سەرەتا / به‌شێن مالپه‌ری / نوچه‌ / لژنه‌یا به‌رهنگاربوونا كۆرۆنایێ داخوازێ دكەت خه‌لك د جه‌ژنێدا سه‌رەدانا ئێكودوو نه‌كه‌ن و چەندین ڕێنمایێن نوی بەڵاڤكرن

لژنه‌یا به‌رهنگاربوونا كۆرۆنایێ داخوازێ دكەت خه‌لك د جه‌ژنێدا سه‌رەدانا ئێكودوو نه‌كه‌ن و چەندین ڕێنمایێن نوی بەڵاڤكرن

لژنەیا بلند یا به‌رهنگاربوونا كۆرۆنایێ ل هه‌رێما كوردستانێ چه‌ند ڕێنمایەكێن نوی ده‌ركرن و داخوازێ ژ وەڵاتیان دكەت ل جه‌ژنێ سه‌رەدانا ئێكودوو نه‌كه‌ن.

د ڕێنمایێن نوی كو ئه‌ڤرو دووشه‌مبی 19-7-2021 بەڵاڤكرییە، لژنه‌یا به‌رهنگاربوونا كۆرۆنایێ بڕیار دایە كو لسه‌ر فه‌رمانبه‌رێن حكومه‌تا هه‌رێمێ پێدڤییە ڤاكسینا ب دژی كۆرۆنایێ وه‌ربگرن هه‌ر فه‌رمانبه‌رەكێ كێمتر خه‌م بیت دێ ڕێكارێن ئیداری ل به‌رامبه‌ر گرنەبەر.

هه‌ر د ڕێنماییاندا هاتییه‌ كو ئه‌و كه‌سێن گه‌شتا هه‌رێما كوردستانێ بكەن پێدڤییە پشكینینا كۆرۆنایێ هه‌بیت كو ژ 72 دەمژمێران دەربازنەبیت، د هەمان دەمدا داخوازا توندكرنا ڕێكاران دكەت ل ده‌ریێن سنووری و فرۆكەخانەیێن هه‌رێمێ بۆ وێ یەكێ زنجیره‌یا نوی یا كۆرۆنایێ نه‌هێتە ناڤ هه‌رێمێ.

لژنه‌یا به‌رهنگاربوونا كۆرۆنایێ ل هه‌رێمێ بریاڕ ژی دایە ب دائێخستنا هۆلێن شەهیانان ل هوتێلان و هۆلێن سینه‌مایێ ل مۆلان.

ئەڤە د دەمەكیدایە كو وه‌زیرێ ساخلەمیا هه‌رێما كوردستانێ د كۆنگره‌یه‌كێ ڕۆژنامه‌ڤانیدا ڕاگه‌هاند: ب شێوه‌یه‌كێ ترسناك كۆرۆنا یا ل هه‌رێمێ بەڵاڤ دبیت كو  د دەمێ 24 دەمژمێرێن بووریدا 1985 كه‌س ل هه‌رێمێ تووشی كۆرۆنایێ بووینە و 19 كه‌سان ژی گیانێ خۆ ژ ده‌ستدایه‌.

دەربارە ف.ع

Check Also

پشتی جڤینا بایدن و کازمی؛ بەنکا ناڤەندیا عێراقێ ئاخفتنێن نوی دبێژیت

بەنکا ناڤەندی یا عێراقێ ڕاگەهاند، بەرپرسێن ئەمریکا یێن یاسایی بمە ڕاگەهاندیە، کو هەمی یەدەگ و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *