سەرەتا / به‌شێن مالپه‌ری / ئاینى / دوعا…. چه‌كێ ژبیركری (بنه‌ما (اصل) قه‌بیلكرنا دوعایێ یه‌)

دوعا…. چه‌كێ ژبیركری (بنه‌ما (اصل) قه‌بیلكرنا دوعایێ یه‌)

احمد نور

د چه‌ندین ئایه‌ت و فه‌رموده‌یان دا هاتیه‌ روهنكرن كو ئه‌گه‌ر مرۆڤ دوعایان بكت دێ خودایێ مه‌زن قه‌بیل كت وه‌كی:

ئایه‌ت ژ قورئانا پیرۆز:

1-            [ وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ …… ] (186 : البقرة) ئانكو : ئه‌گه‌ر به‌نده‌یێن من، پرسا من ژ ته‌ كرن ، ئه‌ز یێ نێزیكم ، یێ گازی من بكت دێ د هه‌وارێ ئێم، و به‌رسڤا گازییا وی دم (9) ، د ته‌فسیرا ڤێ ئایه‌تێ دا هاتیه‌ دوو راڤه‌ لسه‌ر [أُجِيبُ دَعْوَةَ الدَّاعِ إِذَا دَعَانِ] یێن هه‌ین: یا ئێكێ ئه‌وه‌ خودایێ مه‌زن دبێژت دوعایا دوعاكه‌رى گوهلێ دبم ئه‌گه‌ر دوعا ژ من كر و ب گوهداریێ ده‌ربرین ژ به‌رسڤدانێ كر، چونكی گوهدارییا دوعایێ ده‌ستپێكه‌ بۆ به‌رسڤدانێ، یا دووێ ڤیان و ئیرادا به‌رسڤدانا دوعاكه‌رى یه‌ ئه‌گه‌ر پسیار و داخاز كر(10).، ئانكو خودایێ مه‌زن ژ نێزیك گوهدارییا دوعایێ دكت و ئه‌ڤ چه‌نده‌ ده‌ستپێكا به‌رسڤدانێ یه‌ و دڤێت دوعایا وی لگه‌ل به‌رژه‌وه‌ندیێ بگونجت، چونكی ئه‌گه‌ر نه‌ گونجت به‌رسڤ ناهێته‌ دان و هوسا دیار دبت دوعایا ساخله‌م دهێته‌ به‌رسڤدان.

2-            [ وَقَالَ رَبُّكُمُ ادْعُونِي أَسْتَجِبْ لَكُمْ….] (60 : غافر) ئانكو : خودایێ وه‌ گوت :دوعایێ ژ من بكن ئه‌ز دێ به‌رسڤا وه‌ دم (11) د ته‌فسیرا ڤێ ئایه‌تێ دا “القرطبي” دیاركریه‌ كو ب [ادْعُونِي أَسْتَجِبْ لَكُمْ] فه‌رمانا دوعاكرنێ ل ئومه‌تێ كریه‌ و سوزا به‌رسڤدانا دوعایێن وان بێ هه‌بینا چ مه‌رجان دناڤبه‌را دوعاكرن و به‌رسڤدانێ دا (12).

فه‌رموده‌یێن پێغه‌مبه‌رى (سلاڤێت خودێ لسه‌ر بن):

1-            پێغه‌مبه‌ر (سلاڤێن خودێ لسه‌ر بن) دبێژت: { إِنَّ اللَّهَ حَيِيٌّ كَرِيمٌ ، يَسْتَحِي إِذَا رَفَعَ الرَّجُلُ إِلَيْهِ يَدَيْهِ أَنْ يَرُدَّهُمَا صِفْرًا خَائِبَتَيْنِ } (13) ، ئانكو (خودێ گه‌له‌ك شه‌رمینه‌ ، مه‌رده‌، ئه‌گه‌ر مرۆڤی ده‌ستێن خوه‌ ب به‌ره‌ڤ وی ڤه‌ بلندكرن ، شه‌رم دكت بێ ئومێد ب زڤرینت) (14).

2-            پێغه‌مبه‌ر (سلاڤێن خودێ لسه‌ر بن) دبێژت: { انَّ اللَّهَ يَقُولُ أَنَا عِنْدَ ظَنِّ عَبْدِي بِي، وَأَنَا مَعَهُ إِذَا دَعَانِي} (16) ، ئانكو (خودێ دبێژت: ئه‌ز یێ ل ده‌ڤ هزرا به‌نده‌یێ من ب من، كا چ هزرێ ب من دبت، و ئه‌ز یێ لگه‌ل وی ده‌مێ داخازێ ژ من دكت) (17).

ژ ڤان ئایه‌ت و فه‌رموده‌یان بۆ مرۆڤی دیاردبت كو ئه‌گه‌ر مرۆڤی ئه‌گه‌رێن قه‌بیلكرنا دوعایێ ب جهـ ئینان دێ دوعایێن مرۆڤی هێنه‌ قه‌بیل كرن و چه‌ندین نمونه‌ ژی لسه‌ر ڤێ چه‌ندێ د مێژوویا چاك و قه‌نجێن پێش و پاشێن ئومه‌تێ دا یێن هه‌ین، كو پشتى ئه‌گه‌ر ژ لایێ وان ڤه‌ هاتینه‌ ب جهـ ئینان خودایی دوعایێن وان د دنیایێ دا یێن قه‌بیل كرین.

————————-

9 – ته‌فسیرا ژیان: إسماعیل سگێرێ.

10 – تفسير الماوردي: أبي الحسن علي بن محمد بن حبيب الماوردي البصري.

11 – ته‌فسیرا ژیان: إسماعیل سگێری.

12 – تفسير القرطبي.

13 – الترمذي: 3556.

15 – ملا طه گوللی، چاڤپێكه‌فتن 14/03/2016.

16 – الترمذي: [2388].

17 – ملا طه گوللی، چاڤپێكه‌فتن 14/03/2016.

Check Also

دوعا…. چه‌كێ ژبیركری (ئه‌گه‌رێن قه‌بیلكرنا دوعایێ)

احمد نور ئه‌م دشێن ئه‌گه‌رێن قه‌بیلكرنا دوعایێ لسه‌ر دوو جوران دابه‌ش بكه‌ین: 1- ئه‌گه‌رێن نه‌دیار …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *