مالپه‌رێ خابير مالپه‌ره‌كێ سه‌ربه‌خو یێ هه‌مه‌ره‌نگه
Related Articles
گوڤارا “فرویندین” یا ئه‌لمانی ئاماژه ب وێ چه‌ندێ كر كو هنده‌ك خارنێن هه‌ین هاریكارییا له‌شی دكن لسه‌ر نڤستنا كویر ب شێوه‌یه‌كێ بله‌ز، و ئه‌و ژی:
1- هێك
چونكی رێژه‌یه‌كا بلند یا پرۆتینان دناڤ هێكێ دا یێ هه‌یی، خارنه‌یه‌كا گونجاییه بۆ دانێ شیڤێ، چونكی رێژه‌یه‌كا بلند یا ترشێ ئه‌مینی تریبتوفان یێ دناڤ دا هه‌یی و ئه‌ڤ ترشه ژ كه‌ره‌سته‌یێن گرنگییه بۆ به‌رهه‌مئینانا هورمونێ میلاتونین كو به‌رنیاسه ب هورمونێ نڤستنێ.
2- گویز
زانایان ژ زانینگه‌ها تێكساس ئاشكراكرن كو رێژه‌یه‌كا باش یا میلاتونینێ دناڤ گویزان دا یێ هه‌یی، له‌وا شیره‌ت ب خارنا وێ كرن ژبه‌ری نڤستنێ، كو ئاستێ میلاتونینێ دناڤ خوینێ دا بلند دكت و هاریكارییا نڤستنه‌كا كویر یا بله‌ز دكت.
3- برنج
كاربوهیدراتا دناڤ برنجێ دا هه‌یی تریبتوفانێ زێده دكت، زێده‌باری هه‌بینا ڤیتامین و مه‌گنیسیومێ، كو هاریكارییا رحه‌تبینا زه‌ڤله‌ك و ده‌ماران دكت.
4- سه‌له‌مون
ماسییا سه‌له‌مون هاریكارییا نڤستنێ ب شێوه‌یه‌كێ باشتر دكت كو ترشێن دوهنی و ئومێگا 3 ب زێده‌هی دناڤ دایه، و ئه‌ڤه ژی هاریكارییا به‌رهه‌مئینانا میلاتونینێ دكن.
