سەرەتا / به‌شێن مالپه‌ری / ڤه‌كولین / ڤه‌كولین: نوژدارێن ژن باشترن ژ نوژدارێن زه‌لام

ڤه‌كولین: نوژدارێن ژن باشترن ژ نوژدارێن زه‌لام

ڤه‌كولینه‌كا ئه‌مریكی یا نوی ئاشكراكریه‌ كو رێژه‌یا مرنێ یا وان نه‌خوه‌شێن ژیێ وان دسه‌ر 65 سالیێ دا د نه‌خوه‌شخانه‌یان دا كێمتره‌ ل ده‌ڤ نوژدارێن ژن، ژ وێ رێژه‌یا ل ده‌ڤ نوژدارێن زه‌لام گیانێ خوه‌ ژ ده‌ست ددن.
ڤه‌كولینێ دویڤچوون بۆ داتایێن كلینیكی یێن ملیون و 500 هزار كه‌سان كرن، كو وان مفا ژ پروگرامێ “مێدیكه‌یر” یێ سارێژی دناڤبه‌را سالێن 2011 و 2014 دا وه‌رگرتینه‌.
ڤه‌كوله‌ران تێبینییا وێ چه‌ندێ كرن كو رێژه‌یا مرنێ ل ده‌ڤ وان نه‌خوه‌شێن ژ لایێ نوژدارێن ژن ڤه‌ دهێنه‌ چاره‌سه‌ركرن ب رێژه‌یا 4% كێمتر بی ژ وێ رێژه‌یا ل ده‌ڤ نوژدارێن زه‌لام گیانێ خوه‌ ژ ده‌ست ددن.
هه‌روه‌سا رێژه‌یا وان نه‌خوه‌شێن پشتی چاره‌سه‌ریێ ب نه‌چاری ڤه‌دگه‌رن ڤه‌ بۆ نه‌خوه‌شخانه‌یێ ژی ب رێژه‌یا 5% كێمتر بی ژ رێژه‌یا نه‌خوه‌شیێن دووباره‌ یان پتر ڤه‌دگه‌رن ڤه‌ نه‌خوه‌شخانه‌یێ بۆ وه‌رگرتنا چاره‌سه‌رییا پتر.
ل دویڤ به‌رهه‌ڤكه‌رێن ڤه‌كولینێ ژ كولیژا ساخله‌مییا گشتی ل زانینگه‌ها هارفارد، ئه‌گه‌ر ئه‌نجامێن نوژدارێن زه‌لام وه‌كی یێن ژن با، دا رێژه‌یا مرنێ ل ده‌ڤ نه‌خوه‌شێن دسه‌ر 65 سالیێ دا كێم بت ب 32 هزار حاله‌ت د سالێ دا.

Check Also

ڤه‌كولین: خارنا نه‌ ساخله‌م ل ده‌مێ دووگیانیێ زارۆكی تووشی ئاریشه‌یێن عه‌قلی دكت

ڤه‌كولینه‌كا بریتانی یا نوی دیاركر كو ئه‌گه‌ر ل ده‌مێ دووگیانیێ خارنا ده‌یكێ نه‌ یا ساخله‌م …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *