدڤی ل دویڤ گرێبه‌ستا كاری.
ئه‌نجامێن ژ لایێ هه‌ر دوو ڤه‌كوله‌ران ڤه هاتینه بده‌ستئێخستن جهێ شوكێ بین، كو پتریا ئالوده‌بوویێن كاری د نوكه دا ل وان ده‌ڤه‌ران دژین یێن بابكالكێن وان ب جوتیاریێ و چاندنا پتات و شوڤان و جه‌هـ و گه‌نم و ….هتد رادبین، كو ئه‌ڤ به‌رهه‌مێن هه ژی پێدڤی ب وه‌ستیانه‌كا باشه هه‌تا قازانج ژێ بهێته كرن.
ب ده‌ربرینه‌كا دی، دیاربی كو ئه‌و به‌رهه‌مێن پێدڤی ب ده‌مژمێرێن زێده‌تر هه‌ین بۆ ب ده‌ستڤه‌ئینانێ، پتر ژ فاكته‌رێن دی یێن چاندنێ، هه‌تا نوكه ژی خه‌لك ل وان ده‌ڤه‌ران ده‌مژمێرێن پتر د كاری دا دبورینن، ئه‌گه‌ر خوه كارێ وان دویری جوتیاریێ ژی بت.
