سەرەتا / به‌شێن مالپه‌ری / نوچه‌ / په‌رله‌مانتار هه‌لز ئه‌حمه‌د سێ سكاڵایان ل دادگه‌ها دهوكێ تۆماردكه‌ت

په‌رله‌مانتار هه‌لز ئه‌حمه‌د سێ سكاڵایان ل دادگه‌ها دهوكێ تۆماردكه‌ت

مالپه‌رێ خابیر / زاخۆ

پەرلەمانتارەكا یەكگرتوویا ئیسلامی یا كوردستانێ ل دادگەها دهوكێ سێ سكالایان تۆماردكەت.

هەلز ئەحمەد، پەرلەمانتارا یەكگرتوو، راگەهاند: ئەڤرو ل دادگەها دهۆك من سێ سكالا توماركرن، سكالایا ئێكێ لسەر هەر ئێك ژ پارێزگار و رێڤەبەرێ پۆلیسێن دهوكێ و پەرلەمانتارێ پارتی جیهاد بێسفكی كو تەشهیر ب من كریە، و سكالایا دوویێ من لسەر دوو كارمەندێن رێڤەبەریا روو ب رووبوونا تاوانان كریە كو هەم ئەز ب سیخور تومەتباركربووم و رێگری ژی ل ترومبێلان من كر دەرباز ببیت.

هەلز ئەحمەد پەرلەمانتارا یەكگرتوو هەروەسا گوت سكاڵایا سێ یێ ژی من لسەر كارمەندەكێ ئاسایشا دهۆك توماركریە كو ئەز تومەتباركربوون ب ئەنجامدانا بێرێزیێ ل بەرامبەری وی.

رۆژا شەمبیا رابووری ماموستا و مووچەخور ل پارێزگەها دهوكێ ل دژی گیرۆبوونا مووچەیێن خۆ ل پاركا ئازادی خرڤه‌بوونه‌كا مەدەنی ئەنجامدا، هەلز ئەحمەد پەرلەمانتارا یەكگرتوو ژی وەك نوینەرا وەڵاتییان بۆ دویڤچوون و ژ نێزیك هایداربوونا رەوشا ماموستا و فەرمانبەران چوو جهێ خرڤه‌بوونێ لێ ژلایێ هێزێن ئەمنی یێن باژێرێ دهوكێ رێگری لێ هاتە كرن.

د هەمان دەمدا ژی ب رێكا هێزێ رێگری ل خرڤه‌بوونێ ژی هاتەكرن و هه‌ژمارەكا ماموستا و چالاكڤانان ژی هاتنە دەستەسەركرن كو تا ئەڤرو ژی 8 ماموستا و چالاكڤانێن ئەڤێ خرڤه‌بوونێ د زیندانێدا ماینەڤە.

 

دەربارە ف.ع

Check Also

پارێزگارێ دهوكێ: قاچاخچیان خه‌لك ژ قه‌زایه‌كێ بۆ ئێكا دیتر ل دهوكێ ڤه‌گوهاستینه‌ بەرامبەر50 دولاران

مالپه‌رێ خابیر / زاخۆ هنده‌ كه‌سان ب رێكا قاچاخچیێ خه‌لك ب به‌له‌مه‌یان ژ پارێزگه‌هێن دیتر …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *