سەرەتا / به‌شێن مالپه‌ری / نوچه‌ / سه‌رۆكێ حكومه‌تا هه‌رێمێ دێ چیته‌ په‌رله‌مانێ كوردستانێ

سه‌رۆكێ حكومه‌تا هه‌رێمێ دێ چیته‌ په‌رله‌مانێ كوردستانێ

مالپه‌رێ خابیر / زاخۆ

سه‌رۆكێ حكومه‌تا هه‌رێما كورستانێ دێ چیته‌ په‌رله‌مانێ كوردستانێ.

لگوره‌ی راگه‌هاندنا ماڵپه‌رێ حكومه‌تا هه‌رێما كوردستان كو به‌ڵاڤكرییه‌: مەسرور بارزانی، سەرۆکوەزیرێن هەرێما کوردستانێ داخوازا روونشته‌نكا تایبەت یا پەرلەمانێ کوردستانێ كرییه‌.

د راگه‌هاندنا حكومه‌تا هه‌رێمێدا هاتییه‌: “بڕیارە ل چەند رۆژێن داهاتیدا، لسەر داخوازا مەسرور بارزانی سەرۆکێ حکومەتا هه‌رێمێ، پەرلەمانێ کوردستانێ روونشتنه‌كا تایبه‌ت رێکبێخیت كو تێدا سەرۆکێ حکومەتێ لسەر جێبجێکرما كارنامەیا چاکسازیا کابینەیا نه‌هێ و ئاراسته‌یێ گوت و بێژان دگه‌ل حکومەتا فیدراڵی و شرۆڤه‌كرنا ره‌وشا دارایی و ساخله‌میا نوكه‌ یا هەرێما کوردستانێ و لێکەفتنێن به‌ڵاڤبوونا ڤایرۆسێ کۆرۆنایێ ، دێ گوتاره‌كێ پێشکێشكه‌ت.

” لگوره‌ی ماددەیێ 66 بڕگەیا دووێ ژ پەیڕەوێ ناڤخۆیێ پەرلەمانێ کوردستانێ، سەرۆکوەزیر دشێت داخوازا روونشتنه‌كا پەرلەمانی بکه‌ت بۆ وێ یه‌كێ روونکرنان لسەر بابەته‌كی بده‌ت و دەستەیا سەرۆکاتیا پەرلەمانێ کوردستانێ دڤێت د ده‌مه‌كیدا کو ژ 14 رۆژان ده‌ربازنه‌كت ئەوێ روونشتنێ رێکبیخیت.

ئه‌و راگه‌هاندنا حكومه‌تا هه‌رێما كوردستانێ پشتی وێ یه‌كێ دهێت كو 23 په‌رله‌مانتارێن كوردستانێ ئیمزا كومڤه‌كرین و داخوازا لێپرسینێ ژ سه‌رۆكێ حكومه‌تێ و جێگرێ وی و وه‌زیرێ دارایی كرین بۆ په‌رله‌مانێ كوردستانێ ژ ئه‌گه‌رێ لێبڕینا 21% یا مووچه‌یێ فه‌رمانبه‌ران و نه‌هنارتنا بودجه‌یا هه‌رێمێ بۆ په‌رله‌مانی و بریاره‌ رۆژا ئێكشه‌مبی وێ یاداشتا وان په‌رله‌مانتارێن ئاراسته‌ی سه‌رۆكاتیا په‌رله‌مانی بكه‌ت بۆ وێ یه‌كێ بێخنه‌ د كارنامه‌یا روونشتنا په‌رله‌مانیدا.

دەربارە ف.ع

Check Also

چەکدارەکێ دا عشێ ل سلێمانیێ هاتە دەستەسەرکرن

پەیڤدارێ هەڤپەیمانیا نێڤدەولەتی بۆ شەرێ دژی داعشێ ڕاگەهاند، دژەتیرۆرا عێراقێ چەکدارەکێ داعشێ ل سلێمانیێ دەستەسەرکر. وەین …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *