سەرەتا / به‌شێن مالپه‌ری / نوچه‌ / هیومن رایتس ووچ: حكومەتا هەرێمێ‌ بزمارەكا نوو د تابووتا ئازادیا ڕادەربڕینێ‌ قوتا

هیومن رایتس ووچ: حكومەتا هەرێمێ‌ بزمارەكا نوو د تابووتا ئازادیا ڕادەربڕینێ‌ قوتا

ڕێكخراوا هیومن رایتس ووچ دەستەسەركرنا بدەهان خۆپێشاندەرێن 16 ئەیارێ‌ ژلایێ‌ هێزێن ئەمنیێن حكومەتا هەرێمێ‌ ڤە ل پارێزگەها دهوك، ب لێدانا بزمارەكا نوی د تابووتا ئازادیا ڕادەربڕینێ‌ ل عیراقێ‌ وەسفكر.
بلقیس والی ڤەكۆلەرا بوارێ‌ قەیران و هەڤڕكییان د ڕێكخراوا هیومن رایتس ووچدا، كو دهەمان دەمدا نوونەرەكا تایبەتمەندا وێ ڕكخراوێ‌ یە ل عیراقێ‌، ڕاگەهاند: ل 13 ئەیارێ‌ هژمارەكا ماموستایان و فەرمانبەران بفەرمی داخوازی ژ پارێزگارێ‌ دهوك كر رێ بۆ بهێتەدان بۆ ئەنجامدانا خۆپێشاندانەكێ‌ ل 16 ڤێ‌ مەهێ‌، كو مەرەم ژێ‌ خەرجكرنا مووچەیێن وان بوو، بەلێ‌ پشتی دەربازبوونا 48 دەمژمێران پارێزگەها دهوك بەرسڤا داخوازییا وان ماموستا و فەرمانبەران نەدا، و ب ئەگەر بەرسڤ نەهێتەدا، واتەیا ڕازیبوونێ‌ یە لسەر ئەنجامدانا خۆپێشاندانێ‌.
ڕێكخراوا هیومن رایتس ووچ ئەو چەندە ژی د ڕاپۆرتەكا خۆدا بەحسكرییە، كو  هەتا نوكە ماموستا و فەرمانبەرێن هەرێمێ‌ هیچ مووچەیەك وەرنەگرتییە، و ئەڤ چەندە بوویە جهێ‌ دلگرانییا خەلكی، و فەرمانبەر نەچار دبن خڕڤەبوون و خۆپێشاندانا ئانجام بدەن، بەلێ‌ هەموو جارەكێ‌ ژلایێ‌ دەستهەڵاتا كوردی ڤە دهێنە سەركوتكرن.
بلقیس والی د ڕاپۆرتا خۆدا دایەزانین كو ل 15 ڤێ‌ مەهێ‌ پارێزگەها دهوك روونكرنەك دەربارێ‌ خۆپێشاندانا ماموستایان د هژمارا خۆیا فەرمیدا لسەر تۆڕا فێسبۆكی بەڵاڤكر و تێدا گوتبوو: بهیچ شێوەیەكە رێ‌ بۆ خۆپێشاندانێ‌ ناهێتەدان، و هەر كەسێ‌ پێنگاڤەكێ‌ بەرەڤ وێ‌ چالاكیێ‌ بهاڤێژیت، دێ‌ خۆ تووشی سزایێن یاسایی كەت، بەلێ‌ پارێزگەها دهوك بفەرمی بەرسڤا داخوازیا خۆپێشاندەران نەدایە، و هیچ ئاماژەك نەكرییە مەترسیێن كۆرۆنا وەكو ئەگەرەكێ‌ رێ پینەدانێ‌ بۆ ئەنجامدانا وێ‌ خڕڤەبوونێ‌.
ڕاپۆرتا ڕێكخراوا هیومن رایتس ووچ بەحسێ‌ دەستەسەركرنا هژمارەكا زۆر یا ماموستا و فەرمانبەران كرییە ژلایێ‌ هێزێن ئەمنی ڤە ل دهوك، ژوان ژی هەشت ڕۆژنامەڤان بوون، و دەلیڤە بۆ خۆپێشاندەرا نەهاتە دان چالاكیا خۆ ئەنجام بدەن و پەیاما خۆ بگەهیننە حكومەتێ‌ دەربارێ‌ خەرجكرنا مووچێ‌ وان.
بلقیس والی دڕاپۆرتا خۆدا دبێژیت، دچەند ساڵێن دەربازبوویدا، من زێدەتر ژ دوازدە دیدارا دگەل مەزنە بەرپرسێن حكومەتا هەرێما كوردستانێ‌ ئەنجامداینە، هەموو جارەكێ‌ پێگیریا خۆ ب پاراستنا مافێن مروڤی دووپات دكر، بەلێ‌ بوویەرا دەستەسەركرنا خۆپێشاندەران ل دهوك ئاشكرا كر، كو هەرێما كوردستانێ‌ نە مەتالەكێ‌ پاراستنا مافی مرۆڤ و ئازادیا ڕادەربڕینێ‌ یە.

دەربارە ف.ع

Check Also

پارێزگارێ دهوكێ: قاچاخچیان خه‌لك ژ قه‌زایه‌كێ بۆ ئێكا دیتر ل دهوكێ ڤه‌گوهاستینه‌ بەرامبەر50 دولاران

مالپه‌رێ خابیر / زاخۆ هنده‌ كه‌سان ب رێكا قاچاخچیێ خه‌لك ب به‌له‌مه‌یان ژ پارێزگه‌هێن دیتر …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *