سەرەتا / به‌شێن مالپه‌ری / هه‌مه‌ره‌نگ / زه‌لامه‌ك بۆ ده‌مێ ده‌هـ سالان ب ده‌ستڤه‌ئینانا 55 ملیون دولاران ژ خێزانا خوه‌ ڤه‌دشێرت

زه‌لامه‌ك بۆ ده‌مێ ده‌هـ سالان ب ده‌ستڤه‌ئینانا 55 ملیون دولاران ژ خێزانا خوه‌ ڤه‌دشێرت

دانعه‌مره‌كێ ئه‌مریكی ئاشكراكر كو ئه‌وی به‌ری 10 سالان مه‌بله‌غێ 55 ملیون دولاران ب ده‌ستڤه‌ئینایه‌، و ژ خێزان و هه‌ڤال و نێزیكێن خوه‌ ڤه‌شارتییه‌.
رۆژنامه‌یا “میرور” یا بریتانی دیاركر كو زه‌لامه‌كێ 67 سالی یێ نه‌ڤیایی ناڤێ خوه‌ ئاشكرابكت گوت كو ئه‌و نه‌ڤیا خێزانا خوه‌ ئاگه‌هداربكت كو خه‌لاته‌كێ دارایی ب ده‌ستڤه‌ئینایه‌، و ئه‌ڤ چه‌نده‌ چونكی خویشكا زه‌نگینه‌ و بێ زارۆكه‌.
زه‌لامێ ب شانس ژ ویلایه‌تا كالیفورنا به‌ری ده‌هـ سالان خه‌لاتێ 55 ملیون دولاری ب ده‌ستڤه‌ئینا و دیاركر كو ئه‌و دا ژ لایێ ده‌روونی ڤه‌ تێكچت ئه‌گه‌ر خێزان یان هه‌ڤالێن خوه‌ یێن نێزیك ئاگه‌هداركربان كو ئه‌وی ئه‌ڤ خه‌لاتێ مه‌زن ب ده‌ستڤه‌ئینایه‌، هه‌روه‌سا ئه‌وی سه‌رێ خویشكا خوه‌ و هه‌ڤژینێ وێ نه‌ڤێت.
زه‌لامێ 67 سالی د گروپه‌كێ فه‌یسبوكی دا رۆهنكر كو ئه‌وی چ پاره‌ نه‌به‌خشینه‌ رێكخراوێن خێرخازی، و نڤیسی بی: ” ژبه‌ری نێزیكی 10 ساله‌ من د یانسیبه‌كێ دا پتر ژ 55 ملیون دولاران ل كالیفورنیا ب ده‌ستڤه‌ئینان، من بابێ خوه‌ یان خویشكا خوه‌ یان هه‌ر كه‌سه‌ك ب ڤێ چه‌ندێ ئاگه‌هدارنه‌كرن”.
ئاماژه‌ ب وێ چه‌ندێ ژی كر كو ئه‌وی خوه‌ ب ڤان پاره‌یان ژ پێش چاڤ به‌رزه‌ كر، داكو كه‌س داخازا قه‌ری ژێ نه‌كت و پاشی ل ئیفلاسێ بدت، به‌لێ ئه‌وی ترۆمبێله‌كا نوی و خانیه‌كێ نوی كڕی و گوته‌ مالێ ئه‌وی ب قه‌ر یێ كری.

Check Also

ئه‌و گولا سزایێ كرنا وێ 5 هزار دولارێن ئه‌مریكی

“تولیپ مانیسیا” گیاكه‌ك و گوله‌كا كێم وێنه‌یه‌ و گرێن ویلایه‌تا “مانیسا” ل رۆژئاڤایێ توركیا د …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *