سەرەتا / به‌شێن مالپه‌ری / نوچه‌ / شه‌ریف شه‌ریف موسا ئێك كه‌سایه‌تی و به‌رپرسێن دیارێن ل زاخو ده‌ست ژ كاركێشانا خوه‌ ژ پارتی ڕاگەهاند

شه‌ریف شه‌ریف موسا ئێك كه‌سایه‌تی و به‌رپرسێن دیارێن ل زاخو ده‌ست ژ كاركێشانا خوه‌ ژ پارتی ڕاگەهاند

شه‌ریف شه‌ریف موسا ئێك كه‌سایه‌تی و به‌رپرسێن دیارێن پارتی ل زاخو ده‌ست ژ كاركێشانا خوه‌ ژ پارتی دیموكراتی كوردستان ڕاگەهاند و بو سپێده‌ ب ئاشكرای به‌حس دكت دبێژیت ” و چ په‌یوه‌ندی ب پارتی نه‌مایه‌.”
ئاماده‌كرن: ئه‌كره‌م گوللی- زاخۆ
سه‌روكێ پێشترێ باژێرڤانیا زاخو و كه‌سایه‌تی و به‌رپرسێ دیارێ پارتی ل زاخو ، بۆ دیداره‌كا روژنامه‌ڤانی ب رێیا په‌یوه‌ندیا تله‌فونی، ب ڤێ گفتوگویا مه‌ ده‌ستپێكر:
ئەكرەم گوللی: ڕاستە تە دەست ژ پارتی بەرداینە؟
شه‌ریف شه‌ریف: به‌لێ راسته‌ و دنوكه‌دا من ده‌ست ژ كاركێشایه‌ و ل مالا خوه‌مه‌، یا دسوشیال مێدیایێ دا یه‌لاڤبووی ڕاسته‌. د نوكه‌دا من هیچ په‌یوه‌ندیه‌ك ب پارتی نه‌مایه‌، ل مالا خو رینشتیمه‌ د نوكه‌دا ئه‌ندامێ چ پارتیه‌كا سیاسی نینم، نه‌ پارتی ونه‌ چ حزبه‌كا دیتر ، كه‌سه‌ك ئاسایی مه‌ و د مالا خوه‌دا رینشتیمه‌، تا پشتی هه‌لبژارتنان و ده‌ما هه‌یڤه‌ك ب سه‌ر هه‌لبژارتناندا ده‌رباز دبیت دێ من هه‌لویسته‌ك روهنتر هه‌بیت و دێ ل سه‌ر گه‌له‌ك پرسان و گهورینان من بۆ چوونا خوه‌ هه‌بیت ، ئه‌ز كه‌سه‌كم ب ده‌هان سالا خه‌بات كریه‌، نه‌ بەرعاقلە ئه‌ز پالدم و بێده‌نگ و بێ بزاڤێن سیاسی و روشنبیری و جڤاكی رینم خار.
ئەكرەم گوللی: ده‌رباره‌ی ئه‌گه‌رێ ده‌ست ژ كاركێشا ته‌ گه‌ر بو مە به‌حس بكی، چ وه‌كریه‌ شه‌ریف شه‌ریف پشتی چه‌ندین سالیێن ناڤ پارتی و خه‌باتێ بگه‌هیت ڤێ بریارێ؟
شەریف شەریف: دا بۆ ته‌ ب ڤێ نموونێ ده‌ست پێبكم ، مانه‌ موسلمان روژیا دگرن ، نڤێژا دكن ، كارێن باش دكن ، داكو بچنه‌ به‌حشتێ؟ ما ئه‌گه‌ر بو به‌حشتێ نه‌بیت دێ چه‌وا ڤێ كن، من ژی ب ده‌هان سالا خزمه‌تكریه‌ ب ده‌هان سالان به‌رپرسیاره‌تی وه‌رگرتیه‌ ، ئه‌م مالباته‌كین هه‌می به‌هدینان مالباتا مه‌ ناسدكن ، نابیت ئه‌ڤ كار و خزمه‌تا مه‌ یا هنده‌ سالا بێ به‌رهه‌م بیت و بهێته‌ پشت گوهئاڤێتن، مه‌ یا كری داكو بشێن دنوكه‌دا خزمه‌تا خه‌لكی بكین، ئه‌گه‌ر رێ ب مه‌ نه‌هێته‌دان ئه‌كید رازی نابین.
ئه‌كره‌م گوللی ، زانیاریێن من دبێژن ژبه‌ركو پوستێ سه‌رپه‌رشتێ ئیدارا سه‌ربه‌خویا زاخو نه‌دایه‌ ته‌، ته‌ ئه‌ڤ بریاره‌ دایه‌؟
شەریف شەریف: ده‌هان ساله‌ دیركه‌فتیمه‌ و من یا ڤیایی خزمه‌تێ بكم ، چ جارا من پوست داحاز نه‌كرینه‌، به‌لكو بومن هاتینه‌ پێشنیاركرن ، ژوان جڤاتا نینه‌رێن عێراقێ، وه‌زاره‌تا ناوخو، جڤاتا پارێزگه‌ها دهوكێ و چه‌ندین پوستێن دیتر، لێ من ره‌تكرینه‌ و وه‌رنه‌گرتینه‌، به‌لكو من دڤیا خزمه‌تا باژێرێ زاخو بكم.
ئه‌كره‌م گوللی: بوچی چاڤێ شه‌ریف شه‌ریفی ل سه‌ر زاخویه‌ دڤێت پوستێ ئیداری وه‌ربگریت؟
شه‌ریف شه‌ریف،بتنێ ئێك تشت ئه‌گه‌ره‌ ، ڤیانا من بو ڤی باژێری ، ئه‌ڤه‌ باژێرێ منه، ئه‌ڤه‌ مالا منه‌ ، ئه‌ز حه‌ژ ژ زاخویێ دكم هه‌ر من ڤیایه‌ ل زاخو خزمه‌تێ بكم ، دێ هه‌ر خزمه‌تا زاخو كم ب پوست یان بێ پوست.
ئەكرەم گوللی: هیچ بژارده‌یه‌ك سیاسی ل به‌رده‌م ته‌ هه‌یه‌ ، یان رونتر بێژم دێ په‌یوه‌ندیێ ب چ حزبه‌كا دیتر كی؟
شەریف شەریف: زانی دا بو ته‌ بێژم، مروڤ ئه‌گه‌ر كارێ سیاسه‌تێ نه‌كت ، ئه‌گه‌ر بو چوونا سیاسی نه‌بیت، ئه‌گه‌ر هه‌لویست و بەشداری نه‌بیت ، ده‌ڤ من ئه‌و مروڤه‌ مریه‌، به‌لێ هه‌می بژارده‌ ل به‌رده‌م من ڤه‌كرینه‌ و دێ بریارا خوه‌ هه‌ر دەم ، من ب ڤان هه‌می سالێن خه‌باتێ و خزمه‌تێ نه‌كریه‌ دا ڕینم و بێ گوتن و كریار بم، ژ ڤێرێ پێڤه‌ پشتی كو هزره‌ك باش دكم ، دێ ئێكسه‌ر بریارا خوه‌ دەم، كا چ بكم یان چ پێنگاڤ بهاڤێژم، لێ ل سه‌ر گهورینیێن ده‌ڤه‌رێ و پارت و هه‌لویستان من ئێدی گوتنا خوه‌ هەبیت.
ئەكرەم گوللی: هیچ حزبه‌كا سیاسی تا نوكە په‌یوه‌ندی ب ته‌كریه‌؟
شەریف شەریف: من گوته‌ تە ل مالا خوه‌ مه‌ ل زاخو، دناڤ خێزانا خو دامه‌، ژیانا ئاسایی دبورینم ، تانوكه‌ من بریار نه‌دایه‌ كا چ بكم ، تانوكه‌ من بریار نه‌دایه‌ كارێ سیاسی چه‌وا و دگه‌ل كێ بكم.
ئەكرەم گوللی: ئه‌گه‌ر داخازا شه‌ریف شه‌ریفی بهێته‌ بجهئینان ، یان پوسته‌ك دیتر پێ بهێته‌ دان دێ ژبریا خوه‌ په‌شیمان بیت؟
شه‌ریف شه‌ریف: هێشتا تو من ناسناكی، پسیارا خه‌لكێ زاخو بكه‌ كا كی مه‌، ئه‌ز بریارا ب ساناهی نادم ئه‌گه‌ر من بریار دا مسته‌حیله‌ ئێدی لێ په‌شیمان ببم، د ژیانا خوه‌دا ئه‌گه‌ر شه‌ریف شه‌ریفی بریاردا په‌شیمان بو نینه‌ ، ئه‌ز نه‌ توڕه‌مه‌ و نه‌ژی بو پوستا بریارا ددەم ، نه‌ژی مه‌به‌ستا من پوسته‌، به‌لكو من دڤێت وه‌كو سروشتێ خوه‌ ئه‌ز ل جهێ رێڤه‌به‌رن و كارگێریێ بم ،ره‌قه‌م ئێك بم د وی جهێ لێ كاردكم، دا بشێم گهورینان په‌یداكم ، خه‌لكێ زاخو باش دزانن من چ خزمه‌ته‌كا وان كریه‌، له‌وا دبێژم ته‌ نه‌ من بو خاترا پوسته‌كی ئه‌ڤه‌ كریه‌ دا ئیمتیازاتا وه‌رگرم نه‌ژی بو سوزه‌كێ په‌شیمان دبم، به‌لكو یامن گوتی دكم كریار ، بریارا من دای دێ دوو باره‌كم، ڤه‌گه‌ریان لێ نینه‌.
ئەكرەم كوللی: تو خودان ڕه‌گه‌زناما ئێك ژ وه‌لاتێن ئوروپیێ، ل وێرێ دژی، دێ ڤه‌گه‌ری ئوڕوپا یانژی دێ مینێ ل زاخو؟
شه‌ریف شه‌ریف: دێ دگه‌ل خێزانا خوه‌ گه‌شته‌كا توركیا كم بو دیركه‌فتن ژ ڤێ ژینگه‌ها هه‌لبژارتنان ، پاشی جاره‌ك دیتر دێ ڤه‌گه‌رم زاخو ، زێده‌تری ساله‌كا دیتر ل زاخو مینم و به‌رده‌وام من گوتن و بووچوون هه‌بن، پشتی ساله‌كا دیتر دێ پاشی به‌رێخوه‌ ده‌ینێ كا دێ ڕه‌وش چلێ هێت.
ئەكرەم گوللی: بوچونا ته‌ ل سه‌ر ڤان گهورینێن كابینا حكومه‌تێ چنه‌؟
شه‌ریف شه‌ریف: زانی تو هنده‌ك سه‌روچاڤا بگهوری چ كارتێكرنه‌ك نابیت، چ لێ شین نابیت، كه‌س بتنێ بهێته‌ گهورین چ كارتێكرنێن ئه‌رێنی نابن، به‌لكو گهورین دڤێت ب پلان و پڕوژه‌ بهێنه‌ ئه‌نجامدان دا گهورین ل سه‌ر واقعی دیار بكن ، گهورینا كه‌سه‌كی بو جهه‌كی بتنێ به‌س نینه‌ ، نابینم ئه‌ڤ گهورینه‌ تشته‌ك لێ به‌رهه‌م بهێت. لێ دوماهیێ بتنێ من دڤێت ئه‌ڤێ بگه‌هینی ، شه‌ریف شه‌ریفی چ په‌یوه‌ندیه‌ك ب چ حزبه‌كا سیاسی نه‌مایه‌، ئه‌ندامێ چ حزبه‌كا سیاسی نینم. كه‌سه‌ك ئاسایی مه‌ و ل مالا خوه‌ رینشتیمه‌، 13 ساله‌ دیرم ژ به‌رپرسیاره‌تیێ ، بومن پوست خه‌منینن، به‌لكو یا من دڤێت خزمه‌تكرنا خه‌لكی یه‌.

دەربارە ف.ع

Check Also

عیراق … تیرورستێن داعش 11 وه‌لاتیێن بێ تاوان ل مقدادییه‌ شه‌هیدكرینه‌

رێكخراوا تیرورستى یا داعش ب رێكا په‌یچ و ئه‌كاونتێن خو ل تویته‌رى، به‌رپرسیاریه‌تیا خو ل …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *