سەرەتا / به‌شێن مالپه‌ری / ئاینى / دوعا…. چه‌كێ ژبیركری (دوعا وه‌ك عیباده‌ت)

دوعا…. چه‌كێ ژبیركری (دوعا وه‌ك عیباده‌ت)

نڤیسین: احمد نور

دوعا وه‌ك عیباده‌ت:

خودایێ مه‌زن د قورئانا پیرۆز دا دبێژت [وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ] {60: سورة غافر} ئانكو: و خودایێ هه‌وه‌ گوت: دوعایێ ژ من بكه‌ن ئه‌ز دێ به‌رسڤا هه‌وه‌ ده‌م، ب ڕاستی ئه‌وێت خۆ لسه‌ر په‌رستنا من مه‌زن دكه‌ن ، دێ ره‌زیل و ڕسوا كه‌م (5)، لسه‌ر ته‌فسیرا ڤێ ئایه‌تێ “فخرالدین الرازی” دبێژت یێ هاتیه‌ گوتن كو ئه‌ڤ چه‌نده‌ فه‌رمانه‌ ب عیباده‌تى و به‌لگه‌ لسه‌ر ڤێ چه‌ندێ ژی ئه‌وه‌ پشتى فه‌رمانێ ، خودایێ مه‌زن یێ گوتی [الَّذِينَ يَسْتَكْبِرُونَ عَنْ عِبَادَتِي] (6).

هه‌روه‌سا د فه‌رموده‌یه‌كێ دا پێغه‌مبه‌ر “سلاڤێن خودێ لسه‌ر بن” دبێژت: {الدُّعَاءُ هُوَ الْعِبَادَةُ} (7)، ئانكو دوعا عیباده‌ته‌ (8) د ڤێ فه‌رموده‌یا پیرۆز دا ب دورستی و ب روهنی دهێته‌ دیاركرن كو كرنا دوعایان ژ خودایی عیباده‌ته‌، هه‌روه‌كی كا چاوا نڤێژ و رۆژی و سوننه‌ت و خاندنا قورئانێ عیباده‌تن، هه‌روه‌سا ئه‌م دشێن بێژین چونكی دوعا عیباده‌ته‌ دێ مرۆڤ خودان خێر بت ب ئه‌نجامدانا دوعایێ چ بۆ ب ده‌ستڤه‌ئینانا جیهانا دویماهیێ بت یان ب ده‌ستڤه‌ئینانا دنیایێ، هه‌روه‌سا ئه‌و چه‌ندا دوعا بۆ دهێته‌ كرن ب ده‌ست مرۆڤی ڤه‌ بهێت یان نه‌هێت.

5 – ته‌فسیرا ژیان: اسماعیل سگێری.

6 – تفسير الكبير: فخرالدين الرازي.

7 – الترمذي: 2969.

8 – مێرگا كێرهاتى و راستكاران: إسماعیل سگێری.

Check Also

دوعا…. چه‌كێ ژبیركری (ئه‌گه‌رێن قه‌بیلكرنا دوعایێ)

احمد نور ئه‌م دشێن ئه‌گه‌رێن قه‌بیلكرنا دوعایێ لسه‌ر دوو جوران دابه‌ش بكه‌ین: 1- ئه‌گه‌رێن نه‌دیار …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *