دهۆك: چار كه‌س لسه‌ر گرتنا ماسیان ل ناحیا زاویته‌ی هاتنه‌ گرتن

لسه‌ر گرتنا ماسییان ب رێیێن قه‌ده‌غه‌كری ل ئاڤا ناحیا زاویته‌ی یا گرێدای پارێزگه‌ها دهۆكێ چار كه‌سێن ب ره‌گه‌ز عه‌ره‌ب هاتنه‌ گرتن.

مقه‌ده‌م سیهامه‌دین عه‌لی به‌رپرسێ راگه‌هاندنا پێشمه‌رگه‌هێن هێزا پارستنا ژینگه‌ها دهۆكێ ڕاگه‌هاند، هێزێن پێشمەرگەیێن پاراستنا ژینگەهێ ل دهۆکێ شیایینه‌  4 ماسیگرێن ب ره‌گه‌ز عه‌ره‌ب كو ماسی گرتنینه‌ ب رێیێن قه‌ده‌غه‌كری ل ناحیا زاویته‌ ده‌سته‌سه‌ربكه‌ن  نها وەرزێ قەدەغه‌كرنا ماسیانه‌.

به‌حسا وێه‌كێ ژی كر، تیمەکا وان یا 10 کەسی شڤێدی چوونە سکرێ مویسل ژ پێخەمەت رێگریکرنێ ل گرتنا ماسیان د وەرزێ قەدەغێ دا و 4 کەس دەستەسەرکرن کو ب رێکێن جودا نێچیرا ماسیان دکر.

دیاركر ژی، ترۆمبێلا وان ل گەل هەمی کەلوپەلێن تایبەت ب نێچیرا ماسیان ڤە هاتینە راگرتن و دیار کر کو نێزیكی 600 کیلۆیێن ماسیان ل گەل وان بوون و هێزێن وان هەمی ئەو ماسیە دوبارە کرنە د ئاڤا سکرێ مویسل دا.

مقه‌ده‌م سیهامه‌دین گۆت ژی، کو هەر سال ژ رۆژا 15ئادارێ هه‌یا 15 هزیرانێ ژ بەر کو وەرزێ زێدەبوونا ماسیانە، نابیت نێچیرا ماسیان بهێتە کرن و هەر کەسێ د ڤی وەرزی دا ب هەر رێکەکا هەبیت ماسیان بگریت، دێ هێتە گرتن.

دەربارە أ.ن

Check Also

سەرۆککومارێ تورکیا: ل هەیڤا بهێت دێ دەست ب ئاڤاکرنا ٣٠ هزار مالان کەین

رەجەب تەیب ئەردوغان، سەرۆککومارێ ترکیا د داخویانییەکێ دا دیارکر ئاڤاهیێن د ئەردهەژێ دا هەرفتین ل …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *