سەرەتا / به‌شێن مالپه‌ری / نوچه‌ / وەزیرێ ساخلەمیا هەرێما کوردستانێ: ” بلندبوونا ئامارێن ئەڤجارە یێن کۆرۆنایێ مەترسیدارن”

وەزیرێ ساخلەمیا هەرێما کوردستانێ: ” بلندبوونا ئامارێن ئەڤجارە یێن کۆرۆنایێ مەترسیدارن”

وەزیرێ ساخلەمیا هەرێما کوردستانێ هوشداریێ ددەت كو بلندبوونا كۆرۆنایێ یا ئەڤ یا مەترسیدارە.

وەزیری تەندروستیی ھەرێمی کوردستان، سامان بەرزنجی: ” د كڤانێ٢٤ دەمژمێرێن ڕابووریدا، ھزار و ٩٨٥ کەس تووشی ڤایرۆسێ کۆرۆنایێ بووینە و ١٩ کەس ژی ژ ئەگەرێ ڤایرۆسی گیانێ خۆ ژ دەستدایە”.

وەزیرێ ساخلەمیا ھەرێما کوردستانێ، سامان بەرزنجی ھۆشداریی دا لدور بلندبوونا ئامارێن تووشبوون ب ڤایرۆسێ کۆرۆنایێ و ڕژدی ل وێ یەكێ کرییە کو ھەرێما کوردستانێ لگورەی ھەڤكێشەیێن ساخلەمی ژ ڕەنگی پرتەقالیێ تۆخ بەرەڤ سەرڤە بلندبوویە و ئاشکرا ژی دكەت کو ئەگەر ھەڤكێشە بگەهیتە ڕەنگێ سوور ئەڤە کۆنترۆلكرنا وێ دێ ب زەحمەت بیت.

سامان بەرزنجی د کۆنگرەیەکێ ڕۆژنامەڤانیداگوتی: “ژمارەیا تووشبوونێ زوور ژ وێ زێدەترە کو دەردكەڤیت و ڤەلڤین و سەرەدان و تێكەلی زوور ھەیە بیێ ڕێنمایێن خۆپارێزیێ و ئەڤە ژی نیشاندەرەكێ ترسناکە”.

هەروەسا گوت ژی: ” دلگرانییا مە د وێ یەكێ دایە كو ھێشتا ژمارەیەکا زوور یا وەڵاتیێن ھەرێما کوردستانێ پابەندی ڕێنمایێن ساخلەمیێ نینن، ژبەر ڤێ یەكێ نوكە ڕەوشا مە ل ھێلا سوور یا تووشبوونێ ب فایرۆسێ کۆرۆنایێ نێزیک دبین”.

ئاماژە ب وێ یەكێ ژی كر: کو ل دەستپێكا سەرھەلدانا ڤایرۆسێ کۆرۆنایێ تا نوكە، چوار ھزار و ١٢١ نوژدار و کارمەندێن ساخلەمیێ تووشی ڤایرۆسێ کۆرۆنایێ بووینە و ژ وێ ژمارەیێ ژی ٨٧ نوژدار و کارمەندێن ساخلەمیێ گیانێ خۆ ژ دەستدایە.

دەربارە ف.ع

Check Also

پشتی جڤینا بایدن و کازمی؛ بەنکا ناڤەندیا عێراقێ ئاخفتنێن نوی دبێژیت

بەنکا ناڤەندی یا عێراقێ ڕاگەهاند، بەرپرسێن ئەمریکا یێن یاسایی بمە ڕاگەهاندیە، کو هەمی یەدەگ و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *