سەرەتا / به‌شێن مالپه‌ری / ساخلەمی / ب ڤان خارنان نەهێلە بەرسوشک بهێتە تە

ب ڤان خارنان نەهێلە بەرسوشک بهێتە تە

به‌روسوشك ژ چه‌ندین ئه‌گه‌رێن جوره‌وجور ژ ئێك جودا د دژوارییا خوه‌ دا په‌یدا دبت، به‌لێ ئه‌گه‌ر مرۆڤ پێداكریێ ده‌ینت سه‌ر هنده‌ك خارنێن ده‌ستنیشانكری دشێت هاریكارییا به‌رسنگگرتنا به‌رسوشكێ بكت و نیشان و ئازارێن وێ بینته‌ ئاستێن نزمتر.

1- كه‌سكاتی: كه‌سكاتیێن كێم دوهن و شه‌كرن، و ب ڤێ چه‌ندێ هاریكارییا كێمكرنا ترشاتییا گه‌دده‌ی دكن، و گرنگترین كه‌سكاتی ژی فاسولیا كه‌سك، بروكلی، كه‌سكاتیێ ب به‌لگ و خیار.

2- زه‌نجه‌بیل: چه‌ندین تایبه‌تمه‌ندیێن دژی ئلتیهابان د زه‌نجه‌بیلێ دا یێن هه‌ین، له‌وا پشكداریێ د چاره‌سه‌رییا به‌رسوشكێ و ئاریشه‌یێن دی یێن هه‌رسێ دا دكت.

3-فێقیێن نه‌ ترش: ئه‌ڤ فێقییه‌ زه‌به‌ش و گوندور و موز و سێڤان ب خوه‌ڤه‌ دگرت، و خارنا ڤان فێقییان نابت ئه‌گه‌ر بۆ دژوارتربینا به‌رسوشكێ.

3- گوشتێن ڤالا ژ دوهنی: وه‌كی مریشك و ماسی و به‌رهه‌مێن دی یێن ئاڤی كو هاریكارییا كێمكرنا نیشانێن به‌رسوشكێ دكن.

4- سپیكا هێكێ: باشترین هه‌لبژارتن بۆ چاره‌سه‌ركرنا به‌رسوشكێ سپیكا هێكێ یه‌، به‌لێ هشیار بی زه‌رك دبته‌ ئه‌گه‌ر به‌رسوشك دژوارتر لێ بهێت.

5- دوهنێن ساخله‌م: خارنا دوهنێ ساخله‌م هاریكارییا كێمكرنا به‌رسوشكێ دكن، به‌لێ هشیار بی خوه‌ ژ دوهنێن تێر دویر بێخی، و گرنگترین ژێده‌رێن دوهنێن ساخله‌م ئافوكادو، گویز و زه‌یتا زه‌یتونانن.

Check Also

ساخلەمییا نەینوکان:

ده‌سته‌یا ئه‌لمانی یا نوژدارى یا نه‌خوه‌شیێن پیستی گوت “چاڤدێرییا باش یا نه‌ینوكان وان ژ شكه‌ستن …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *